Mataibo 15:3 - Northern Tepehuan Bible

³ Daidi go Suxi potïtïdai, —¿Dai aapimï, ix tuixi mai ïïgidi ixtumaxi gïr tïjai Diuxi dai bhaiyoma ïïgidi aapimï gïn bituldaraga?— itïtïdai.

Tepehuan Northern: Diuusi ñiooquidʌ utuducami oodamicʌdʌ

³ Taidʌ ʌSuusi tʌcacai daidʌ itʌtʌdai: ―¿Tuimʌsi aapimʌ maiʌʌgidi istumaasi ipʌlidi Diuusi baiyoma ʌʌgidi aapimʌ istumaasi gʌnviituli gʌnʌʌqui aaduñicaru?

Mataibo 15:3 Iomraidhean Croise

Mataibo 15:2

—¿Ix tuixidï gï mamaatïrdamiga mai ïïgidi go bituldaradï gïr aaduñi ïïkidadï? Apia dukai mai kia gïn ikomakai gakuayi ïgai tudu. Dai gïr ïïki aaduñi ikaitiña sai xi gakuadagi ïmoko mai kia gï ikomakai sai gobai tukurhimadai ibhïadï— itïtïdai.

Mataibo 15:4

—Daiñi— itïtïdai. —¿Maiti ix podukai ojixi Diuxi ojadïrï sai gï agai xi xadutuadagi aatïmï gïr oga ïmadï gïr dïï? Dai pokaiti Diuxi ïpï sai xorai soimaaxi ñokadagi buidïrï ogadï xiïpï dïïdï sai gï agai muatudagi ïgai Po tudu ikaiti Diuxi ojadï— itïtïdai Suxi.

Markos 7:13

Ka mai namïakami dukai biayi aapimï Diuxi ñokidï potïkai aapimï tudu dai ïïgi gïn bituldaragakïdï maakai aapimï ñoki. Dai jaa naana maaxi ibuayi aapimï podukai ïpï— itïtïdai Suxi.

Kolosenses 2:8

Daiñi, Suxi Kristo kïïgakïrï ïr Diuxi ïpïan ïxi Ogadï. Mai bii toma lïïchi xi kïïgakïrï ïr Diuxika ïgai ïpïan ïxi Ogadï tudu. Tomaxi gïr ïpïamaaxi biatu ïgai tukugadï bïïxkïrï kïïgakïrï ïr Diuxi ïgai. Dai kaxkïdï buaboitudakai aapimï ka bïïna bii aapimï Suxi Kristo dai ka maiti gïn biïga ixtumaxi gïn ibhïdagïrï. Ïgai tudu bïïxi adaama ïr Tïanïdami. Ïgai bamioma ïr gatïanïdami xi bhai tomax makïdï gubukadagai bipiakami tudu. Kaxkïdï maiti abïr gïn dagito xi gïn bupuirumadagi odami ix makïdï tïtïïgidi mosïkaxi óídakami tïgibudadï ix makïdï maiti ïr buaboi. Gobai maiti ïr soiñi. Aagaiña ïgai bituldaradï óídakami mosïkaxi dai mai aagai ïgai Suxi Kristo. Maiti abïr ïïgiada aatagidï ïgai. Tadu maamaixapikan dukai bii aapimï ïïgiditai aatagidï.

Tito 1:14

Daiñi, maiti gï agai xi ïïgiadagi go judidiu aatagidï ix makïdï maiti ïr buaboi. Dai maiti gï agai xi ïïgiadagi sïïrhikami ix makïdï ïr ïïgi odami tïgibudadï ix makïdï bhïiyi odami dagitokai ixtumaxi ïr buaboi. Ïgai pokaitiña sai ïïgiditai ïgai sïïrhikamigadï sai buañixi bipiïyi odami iibhïadï. Dïï maiti gï agai xi buamï ïrhiada aatïmï xi ïïgiada gobai.