Mataibo 10:1 - Northern Tepehuan Bible

¹ Dai bhodïrï bai Suxi bhaibuxtama dan goka mamaatïrdamigadï daidi dada ïgai xako dajatadai Suxi. Dai maa Suxi gubukarhigai ïgai sai bubaidana ïgai tïtïañikarudï go diabora odamiañdïrï dai sai duduadana ïgai bïïxi kokokoñiadï toma maaxkami kokodagai bipiakami ïgai.

Tepehuan Northern: Diuusi ñiooquidʌ utuducami oodamicʌdʌ

¹ Amaasi ʌSuusi gʌrvaí aatʌmʌ baivustaama dan gooca tʌsaidʌ ʌrmamaatʌrdamigadʌcana dai gʌrmaa sʌʌlicami sai vuvaidiña aatʌmʌ Diaavora tʌtʌaañicarudʌ oodamiaiñdʌrʌ dai duduaaididana oodami tomastuma coocodagai viaacami.

Mataibo 10:1 Iomraidhean Croise

Mataibo 19:28

Daidi Suxi potïtïdai, —Kïïga ïr buaboi ixtumaxi gïn aagidamu aanï xibi. Kaïkabïrai tudu. Daiñi, aanï ïr Diuxi otosadï ix makïdï ïmo kïïrhi busai. Dai xïïxkadï utudutuldagi aanï go tïbagi ïmadï oidigi aidï daibamu aanï ïmo daikaruana kïï tiodikami dai kïï namïakami dai ami dakatai gatïanïdamu aanï— itïtïdai. —Dai amaxi aapimï daraibamu gïgïr daraikaruana ïpï dai ami darakatai gatïanïdamu aapimï ïpï. Amaxi gatïanïdamu aapimï bïïxi go piipixaradï go bhaibuxtama dan goka maamaradï go Israelkaru tudu— itïtïdai.

Mataibo 26:20

Dai aidï urunoko ka mesa buidïrï dakatadai Suxi ïmadï go bhaibuxtama dan goka mamaatïrdamigadï

Mataibo 26:47

Kia ñokaitadai go Suxi taidi ami dibia go Udaxi. Ïgai ïr ïmoko go bhaibuxtama dan goka mamaatïrdamigadï Suxi. Dai jaa mui odami oiditadai go Udaxi ïpï dai bukati mamaaxtai dai uxi. Ojotosadï ïgai go tïtïanïdamigadï go dadaxdadami ïmadï jaa bhaitï gukakamigadï go judidiu.

Mataibo 4:23

Dai bhodïrï aipakoga jii Suxi ami Galileana. Bapakïiña ïgai kikiupaigadïrï go Judidiu dai ami gatïtïïgidi ïgai ñoki. Aagidiña ïgai odami go bhai ïrhiaragai ñoki aagiditai sai ka bhai otoma gatïanïda agai Diuxi. Podukai gamamaakaiña ïgai aatagi. Dai duduadaiña ïgai bïïxi go naana maaxi kokokoñiadï ïpï.

Mataibo 6:13

Gïr soiñañi sai mai ïïgiada aatïmï soimaaxi tïgibudagai. Dai gïr soiñañi xïïxkadï gïr abïnakiadagi go diabora sai soimaaxi ibuada aatïmï ïpï— Podukai aagidi Suxi go mamaatïrdamigadï sai podukai daanïda ïgai Diuxi.

Mataibo 9:35

Aidïpïrï go Suxi aipakoga aimïraitadai daidi didibiditadai ïgai mui go gïgïr kiiki ïmadï aarhi kiiki ïpï ami Galilea munisipioana. Ami kiikiïrï aïjïiña ïgai kikiupaigadïrï go judidiu dai ami mamaakaiña ïgai aatagi aagaitai go bhai ïrhiaragai ix makïdï ikaiti sai toma gatïanïda agai Diuxi. Dai aipakoga duduadaiña ïgai bïïxi go naana maaxi kokokoñiadï ïpï.

Mataibo 9:38

—Daanïdabïrai Diuxi tudu sai otosana mui odami saidi yooban duñagi ïgai óídakami soikïitai ix buaboitudagi ïgai— itïtïdai. —Diuxi ïgai dai gatïanïi go yoobaragïrï tudu— itïtïdai.

Lukas 10:19

Daiñi, gïn maa aanï gubukarhigai xi tomaxi kïixapadagi aapimï kookoyi xiïpï naakasorai mai xïduñimu aapimï. Gïn maa aanï gubukarhigai ïpï sai asta go diabora maiti ixtuidana gïn buidïrï. Mai tipu ixtumaxi soi gïn buadagi tudu. Dai kïïga ïr buaboi saidi ïr ïmo bhai ïrhiaragai xïïxkadï gïn ïïgiadagi go diabora tïtïañikarudï

Lukas 21:15

Aanï gïn maakimu tïgibudagai ixtukïdï ñokadagi aapimï aidï. Dai ix makïdï gïpiïrï gïn bupadagi ka mai tïigimu ixdukatai gïn aa noraidagi ñoki gïn soikïitai aanï— itïtïdai.

Lukas 24:49

—Daiñi— itïtïdai. —Ka podukai aagai gin Oga sai gïn maaki agai Ibhïadï gïn abhana dai aanï gïn otosdamu ïgai. Dïï gia gï agai xi tanaxi Jerusalenïrï biiyagi aapimï dai nïnïrakagi asta xïxkadï Diuxi Ibhïadï gïn maakiagi gubukarhigai tïbagiañdïrï— itïtïdai.

Lukas 6:13

Dai xadiko mos maaxikai oidigi sai báí ïgai bïïxi mamaatïrdamigadï dai ïgai iji gidiamu ïpï. Dai ïko bubaitu Suxi bhaibuxtama dan goka abhiadïrï mamaatïrdamigadï saagidañdïrï dai maa ïmo sïïrhikami saidi ïr ojotosadïkana ïgai.

VUAANA 17:2

Aapi gin Oga gin maa sïïrhikami an sai tïanïna bïïxi oidigi daama óídakami. Dai gin maa aapi sïïrhikami ïpï sai gin gubukarhigakïdï kïïgakïrï óídakana bïïxkïrï bïïtarï bïïxi go óídakami ix makïdï gin maa aapi.

VUAANA 3:27

Dai Juan itïtïdai, —Diuxi ïgai dai podukai maa gubukadagai go Suxi ix kaxkïdï mui odami uurapïkïi. Xadïrï bhïna gubukadagai podukai ïmo odami ix Diuxi maiti ipïldagi di— itïtïdai.

VUAANA 3:35

Dai Diuxi gïr Oga sïïrhikïdï oigïdai Maradï dai maa gubukadagai ix tïanïna bïïxi aïkatai.

VUAANA 6:70

Dai Suxi itïtïdai, —Ïjï. Bhaibuxtama dan gokadu aapimï ix makïdï aanï ïkobai gïn bubaitu saidi ïr gin bïïtarïkana. Dïï gia ïmadutai aapimï bia ïmo diabora tïañikarudï— itïtïdai.

Hechos 1:8

—Dïï gia xïïxkadï aiyagi Diuxi Ibhïadï gïn abhana aidï bhïimu aapimï gubukarhigadï ïgai dai odami buitapi aituldamu aapimï ñoki gin bïïtarï. Jerusalenïrï aituldamu aapimï gin ñoki ïmadï xako Judeana tïgidu oidigi ïmadï maigobai xako Samariana tïgidu oidigi dai asta mïkaxi oidigi ugidïrï ukami aituldamu aapimï ñoki gin bïïtarï— itïtïdai go Suxi.

Hechos 19:15

Daidi ïmo imidagai ïmo Diabora tïañikarudï ïrana dajatadai ïmo odami dai aa noraidi ïgai ñokidï go ix makïdï busaidadankaiti daidi itïtïdai, —Kïï maatï aanï Suxi dai Pabora ïpï dïï borï aapimï dai pomaaxi ñokai— itïtïdai.

Apokalipsis 12:1

Dai bhodïrï tïï aanï xi tïbagiana gï maaxitu ixtumaxi ix makïdï odami mai nïidiña. Gï maaxitu ïmo oki nonoakami dai masadai daama kïïka dai go tasa gï bhixaka ïgai yukuxidï dukai. Dai gï kïïsaka ïgai ïmo korona ix makïdï bia bhaibuxtama dan goka xixabugai. Dai gïgïrï aijiïgïi ïgai kokokatai karhioga buapa agaitai ïmo arhi odami.