Markos 9:7 - Northern Tepehuan Bible

⁷ Dai bhodïrï ïmo ikomai iña oidigi ami xako daraja ïgai dai Diuxi ño abhai ikomai saagidañdïrï daidi ikaiti, —Idi Suxi ïr gin maara dai kïïgakïrï oigïdai aanï. Tïgito abïr kaï ñokidï ïgai— ikaiti Diuxi ikomai saagida dakatai.

Tepehuan Northern: Diuusi ñiooquidʌ utuducami oodamicʌdʌ

⁷ Tai amaasi divia ʌmo icomai dai iiña, daidʌ ʌicomai saagida caidatu ʌmo ñiooqui ismaacʌdʌ icaiti: ―Idiavʌr giñmara ismaacʌdʌ aliʌ oigʌdai aanʌ cʌʌgavʌr ʌʌgiada ―ascaiti ʌñiooqui.

Markos 9:7 Iomraidhean Croise

Exodo 40:34

Dai ami daiba go kubhuxi ix makïdï imïiña go Israelitas bhaitïki dai iña go ikuxi baaki xako didibai Gïr Nukadakami dai ïrana mos kabami kudidikana Diuxi kudaigadï.

Mataibo 27:43

—Pokaitiña gobai sai kïïga buaboitudai Diuxi dai saidi ïr Maradï gobai. Sai Diuxi soiñana xibi tudu xi ïr buaboikagi gobai— ikaitiña parunaitai.

Mataibo 27:54

Daidi kabami duduadimu go kapitañi ïmadï sandadarugadï ix makïdï nukadakatadai go Suxi. Nïiditadai ïgai aidïxi gigiburhi oidigi dai bïïxi ixtumaxi daibusai ami ïpï kaxkïdï. Daidi ikaitiña ïgai, —Idi gia ïr buaboi saidi ïr Diuxi maradï— ikaitiña.

Mataibo 3:17

Dai Diuxi ño tïbagiañdïrï aidï dai potïtïdai ïgai go odami, —Idi ïr gin Maara dai sïïrhikïdï oigïdai aanï. Idi tudu ïr gin bhai ïrhiaraga— ikaiti Diuxi aagaitai go Suxi.

Markos 1:11

Dai gï kaidatu ïmo ñoki tïbagiañdïrï daidi kaiti, —Aapi ïr gin maara ix makïdï kïïgakïrï oigïdai aanï. Aapi tudu ïr gin bhai ïrhiaraga— ikaiti go ñoki.

Markos 9:8

Daidi oton aipako nïnïaba go ix makïdï oi go Suxi dai xibi mosïkaxi Suxi ïmadï dajatadai. Go Elias ïmadï Moises ka mai tiputa.

Lukas 3:22

dai abhai tïbagiañdïrï tïbai Diuxi Ibhïadï ïmo tudu maaxi dai Suxi daama daiba. Dai Diuxi ñokidi go Suxi tïbagiañdïrï aidï dai potïtïdai, —Aapi Suxi ïr gin Maara dai kïïga gï oigïdai aanï. Aapi tudu ïr gin bhai ïrhiaraga— itïtïdai.

VUAANA 1:34

Nïidi aanï Diuxi Ibhïgadï ix tïbai Suxi Kristo daama. Kaxkïdï kïïga maatï aanï sai ïgai ïr Diuxi Maradï dai xibi gïn aagidimi aanï sai ïgai ïr Diuxi Maradï sai aapimï kïïga maatïkagi ïpï— itïtïdai Juan go odami.

VUAANA 1:49

Dai Natanael itïtïdai aidï, —Gïr Mamaatïtuldiadamiga, aa gia ïr Diuxi Maradï aapi— itïtïdai. —Daidi ïr Reygadï aatïmï Israelitas— itïtïdai.

VUAANA 12:28

Dai bhodïrï Suxi potïtïdai Ogadï, —Gin Oga— itïtïdai. —Gï maaxitudañi xibi xïïxi ïr gïdukami aapi— itïtïdai. Daidi gï kaidatu aidï ïmo ñoki tïbagiañdïrï daidi ikaiti, —Kaxi gin maaxitu aanï xïïxi ïr gïdukami aanï— ikaiti. —Dai xibi ïpamu gin maaxitulda iñagai ïpïpï bamioma xïïxi ïr gïdukami aanï— ikaiti go ñoki.

VUAANA 19:7

Daidi go judidiu itïtïdai go Pilato, —¡Gobai ka podukai aagai saidi ïr Diuxi maradï! Dai gïr sïïrhikamigana aagai sai gï agai muagi xorai pokaitadagi saidi ïr Diuxi maradï di— ikaiti go judidiu.

VUAANA 20:31

Tami idi libroïrï oja aanï ïïmoko ipïrhiditai ix nïiditai aapimï gobai kïïga buaboitudada aapimï ix go Suxi buaboikïdï ïr Diuxi maradï daidi ïr Ga Tïanïdami ïpï. Ojixi go maaxidaragai idi libroïrï sai ïgaikïdï buaboitudana aapimï dai sai ka buaboitudakai sai bhodïrï kïïgakïrï óídakana aapimï bïïxkïrï bïïtarï.

VUAANA 5:18

Dïï go judidiu bamioma gaagaitadai ixdukatai muagi go Suxi kaïkai ñokidï. Bhakoi ïgai Suxi bui gaatabuadatai ïgai ibhïxtaragai tasïrï dai potïkai ïpï saidi ïr Diuxi maradï. Ïpïan ïxi gï namïaturhi Diuxi potïkai saidi ïr Diuxi maradï dai go judidiu bïïtarï gobai ïr ïmo gïdukami parunaragai Diuxi bui. Kaxkïdï mua ïrhiditadai ïgai.

VUAANA 5:37

Diuxi gin Oga gin otoi tudu dai ïgai gïn aagidi xorai aanï ïpï— itïtïdai. —Aapimï tomarhi ïmo imidagai mai kaïkana ix ñokadagi Diuxi dai tomarhi mai nïidi aapimï ix maaxi.

VUAANA 6:69

—Aatïmï kïïga gï buaboitudai ix aapi ïr ïko dasadï Diuxi ix makïdï ïgai otoi tami oidigi daama— itïtïdai.

VUAANA 9:35

Daidi gokiïrï Suxi kajioma sai go judidiu go gïï kiupiañdïrï aadajitadai go kïïrhi ix makïdï Suxi duaditadai bupuidï. Dai go Suxi mïï gaa go kïïrhi dai tïïgakai itïtïdai, —¿Buaboitudai pïxi aapi ix makïdï kïïga odami busai?— itïtïdai.

Hechos 1:9

Dai mos potïi Suxi bai gï baidakatu ïgai tïbagiamu. Dai go ojotoxikami kia tïïgigimi xi ïmo ikomai iiña go Suxi dai ka mai tïï ïgai.

Hechos 7:37

Dai Moises ïgai dai aagidi aaduñdï daidi itïtïdai, Diuxi otosa agai ïmadutai gïr aaduñi xi ïgai gin ïpïandukami ïr aagadamika agai Diuxi ñokidï itïtïdai Moises.

Hechos 8:36

Dai ayi ïgai xako dajatadai sudagi. Daidi go dunukami itïtïdai aidï, —Daiñi, bhobai kaatï sudagi— itïtïdai. —¿Kïïgadu xi ix ïmodïrï gin bakuanada aapi?— itïtïdai.

Romanos 1:4

Diuxi Ibhïadï gubukadadïkïdï duakatu Suxi Kristo ïpamu gokiïrï xi muu dai podukai gïr maaxitu Diuxi sai gia ïr Diuxi maradï ïgai. Ïgai tudu ïr Gïr Nukadakami.

Hebreos 2:1

Daiñi gin aaduñi, kaxi gïn aagidi aanï sai Diuxi maradï ïgai dai gïr aiturhi ñokidï Diuxi. Dai xibi aanï aagai sai bïïxi ix makïdï ojixi tami aagaitai Diuxi Maradï ïr buaboi. Kaxkïdï gï agai xi kïïga ïïgiada aatïmï go ñoki ix makïdï kaïkana aatïmï ix makïdï aagai Diuxi Maradï, tadu dagito aatïmï ix tumaxi ïr buaboi.

2 Pedro 1:17

Nïidi aatïmï gubukadadï aidïxi go tubidaki daama darakatadai aatïmï ix makïdï ïr ïko busaidadï Diuxi go tubidaki tudu. Dai ami darakatadai aatïmï dai nïidi ix Diuxi gïr Oga kïïga ño Suxi bïïtarï dai nïidi aatïmï xïï kabami xigiamaaxi totoarïi Suxi Diuxikatai ïgai. Kaï aatïmï ix Diuxi gïr Oga ño tïbagiañdïrï aidï daidi ikaiti sai, —Go Suxi ïr gin Maara ix makïdï oigïdai aanï. Gobai ïr gin bhai ïrhiaraga— ikaiti Diuxi.

1 Juan 5:20

Daiñi, kïïga maatï aatïmï sai dibia Diuxi Maradï tami oidigi daama dai gïr tïtïïgidi xorai buaboikïdï ïr Diuxi. Suxi Kristo ïgai dai gïr tïtïïgidi tudu. Dai xibi ka urabakatai aatïmï Suxi Kristo ka uraba bii aatïmï Diuxi ïpï. Suxi Kristo ïr Diuxi kaxkïdï. Buaboikïdï ïr Diuxi ïgai dai mai tipu ïmai. Mai tipu ïmai xorai gamaakadagi go utudui oidakaragai bïïxkïrï bïïtarï tudu. Mosïkaxi Suxi gïr maakai gobai.

Apokalipsis 1:7

Kïïga gï tïgito kaïka idi ñoki, daiñi, ayimu ixtuigako dibiamu Suxi Kristo iikomai saagida imïitai dai bïïxi óídakami nïijadamu. Asta go odami ix makïdï sïi kuruxiana xixakai bïïxi nïijadamu ïpï. Dai bïïxi oidigi daama óídakami kabami suanïdamu nïiditai. Kïïga ïr buaboi xi pobai gï duñagai gobai.