Mataibo 12:17 - Northern Tepehuan Bible

¹⁷ Podui ïgai sai pogïduna ixdukatai oja go Isaiaskaru ïïki. Ïgai ïr ïmo ñokituldiadamigadїkatadai Diuxi dai podukai oja saidi Diuxi aagai ïmo ñoki aagaitai Suxi. Ami ojadïrï Diuxi ikaiti,

Tepehuan Northern: Diuusi ñiooquidʌ utuducami oodamicʌdʌ

¹⁷ Aidʌsi ʌpʌdui gomaasi aidʌ ʌpʌdui ismaacʌdʌ ooja Isaía sai pocaiti Diuusi:

Mataibo 12:17 Iomraidhean Croise

Mataibo 12:16

dai daidi ïgai sai aagaiña xorai ïgai.

Mataibo 12:18

Idi ïr go kïïrhi ix makïdï ïko busaitu aanï saidi ïr gin Pioñigakana. Kïïga oigïdai aanï gobai. Gin bhai ïrhiaraga gobai tudu. Maakimu aanï gin Ibhïdaga saidi ïmadï dakana. Dai aagidamu gobai go óídakami sai oidaga kïïgakïrï bubaidaragai asta go ix makïdï maiti ïr judidiu bïïtarï.

Mataibo 13:35

Podukai idui ïgai ix duakatai oja ïmo ñokituldiadamigadï Diuxi ïïki. Ïkiaxdïrï oja ïgai ix kaitiada agai Diuxi otosadï tudu. Daidi Diuxi ojadï ikaiti, —Maaxidaragai aatagikïdï gatïtïïgiadamu aanï ñoki go odami. Dai gatïïtïgiadamu aanï ixtumaxi ix makïdï tomarhi ïmo imidagai mai maatïkana ïgai aidï abhiadïrï xi kïkiba oidigi—.

Mataibo 21:4

Po gï idui gobai saidi pogïduna ix makïdï aagai Diuxi ñokituldiadamigadï ïïki. Aidï adukai oja ïgai,

Mataibo 8:17

Po dui ïgai ixtumaxi oja go Isaiaskaru ïïki. Go Isaias ïr ïmo ñokituldiadamigadï Diuxi dai oja ïgai ïmo ojai aagaitai Diuxi Otosadï, aagaitai go Tïanïdami tudu. Dai ikaiti ami go ojiïrï sai, —Diuxi otosadï maigobai dáí go kokodagai ïmadï bïïxi ixtuma soi taatamaiña aatïmï— po tudu oja go Isaiaskaru ïïki. Kaxkïdï duduadi Suxi go kokokoñiadï ïmadï ix makïdï biakatadai tïtïañikarudï go diabora ibuadatai ïgai ixdukatai oja go Isaiaskaru ïïki.

Lukas 21:22

—Aidï kaxi gï sïïrhiñdamu Diuxi soimaaxi ibuadami ïmadï tudu bai gï iduñagi bïïxi ixtumaxi ojixi Diuxi ñokidïrï.

Lukas 24:44

Dai bhodïrï soi Suxi tïgibudadï go mamaatïrdamigadï sai maatï kaïkana ïgai Diuxi ñokidï. Daidi potïtïdai ïgai, —Gïn tïgitobïrai aidïxi gïn aagidiña aanï sai bïïxi gï agaitadai xi po gï duñagi ix dukatai ojixi go Moises ojadïrï dai go Salmo librogadïrï dai go ojadïrï bïïxi go ñiñokituldiadamigadï Diuxi.

VUAANA 10:35

—Daiñi, mai tipu xorai potïiyagi sai soimaaxi ño Diuxi aidïxi podukai aagidi ïgai go odami ïïki. Dai ïkobïrakoga ka ojixi gobai Diuxi ñokidïrï ïpï dai ix makïdï ka ojixi Diuxi ñokidïrï mai tipu ix dukatai gajiadïrï biagi aatïmï.

VUAANA 12:38

Pobï gï dui gobai bai buaboi busaiña ix tumaxi aagaiña go Isaiaskaru ïïki. Ïgai ïr ïmo aagadamikatadai Diuxi ñokidï. Dai aatagaitadai ïgai Diuxi ïmadï ïïki dai aagai ix tutiaka agai óídakami xibi. Daidi itïtïdai ïgai Diuxi, Gin Tïanïdamiga, ¿Tuixi mai tipu xorai buaboitudagi gïr ñoki? itïtïdai. Kïïga gï maaxitu aapi odami buitapi di. ¿Ix tuixi mai máí ïgai xïïxi ïr gubuakami aapi? itïtïdai Isaias Diuxi.

VUAANA 19:28

Dai bhodïrï Suxi maatïkatadai sai kaxi bïïxi naatorhikatadai ix tumaxi biakatadai ïgai ix iduñagi. Dai kïïga iduña ïrhiditadai ix dukatai ojixi ïïki abhiadïrï Diuxi ñokidïrï daidi po tïi, —Tonomoka aanï— itïi ïgai. Podukai ojixikatadai ïïki abhiadïrï ix potïiya agai kaxkïdï potïi ïgai.

Hechos 13:27

Daiñi, go Jerusalenïrï óídakami ïmadï go bhaitï gukakami mai máí go Suxi xi ïr kïïgakïrï bubiadami. Mos ïkarhiïrï kaïkana ïgai ojadï go aagadami Diuxi ñokidï ibhïxtaragai tasïrï bapakïkai ïgai judidiu kiupaigadïrï. Dai tomaxi go ojai ïkiaxdïrï agaitadai go Suxi, go odami tomax dukai mai maatï kaï dai gatïjai muaragai. Dai podukai ka buaboi busai ixdukatai ojixi saidi gï muatuda agaitadai go Suxi.