Mataibo 10:5 - Northern Tepehuan Bible

⁵ Ïko bubaitu Suxi bhaibuxtama dan goka mamaatïrdamigadï tudu. Dai bhodïrï maa ïgai ñoki dai aagidi ix dukatai ibuada ïgai aaduindadï dai maigobai aipakoga otoi. Daidi potïtïdai, —Maiti abïr imi kiikidïrï gobai ix makïdï maiti ïr judidiu. Dai maiti abïr daibiada go gïgïr kiiki Samariana ïpï— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁵ Daidʌ ʌSuusi gʌrootoi vʌʌscatai aatʌmʌ tʌsai gaaagidana Diuusi ñiooquidʌ dai povʌrtʌtʌdai ʌgai: ―Maitavʌr iimi siaaco oidaga ʌgai ismaacʌdʌ maitʌrjudidíu, tomali maivapacʌda quiiquidʌrʌ Samaalia dʌvʌʌriʌrʌ oidacami,

Mataibo 10:5 Iomraidhean Croise

Mataibo 22:3

Dai go Rey ïkiaxdïrï ka bapaiditadai mui óídakami sai dadana go kunataragiana. Dai gokiïrï aidïxi ka bhai duñixitadai go bagimi sai otoi ïgai pipioñigadï aipako saidi aagidana ïgai go bapaidadї sai dadana go kunataragiana. Dïï maiti ipïrhi ïgai xi dadiagi.

Mataibo 4:15

Tami idi ojiïrï gïn aagidamu aanï ïmo ñoki aagaitai ïmo kïïrhi ix makïdï ayi agai ami xako óídaga go piipixaradï go sebulon dai piipixaradï go neftali ïpï dai xako óídaga jaa ïpï ix makïdï maiti ïr judidiu. Amïïka ayimu ïgai baasadïrï go aki Jordan tïgidukami dai ayimu miadïrï xako kaatï go gïï sudagi Galilea tïgidukami ïpï. Ami xako óídaga mui óídakami ix makïdï maiti ïr judidiu dai óídaga ami go judidiu saagida.

Markos 6:7

Bhodïrï báí ïgai go bhaibuxtama dan goka mamaatïrdamigadï, dai aipako otoi gogokatai. Dai maa gubukadagai xi bubaidana Diabora tïtïañikarudï odamiañdïrï.

Lukas 10:1

Daidi gokiïrï ïko bubaitu Suxi ïpï baikobhai dan bhaibuxtama mamaatïrdamigadï dai bhaitïki otoi bïïxi go gïgïr kiikiamu dai bïïxi go ïïmapïkïrï xakoga imi agai ïgai gokiïrï. Gogokatai otoi ïgai.

Lukas 10:33

—Dai gokiïrï ami ayi ïmo Samarhiïrï oidakami dai daama daitugai ïgai ïmo axñitu. Dai tomaxi ïr Samarhiïrï oidakami bïïxkïrï soi gï ïlda tïï ïgai go boiyïrï kaatïkïdï.

Lukas 9:1

Dai ïmo imidagai Suxi báí mamaatïrdamigadï dai maa sïïrhikami. Bhaibuxtama dan gokadu mamaatïrdamigadï. Dai maa Suxi gubukarhigai sai bubaidiña ïgai diabora tïtïañikarudï odamiañdïrï ix makïdï biakagi. Maa ïgai gubukarhigai ïpï sai duduadiña kokokoñiadï.

Lukas 9:2

Dai bhodïrï otoi ïgai sai apakoga aagaiña ïgai ix dukatai tïanïi Diuxi dai sai duduadiña ïgai go kokokoñiadï.

VUAANA 17:18

Dai ix dukai gin otoi aapi tami óídakami saagida, podukai ïpï otosa iñagai gin mamaatïrdamiga sai iimïna óídakami saagida ïpï.

VUAANA 20:21

Dai Suxi ïpïpï potïtïdai, —Bhïibïrai ibhïxtaragai gïn iibhïdagïrï— itïtïdai. —Daiñi, podukai ix dukatai gin Oga gin otoi bhaigobai óídakami saagida, podukai ïpï aanï gïn otosai óídakami saagida aipakoga— itïtïdai.

VUAANA 4:20

—Gin aagidañi tudu ix makïdï ïr buaboi, aapimï judidiu ikaiti sai mosïkaxi Jerusalenïrï gï agai ix ibuadagi xadutudaragai Diuxi bïïtarï dai aatïmï Samarhiïrï óídakami ïma dukai aagai. Aatïmï gïr piipixarakaru ïïki abhiadïrï ibuayi xadutudaragai Diuxi bïïtarï tami Samarhiïrï go tubidakana ix makïdï tami Samarhiïrï kïïka. Gin aagidañi, ¿Bako ïr kïïga ix xadutuada aatïmï Diuxi?— itïtïdai.

VUAANA 4:5

Dai ami Samarhiïrï ayi ïgai ïmo arhi kiiki xako Sikar tïgidu oidigi. Go Sikar miadïrï bipiïyi go dïbïrai xako Jakobokaru daibundi go Josekaru maradïkatai ïgai.

VUAANA 4:9

Dai go oki itïtïdai, —Aanï ïr oki dai ïr Samarhiïrï oidakami dai aapi ïr judiu di— itïtïdai. —¿Tuixi gin ñokidi aapi dai gin tanïi sudagi?— itïtïdai. Go judidiu tukurakami ubadai dukai ix tumaxi taatagi ïmo Samarhiïrï oidakami tudu dai kaxkïdï pokaiti go oki.

VUAANA 7:35

Daidi go judidiu bhaitï gukakami ïïgi gïn tïkakatadai aipako daidi ikaiti, —Mai maatï aatïmï ix tumaxi gïr aagida ïrhidi Suxi. ¿Xakoga imïna gobai ix mai tïïgana aatïmï?— ikaiti. —Maatï ix imia gobai mïkaxi dai dibida agai go jaa judidiu saagida ix makïdï ïr griego ñokadami. Maatï ix gatïïgida agai aatagi go óídakami maigobai ix makïdï maiti ïr judidiu ïpï— ikaiti.

VUAANA 8:48

Daidi go judidiu itïtïdai, —Aa gia Samarhiïrï oidakami maaxi tuiga aapi biakatai ïmo diabora tïañikarudï gï abhana— itïtïdai.

Hechos 1:8

—Dïï gia xïïxkadï aiyagi Diuxi Ibhïadï gïn abhana aidï bhïimu aapimï gubukarhigadï ïgai dai odami buitapi aituldamu aapimï ñoki gin bïïtarï. Jerusalenïrï aituldamu aapimï gin ñoki ïmadï xako Judeana tïgidu oidigi ïmadï maigobai xako Samariana tïgidu oidigi dai asta mïkaxi oidigi ugidïrï ukami aituldamu aapimï ñoki gin bïïtarï— itïtïdai go Suxi.

Hechos 10:45

Daidi go buaboitudadami judidiu ix makïdï oiditadai go Piduru ka mai tïïtadai ixdukatai gïn tïtïgitoagi ka nïiditai sai Diuxi Ibhïadï kaxi abhana bitadai go odami ix makïdï maiti ïr judidiu ïpï.

Hechos 8:1

Daidi go Saulo ami dajatadai ïpï aidïxi gï muatu go Tibañi dai bhai aa mïx muagi. Dai gokiïrï dada kïkïïrhi kïïga xadutuadadami Diuxi dai yaasa tukugadï Tibañi. Kabami susuanïitadai ïgai soi gïn ïrhiditai. Dai aidï tasïrï aidïxi gï muatu go Tibañi go Jerusalenïrï óídakami bui surhi go gaa buaboitudadami ïpï dai soimaaxi taataturhimitadai. Dai go buaboitudadami aipako iji abhiadïrï. Jaa iji Judeamu dai jaa Samariamu. Mosïkaxi Suxi ojotosadï anaaxi bii Jerusalenïrï.

1Tesalonicenses 2:16

Dai kaxkïdï gïr sobhida ïrhidiña ïgai ix mai aituldada aatïmï go bhai ïrhiaragai aatagi go odami ix makïdï maiti ïr judidiu. Maiti ipïrhidi ix kïïgakïrï bubuakiagi ïgai kaxkïdï. Sobhikïiña ïgai jaa ix mai buaboitudagi tudu. Podukai adaimïiña ïgai go soimaaxkami tudu. Dïï gia Diuxi ka mai dagitomu ix apia sobhidagi ïgai jaa ix buaboitudagi. Xibi ka ayi ïmo gïdukami gïgïbidaragai Diuxiañdïrï go sobhidakami bïïtarï tudu.