Markos 9:34 - Northern Tepehuan Bible

³⁴ Dïï mos dodorhi bii go mamaatïrdami. Gïn bupui ñokaitadai ïgai boiyaiñdïrï aagaitai ix makïdï ïgai bamioma ïr namïakami kaxkïdï xaïrai ïgai dai mai ñokai bii.

Tepehuan Northern: Diuusi ñiooquidʌ utuducami oodamicʌdʌ

³⁴ Dʌmos ʌmamaatʌrdamigadʌ mosdodoli vii, voiyamu aagaimitadai ʌgai sai ismaacʌdʌ vaamioma namʌga cascʌdʌ.

Markos 9:34 Iomraidhean Croise

Mataibo 16:7

Daidi go mamaatïrdamigadï ïïgi aipako gïn aagiditadai aidï daidi ikaititadai, —Suxi maatï sai mai bua aatïmï pan kaxkïdï gïr aagidi go ñoki aagaitai go kopodatudakarui— ikaititadai ïgai.

Markos 9:50

—Gïïpi abïr soiñi go maa onai yoobamada bïïtarï kuadagai. ¿Dïï ix ka ugitiagi gubukarhigadï go onai aidï tumaxi ïr soiñi gobai? ¿Dukatai duna ïmoko sai gubukatudana gobai ïpamu? Daiñi aapimï abïr gin mamaatïrdamiga dai onai dukami aapimï oidigi daama óídakami bïïtarï. Aapimï soikïi xi kïïgakïrï óídaka ïgai di. Kaxkïdï abïr abokan duu óídaga tuduidï— ikaiti Suxi. Podukai maa ïgai aatagi go mamaatïrdami.

Romanos 12:10

Aapimï ix makïdï buaboitudai Suxi Kristo gï agai xi gïn oigïdadagi ïmo gïn xïgïmï dukai. Kïïga abïr xadutuada tudu gïn xixïgi Diuxiïrï gaagaitai ïpïgioma ix makïdï ïr kïïga ïgai bïïtarï dai mai xu ïpïgioma ix makïdï ïr kïïga ïïgi aapimï gïn bïïtarï.

1 Pedro 5:3

Dai maiti abïr kabami tïanïda go buaboitudadami ïpï dai bhaiyoma abïr kïï bhai maaxkami óídaka aapimï. Podukai tïtïïgiadamu aapimï go buaboitudadami ix dukatai gï agai sai óídakagi ïgai ïpï.

3 Juan 1:9

Kaxi ojidi aanï go buaboitudadami ami xako oidaga aapi dai aagidi aanï sai soikïiña ïgai go ix makïdï Diuxi bïïtarï aatabuayi. Dïï gia go kïïrhi Diotrefe tïgidukami maiti ipïrhidi xi gïr ïïgiadagi. Arhiïxi ojidi ix gatïanïdagi ïgai go gaa buaboitudadami kaxkïdï.