Mataibo 10:3 - Northern Tepehuan Bible

³ Dai ïmai otosadï Suxi Pirhi tïgidu, dai ïmai Bartolomé, dai ïmai Tomás, dai ïmai Mataibo. Go Mataibo ïr taanïdamikatadai kuota. Dai ïmai Jakobo tïgidu. Ïgai ïr Alfeo maradï. Dai ïmai Tadeo tïgidu.

Tepehuan Northern: Diuusi ñiooquidʌ utuducami oodamicʌdʌ

³ dai Piili, dai Bartolomé, dai Tomás, dai aanʌ Mataivo ismaacʌdʌ ʌrvuudamicatadai tumiñsi, dai Jacovo Alfeo maradʌ, dai Leveo mʌsmaacʌdʌ Tadeo aagaiña ʌʌpʌ,

Mataibo 10:3 Iomraidhean Croise

Mataibo 18:17

Dai xi modukai maiti ipïrhiadagi ïgai xi gïn ïïgiadagi abïr aagida bïïxkatai go buaboitudadami. Dai xi apia dukai maiti ipïrhiadagi ïgai xi ïma dukai gï tïgitoagi, aidï gia maiti abïr biaka urabaragai ïgai ïmadï. Ïmo mai buaboitudadami kabami soimaaxi ibuadami dukai abïr nïijada aidï. Ïmo taanïdami kuota ix makïdï mai sïïrhi aatabuayi podukai abïr nïijada tudu— itïtïdai Suxi.

Mataibo 9:9

Bhodïrï bhaitïkioma jii Suxi dai daibusai xako kïïka ïmo kii. Dai ami darajatadai gubukadagai bipiakami dai gataanïitadai ïgai kuota go iimïdami. Dai ami tïï Suxi ïmo tanïdami kuota Mataibo tïgidukami. Dai Suxi potïtïdai, —Gin oidañi aapi kïïrhi— itïtïdai. Daidi go Mataibo oton oi go Suxi.

Markos 15:40

Dai mïkaxdïrï gukatadai oki ïpï dai nïnïidi ix dukatai ïpïbuimi. Dajatadai Maria Magdalena, dai go gïmai Maria ix makïdï ïr dïïdï Jakobo ïmadï Jose dai Salomé. Jakobo arhidukïdï aagaiña odami go Jakobo.

Markos 2:14

Bhodïrï bhaitïkioma jii Suxi dai nobai daibuskimi ïgai xako kïïka ïmo kii dai ami darajatadai gubukadagai bipiakami dai gataanïi kuota go iimïdami. Dai Suxi tïï ïmo tanïdami kuota Lebi tïgidukami xi ami dakatadai. Alfeo maradï ïgai. Dai Suxi potïtïdai aidï, —Gin oidañi aapi kïïrhi— itïtïdai. Taidi Lebi oton oi go Suxi.

Markos 3:18

Dai darai ïgai go Andïrïxi, ïpï dai Pirhi, dai Bartolomé, dai Mataibo, dai Tomás, dai Jakobo ix makïdï ïr maradï Alfeo, dai Tadeo, dai Ximuñi. Idi Ximuñi ïgai dai politiko aagaiña ixtumaxi bubaida ïrhiditai ïgai go romanos Israelañdïrï.

Lukas 18:10

Dai potïtïdai Suxi, —Ïmo imidagai goka kïkïïrhi bapai ami go gïï kiupiïrï Jerusalenana dai gadaanïda agai Diuxi ami. Ïmoko ïr fariseo dai ïmoko ïr taanïdami kuota.

Lukas 18:11

Dai ami kiupiana kïïkiba go fariseo dai adukai gadaanïi Diuxi, —Aapi Diuxi— itïtïdai. —Kïïga bhai gin ïrhidi aanï aapikïdï maatïkatai sai aanï mai ïpïamaaxi aanï gobai soimaaxi ibuadami. Aanï mai ïpïamaaxi go ïïxibogami dai go ix makïdï mai sïïrhi aatabuayi dai ix makïdï gaïmadï bopoiña aipakoga tudu. Dai bhai gin ïrhidi aanï mai ïpïamaaxkatai aanï go taanïdami kuota ix makïdï bhobai kïïka— itïtïdai aagaitai go gïmai ix makïdï ami kiupiana dibiatadai.

Lukas 18:13

Dïï gia go taanïdami kuota gïïpi ïma dukai aagai gadaanïitai. Ïgai gia bhai mïkaxdïrï bii dai tomarhi maiti ipïrhi xi táí nïnïabagi tïbagiamakoga. Dai gïbaiña ïïgi taagidï soi ïrhiarakïdï maatïkatai sai kabami ïr soimaaxi ibuadami ïgai Diuxi bïïtarï. Daidi ikaitiña, —Soi gïldakai gin nïida aapi Diuxi. Aanï gia sïïrhikïdï ïr soimaaxi ibuadami— ikaiti gadaanïitai ïpï.

Lukas 19:2

Dai ami Jerikoana dakatadai ïmo kïïrhi Zakeo tïgidukami. Tïanïdamigadïkatadai ïgai go gaa tanïdami kuota ami dai kïï gï bidakatadai.

Lukas 5:27

Dai bhodïrï busai go Suxi ami kiikiañdïrï dai nobai tïï ïmo kïïrhi Lebi tïgidukami. Ïgai ïr ïmo taanïdami kuota dai oficinagadïrï dakatadai. Daidi Suxi potïtïdai, —Gin oidañi nai aanï gï maatïtuldamu naana maaxi— itïtïdai.

VUAANA 1:48

Dai go Natanael kaï daidi itïtïdai, —¿Dukatai mos ïï kïïga gin maatï aapi?— itïtïdai. Dai go Suxi itïtïdai, —Aanï gï nïidi aidïxi mai kia gï baidakai Pirhi, aidïxi ïmo igoxi uta kïakatadai aapi— itïtïdai.

VUAANA 11:16

Dai ami dajatadai ïmo mamaatïrdami Tomás tïgidukami, ix makïdï kuatai aagaiña odami. Dai potïtïdai ïgai go gaa mamaatïrdami, —Timïda dai oida go Suxi dai ïmadï koiyagi xuduku muagi go Judeïrï óídakami go Suxi. Amïka óídakami sïïrhikïdï kïïdai gobai di— itïtïdai.

VUAANA 14:22

Dai ami dajatadai ïmo kïïrhi Udaxi tïgidukami, dïï ïgai maiti ïr go Udaxi Iskariote tïgidukïdï. Ïgai ïr ïmai. Dai itïtïdai ïgai go Suxi, —Gin Tïanïdamiga, ¿Tui pïxi mosïkaxi aatïmï gïr tïtïgida agai ix tuiga aapi dai bïïxi go gaa maigobai gia cho?— itïtïdai.

VUAANA 14:5

Dai go Tomás itïtïdai, —Gin Tïanïdamiga, ¡Tomarhi mai maatï aatïmï xako imi agai aapi! ¿Dukatai maatïkana aatïmï go boi?— itïtïdai.

VUAANA 14:9

Daidi Suxi potïtïdai, —Aapi Pirhi, ¿Tui pïxi pokaiti sai gïn tïïgidana aanï gin Oga? ¿Mai ix ka tïbïpi gïn ïmadï dakana aanï? ¡Dai modukai mai kïïga gin máí aapi! Daiñi, xorai gin nïidi kaxi ïr nïijadami gin Oga ïpï mos gin nïiditai— itïtïdai.

VUAANA 21:2

Ami darajatadai go Ximuñi Piduru ïmadï Tomás, ix makïdï kuatai aagaiña odami, ïmadï Natanael go Kanañdïrï oidakami. Dai ami darajatadai maamaradï Zebedeo ïpï ïmadï jaa goka mamaatïrdamigadï.

Hechos 1:13

Daidi ka aïkai Jerusalenïrï tïtïsai ïgai ïmo gokoadaamarhikamiïrï baaki. Ami kiiyïrï gïn urhiñatadai ïgai muidutai. Darakatadai go Piduru ïmadï Jakobo dai Juan ïmadï Andïrïxi dai Pirhi dai Tomás dai Bartolomé dai Mataibo ïmadï Jakobo Alfeo maradï ïmadï Ximuñi ix makïdï politiko aagaiña odami ïmadï Udaxi ix makïdï ïr maradï Jakobo.

Hechos 12:17

Dïï mos go Piduru gï nobikïdï aagidi sai gïn dodorhimadana dai bhodïrï aagidi ïgai ixdukatai Diuxi busaitu maixakaruañdïrï. Daidi itïtïdai ïgai go odami aidï, —Aagidabïrai go Jakobo ïmadï go gaa buaboitudadami ïpï ixdukatai pogïdui— itïtïdai. Dai bhodïrï xibhïakoga jii go Piduru abhiadïrï.

Hechos 15:13

Dai kugaidakai ïgai gïn aatagi bai Jakobo itïtïdai aidï go gaa, —Gin aaduñi, gin kaïkabïrai.

Hechos 21:18

Dai xadiko Pabora gïr oi dai mïï dibiji aatïmï go Jakobo. Ami darajatadai bïïxi go kïkïrhiodami bhaitï gukakïdï ïpï.

Galatas 1:19

Aidï mosïkaxi go Piduru tïï aanï ïmadï go Santiago go sukurhidï Suxi. Mosïkaxi ïgai tïï aanï tudu dai maigobakoga mai tïï aanï go gaa ojotosadï Suxi.

Santiago 1:1

Aanï ïr Santiago ix makïdï gïn ojidi idi ojai. Ïmo pioñigadï aanï Diuxi dai Suxi Kristo Gïr Nukadakami ïpï. Ïmo biatuldaragai bïïtarï bïïxkatai aapimï judidiu ix makïdï ïr buaboitudadami dai ix makïdï aipakoga mïïmïkaxi óídaga oidigi daama, aapimï ix makïdï ïr piipixaradï go bhaibuxtama dan goka maamaradï go Jakobokaru tudu.

Udaxi 1:1

Bhaiga gin aaduñi Diuxi amadïrï. Aanï ïr Udaxi dai gïn ojidi idi ojai. Sukurhidï aanï Santiago dai ïmo pioñigadï aanï Suxi Kristo. Gïn ojidi aanï aapimï ix makïdï ïr ïko bubaidadï Diuxi gïr Oga. Aapimï ïr ix makïdï kïïga gïn oigïdai dai gïn nukadai Diuxi. Gïn nukadai ïgai urabakatai aapimï Suxi Kristo tudu.