Mataibo 10:4 - Northern Tepehuan Bible

⁴ Dai ïmai Ximuñi tïgidu. Ïgai ïr ïmai Ximuñi ix makïdï politiko aagaiña odami. Dai ïpï ïmai Udaxi Iskariote tïgidu. Ïgai ïr ix makïdï gatïïgi go Suxi go buidïrï bïïtïkamigadï gokiïrï.

Tepehuan Northern: Diuusi ñiooquidʌ utuducami oodamicʌdʌ

⁴ dai Simuñi ʌgai ʌrʌmoco ismaacʌdʌ vuidʌrʌ caatʌcana ʌromamano, dai Uudasi Iscaliote ismaacʌdʌ gooquiʌrioma gatʌʌgi ʌSuusi.

Mataibo 10:4 Iomraidhean Croise

Mataibo 26:14

Bhodïrï go kïïrhi Udaxi Iskariote tïgidukami jii dai mïï aataga ïmadï tïtïanïdamigadï go dadaxdadami. Go Udaxi ïr ïmadutai go bhaibuxtama dan goka mamaatïrdamigadï Suxi tudu.

Mataibo 26:15

Daidi tïkaka ïgai go tïtïanïdamigadï go dadaxdadami daidi potïtïdai, —¿Xïïxi gin aa namïidana aapimï ix gïn tïïgidagi aanï go Suxi?— itïtïdai. Daidi go tïtïanïdami maa ïmokobhai dan bhaibuxtama plata tuminxi.

Mataibo 26:2

—Kïïga maatï aapimï sai ka miadimi go kïïgakïrï bubaidaragai bagimi mos arhi goka tasai bii ix aiyagi gobai tudu. Dai amaxi bagimiana gin tïïgida aagai ïmoko go dudunukami baidi ïgai gin tïañi agai muaragai kuruxiana aanï ix makïdï ïr go otosadï Diuxi dai ïmo kïïrhi busai tudu— itïtïdai.

Mataibo 26:47

Kia ñokaitadai go Suxi taidi ami dibia go Udaxi. Ïgai ïr ïmoko go bhaibuxtama dan goka mamaatïrdamigadï Suxi. Dai jaa mui odami oiditadai go Udaxi ïpï dai bukati mamaaxtai dai uxi. Ojotosadï ïgai go tïtïanïdamigadï go dadaxdadami ïmadï jaa bhaitï gukakamigadï go judidiu.

Mataibo 27:3

Dai aidïxi ka máí go Udaxi sai ka bhai duitadai ñoki go dudunukami sai mua agai go Suxi saidi soi gï ïrhi ïgai. Ïgai gatïïgitadai tudu. Soi gï ïrhi ïgai dai ïma dukai gï tïgito. Dai bhïkai ïgai go maitïki ix tukïdï gatïïgitadai ïgai Suxi dai mïï aa noraida agai go tïtïanïdamigadï go dadaxdadami ïmadï go gaa bhaitï gukakamigadï go judidiu. Ïmokobhai dan bhaibuxtama plata tuminxikatadai gobai.

Markos 14:10

Bhodïrï go kïïrhi Udaxi Iskariote tïgidukïdï dai ix makïdï ïr ïmadutai go bhaibuxtama dan goka mamaatïrdami, jii dai mïï aataga ïmadï tïtïanïdamigadï go daxdadami. Aagidi ïgai sai tïïgida agai go Suxi.

Markos 14:43

Kia pokaititadai go Suxi tai ami dibia go Udaxi. Ïgai ïr ïmoko go bhaibuxtama dan goka mamaatïrdamigadï Suxi. Dai jaa mui odami oiditadai go Udaxi dai bhïkati ïgai mamaaxtai dai uxi. Ojotosadï ïgai go tïtïanïdamigadï daxdadami daidi ïr ojotosadï ïpï go maatïtuldiadami sïïrhikami ïmadï jaa bhaitï gukakamigadï judidiu.

Lukas 22:3

Daidi go Diabora baa Udaxi ïrana aidï gatïanïda agaitai. Go Udaxi ïr ïmoko go bhaibuxtama dan goka ojotosadï Suxi dai óídakami Iskariote aagaiña ïpï.

Lukas 22:47

Kia ñokaitadai go Suxi aidï dai ami ayi mui odami dai bhaitïki imïitadai go Udaxi aidï. Dai miadïrï ayi ïgai Suxi dai usupiga agai kaamadïrï. Idi Udaxi ïr ïmoko go bhaibuxtama dan goka mamaatïrdamigadï Suxi.

VUAANA 13:2

Dai aidï urunoko gakuadatadai ïgai go Daibuñigïrï kuadagadï. Dai ami dajatadai go Udaxi Iskariote ix makïdï ïr maradïkatadai ïmo kïïrhi Ximuñi tïgidukami. Dai aidïxi ami dibia ïgai go diabora ka abïnakiditadai sai gatïïgidana ïgai go Suxi.

VUAANA 6:64

Dïï ïïmadutai aapimï maiti gin buaboitudai tomax dukai— itïtïdai. Potïtïdai Suxi tudu kïïga maatïkatai xorai ïgai dai mai buaboituda agaitadai. Dai maatïkatadai ïpï ix makïdï odami ïgai dai gatïïgida agai ïgai.

VUAANA 6:71

Potïi go Suxi aagaitai go Udaxi. Go Udaxi ïr maradï Ximuñi Iskariote daidi ïr ïmoko go bhaibuxtama dan goka mamaatïrdamigadï Suxi. Ïgai tudu gatïïgida agaitadai go Suxi.

Hechos 1:13

Daidi ka aïkai Jerusalenïrï tïtïsai ïgai ïmo gokoadaamarhikamiïrï baaki. Ami kiiyïrï gïn urhiñatadai ïgai muidutai. Darakatadai go Piduru ïmadï Jakobo dai Juan ïmadï Andïrïxi dai Pirhi dai Tomás dai Bartolomé dai Mataibo ïmadï Jakobo Alfeo maradï ïmadï Ximuñi ix makïdï politiko aagaiña odami ïmadï Udaxi ix makïdï ïr maradï Jakobo.

Hechos 1:25

baidi bhïna ïgai go sïïrhikami ix makïdï biakatadai go Udaxikaru dai ka dagito. Dagito ïgai sïïrhikamigadï dai ka jii xako gï agaitadai ka arhiï soimaaxi idunakai— ikaiti ïgai gadaanïitai.