Mataibo 1:23 - Northern Tepehuan Bible

²³ Gïr Nukadakami potïtïdaitadai ïgai aidï saidi, Nonoakami bii agai ïmo arhi oki ix makïdï mai kia ïmadï bii tomarhi ïmo kïïrhi dai marata agai ïmo arhi xïïñi dai Emanuel tïïtïmu ïgai. Gobai ïr go ñoki ix makïdï aiturhi go ñokituldiadamigadï Diuxi go óídakami ïïki tudu. Dai go tïtiaradï go Emanuel itïiya ïrhidi sai Diuxi gïr ïmadï daja.

Tepehuan Northern: Diuusi ñiooquidʌ utuducami oodamicʌdʌ

²³ Ʌmo ali tʌji nonoatumu dai maratamu ʌmo ali gʌʌli dai Emanuel aagadamu oodami. Ascaiti Diuusi. Emanuel itʌiya ʌlidi: Diuusi gʌrʌʌmadu daacana.

Mataibo 1:23 Iomraidhean Croise

Isa 7:14

Po tïtïdai ïgai sai, —Gïr Nukadakami gïn maaki agai aidï ïmo maaxidaragai ixtukïdï maatïkagi aapimï xi ïgai iduñi agai ix dukatai gïn aagidi ïgai ïïki. Gïn aagidamu aanï ix tumaxi ïgai daidi ïr maaxidaragai ka agai. Ïmo tïji ix makïdï mai kia abhana boo kïïrhi tïïgi agai ïmo arhi gïrhi abhana. Gobai ïgai dai maaxidaragai ka agai. Dai ka dibiakai ïgai Emanuel tïïtï agai— itïtïdai Isaias go Israelitas.

Mataibo 1:24

Po tudu ikaiti go tïañikarudï Diuxi ix makïdï otoi ïgai saidi maakana ñoki go Jose. Dai bhodïrï nïnïa go Jose dai otoma ïïgidi ïgai ñokidï go tïañikarudï Diuxi dai ïmadï bii ïgai go Maria.

Mataibo 28:20

Tïïgidabïrai ñoki sai ïïgiada ïgai bïïxi ixtumaxi gïn tïjai aanï. Dai gï agai sai maatïka aapimï sai aanï gïn ïmadï daka iñagai asta xïïxkadï ukami kïakagi oidigi— itïtïdai Suxi. Mosïkaxi.

Lukas 20:44

Ami go ojiïrï pokaiti go Dabidkaru sai Diuxi otosadï ïr Tïanïdamigadï. ¿Ix ïr Tïanïdamigadïka ïgai go Dabidkaru aidï gia dukatai ïr pipiixaradïkana ïgai ïpï?— itïtïdai Suxi go tïtïgiadami sïïrhikami.

VUAANA 1:14

Daidi go Diuxi Ñokidï tïgidukami ïmo odami busai dai biatu tukuga ïpïamaaxkami ix makïdï bia aatïmï dai bhodïrï óídakami saagida oidatu. Sïïrhikïdï kïï tuiga ïgai dai kïïga gïr maatïturhi ix tumaxi ïr buaboi. Dai aanï Juan ix makïdï ibuayi idi ojai ïmadï jaa mui kïïga nïidi ïgai ix makïdï Diuxi Ñokidï tïgidu. Dai aatïmï ïr nïijadami xïïxi ïr gïdukami ïgai dai xïï kïï tiodi ïgai Diuxi maradïkatai. Diuxi maradï ïmadugakïdï ïgai tudu.

Hechos 18:9

Dai ïmo imidagai tukarï Pabora ïmo tïïtïkiïrï dukai tïï Gïr Nukadakami. Dai Gïr Nukadakami itïtïdai aidï, —Aapi Pabora, maiti ïbhiada xi apia aagadagi gin ñoki. Gï agai xi maiti dagitokai gaatagiadagi odami.

Romanos 8:31

¿Ix tïiya ïrhidi aidï gïr bïitarï idi ix makïdï gïn aagidimi aanï idi ojiïrï? Diuxi ïgai dai gïr abhana kïïka dai gïr soikïi ¿aba? ¡Xadïrï ixtuidïna gïr buidïrï bïïtïkami gïr bui aidï!

Romanos 9:5

Go gin aaduñi judidiu ïr piipixaradï go Abraamkaru dai Isaakaru dai Israelkaru. Dai Suxi Kristo Diuxi Otosadï ïr judiukatadai ïpï. Suxi Kristo ïr Diuxi dai bïïxi adaama ïr Tïanïdami ïgai. Kaxkïdï gï agai xi gï xadutuadagi ïgai bïïxkïrï bïïtarï.

2 Korintios 5:19

Suxi Kristokïdï ka bhai dui Diuxi ix dukatai oigïldagi ïgai soimaaxkamigadï bïïxi óídakami tudu sai óídakami biakagi oigaragai ix urabagi Diuxi. Dai gïr maa ïgai sïïrhikami ix tïtïïgiadagi aatïmï óídakami ix dukatai biakagi ïgai urabaragai Diuxi ïmadï ïpï.

1 Tomoteo 3:16

Kïïga maatï aatïmï sai namïga gïr buaboidaraga buaboidaitai aatïmï Suxi Kristo. Daiñi, ïkioma óídakami mai maatïkana ixtumaxi ïr buaboi dïï gia Diuxi gïr tïïgi ixtumaxi ïr buaboi dibiakai Suxi Kristo. Dai xibi naana maaxikïdï maatï aatïmï saidi ïr buaboi ixtumaxi aagai aatïmï aagaitai Suxi Kristo dai sai namïga gïr buaboidaraga. Daiñi, Suxi Kristo gïr aagidi dai gïr maaxiturhi xorai ïgai dibiakai tami oidigi daama. Dai Diuxi Ibhïadï ïpï kïïga aagaiña saidi ïr buaboi xorai gï aagaiña Suxi Kristo. Dai go Diuxi tïtïañikarudï bïïxi nïidiña go Suxi ïpï dai aipakoga óídakami ayi aatagi xorai ïgai. Dai gokiïrioma mui oidigi daama óídakami bhai aa saidi ïr buaboi ïpï dai buaboitu. Bhodïrï gï baidakatu go Suxi tïbagiamu xako oidakamu gïïpi xadutudaragai ïgai bïïtarï. Xadïrï po gï duñimudai bïïxi gobai ix maiti ïr buaboikamudai gïr buaboidaraga di.

2 Timoteo 4:17

Dai tomaxi jaa gin dagito mai ïïgi bii aanï ami. Diuxi gin ïmadï dajatadai dai gin maa gubukarhigai sai bïïxi aagaiña aanï go bhai ïrhiaragai aatagi ami dudunukami bui. Dai gin soi ïgai xi aiturhi aanï go aatagi mui odami ix makïdï maiti ïr judidiu ïpï. Go dudunukami maiti ïr judidiukatadai di dai go gaa ix makïdï gin kaïkana ami maiti ïr judidiu ïpï. Kïïga gin soi Diuxi ami tudu dai kïïgakïrï gin busaitu sai mai tïañiagi gin muaragai go dudunukami aidï.

2 Timoteo 4:22

Daanïi aanï Gïr Nukadakami sai gï soiñana gï ibhïdagïrï aapi Timoteo. Dai daanïi aanï ïpï sai maatï taatana aapimï bïïxkatai xïï kïï tuiga Suxi Kristo gïn bïïtarï. Mosïkaxi.