Markos 9:42 - Northern Tepehuan Bible

⁴² Dai bhodïrï apia aatagai go Suxi ïmadï mamaatïrdami daidi potïtïdai, —Xi ïpïduñada ïmo odami tïïgidagi soimaaxkami tïgibudagai ïmoko idi aarhi ix makïdï tami daraja dai podukai gïpiïrï daitudan duñagi, aanï aagai sai ix makïdï pomaaxi buadagi gia gïïpi biakamu gïgïbidaragai abhana. Xioma ïr kïïgaitadai ïgai bïïtarï mïx kuxiboana burhidagi ïmo gïï mouturui dai bhodïrï daitudagi go gïï sudaïrï ïrana— ikaiti.

Tepehuan Northern: Diuusi ñiooquidʌ utuducami oodamicʌdʌ

⁴² Tomasioorʌ sioorʌ soimaasi iduiñtulda ʌliadagi ʌmoco ismaacʌdʌ utudama giñvaavoitudagi sioomʌ ʌrcʌʌgai ʌgai vʌʌtarʌ mʌscusivuan vulidagi ʌmo gʌʌ mouturui dai gʌʌ suudarʌ daitudagi.

Markos 9:42 Iomraidhean Croise

Mataibo 17:27

—Dai aatïmï ïr maamaradï go tuidakami go gïï kiupai dai kaxkïdï aatïmï mai bia xi maakadagi go kuota go kiupai bïïtarï. Dïï gia maiti ipïrhidi aanï xi bhakoikagi go tanïdami kuota dai kaxkïdï aa namïidamu aatïmï go kuota tomax dukai. Imiñi tudu go gïï sudagi ugidïamu dai sudaïrï daituda ïmo bhabhaidakarui dai busaida go batopa ix makïdï ïpïgioma bhïiyagi. Ami go batopa tïñidïrï tïigimu aapi ïmo tuminxi. Gobai ayimu ixtukïdï aa namïidagi go kuota bïï gokatai aatïmï gïr bïïtarï— itïtïdai. —Bhïkañi aapi dai mïï aa namïida gïr kuotaga tudu— itïtïdai Suxi go Piduru.

Mataibo 18:10

—Maiti abïr soi dukai nïijada tomarhi ïmo aarhi tudu. Daiñi, oidaga tïtïañikarudï Diuxi ix makïdï nukadai dai ñokiturhiña go aarhi amïka tïbagiana buidïrï Diuxi gin Oga. Kaxkïdï kïïga abïr gïn tïgitoka dai mai soi dukai nïijada go aarhi— itïtïdai.

Mataibo 18:6

Dïï gia xorai gïpiïrï daitudagi ïmadutai go aarhi odami sai soimaaxi ibuadagi ïgai aanï aagai sai ix makïdï gadaitu kabami biakamu gïgïbidaragai. Xioma ïr kïïgaikamudai ïgai bïïtarï xi kuxiboana gï buramudai ïmo gïï mauturui dai go gïï sudagiïrï gï daitudamudai ïgai dai mai xu xi gïpiïrï daitudagi ïgai ïmo arhi odami. Kabami gïgïbitulda agai Diuxi tudu— itïtïdai.

Hechos 9:4

Daidi go Saulo dïbïrapi gïi dai kaï ïmo ñoki daidi ikaiti go ñoki, —Saulo, Saulo, ¿Tui pïxi gin buidïrï kaatïkami aapi dai soi gin buayi?— ikaiti go ñoki.

Romanos 14:13

Kaxkïdï ka maiti gï agai xi bui ñokada aatïmï jaa buaboitudadami pokaititai sai mai kïï buayi. Gï agai bhaiyoma xi kïï gïr tïgito nïijadagi xi maiti ibuadagi aatïmï tomarhi ïmo ixtumaxi ix makïdï sobhidagi ïmoko gïr susukurhi bai ka mai kïïga oijada ïgai Suxi.

Romanos 15:21

Podukai ibuayi aanï ix dukatai ojixi Diuxi ñokidïrï. Ami ikaiti sai, Go odami ix makïdï tomarhi ïmo imidagai mai nïidi go Kristo kïïga maatïkamu xorai ïgai. Dai go odami ix makïdï tomarhi ïmo imidagai mai kajiomatadai kïïga maatï kaïkamu aatagidï, ikaiti go ojai.

Romanos 16:17

Gin susukurhi, sïïrhikïdï gï agai xi kïïga gïn nukadakagi aapimï. Kaxi máí aapimï ixtumaxi ïr buaboi kaxkïdï abïr mai uurapïkïdagi jaa ix makïdï maatïturhi ïma maaxi maatïtuldaragai. Mos ïjïkobai mamaakai ïgai tïgibudagai go buaboitudadami xi ka mai ïmadugan dukai buaboitudagi ïgai. Podukai garhi buayi ïgai gïr susukurhi xi ka mai kïï oijadagi ïgai Suxi Kristo. Kaxkïdï abïr mai uurapïkïda ïgai tudu.

2 Korintios 6:3

Gin aaduñi, aanï ïmadï go gaa ix makïdï gin ïmadï aatabuayi kïï sïïrhi ibuadana gïr aaduindagai sai mai tipukana tomarhi ïmo sobhidaragai ix go odami buaboitudagi gïr ñoki.

Filipenses 1:10

Sai podukai bhaigakana aapimï xi oijadagi ixtumaxi bamioma ïr kïïgadukami. Dai podukai buañixikami dukai óídakamu aapimï mai tipukatai ixtukïdï gïpiïrï gïn bupadagi jaa tomarhi ïmo imidagai asta xïxkadï ukami dibia Suxi Kristo.

1 Tomoteo 5:14

Mui bipiudu ka podukai dagito Suxi Kristo tudu ka mai ïïgida ïrhiditai dai ïïgiditai bhaiyoma go diabora. Kaxkïdï aanï aagai sai maiti gï agai xi gïn ojagi utu iimïdami bipiudu ami paperhiïrï dai gï agai bhaiyoma xi gaïmadï biyagi ïgai ïpamu. Gï agai xi mamartadagi ïgai dai xi kïïga nukadakagi ïïgi bakidï daidi kïïga óídakagi. Gï agai tudu xi kïï buadagi ïgai sai mai tipukagi ixdukatai galkai nïijadagi jaa go buaboitudadami.

2 Pedro 2:2

Go tïtïgiadami ñoki ïgai ojoidi ix ibuadagi naana maaxi soimaaxi buirudagai tukugadïkïdï abhan bopodatai ïgai jaa ïmadï aipakoga dai mui óídakami ix makïdï buaboitudagi aatagidï ïpïan ibuadamu soimaaxi ïpï. Dai jaa óídakami gïn tïgito nïijadamu ix dukatai óídaga ïgai dai pogïnïrhiadamu sai ix makïdï pobuayi ïr aatïmï gïr aaduñi dai kaxkïdï pokaitadamu ïïmoko sai maiti ïr soiñi gïr buaboidaraga.