Markos 9:25 - Northern Tepehuan Bible

²⁵ Mui odami gïn ïmpagi ami nïida ïrhiditai ix tuma ïpïbuimi. Dai Suxi mos tïïgakai xïï mui odami gïn ïmpaidimi otoma bhagaimi go Diabora tïañikarudï ix makïdï arhi gïrhi ïrana daja daidi potïtïdai, —Aapi Diabora tïañikarudï mai ñokadami dai mai tïkaidakami aanï gï tïanïi pïsai busaiña. Dagitoñi idi arhi gïrhi dai ka mai bapakïda ïpamu idiïrï— itïtïdai Suxi.

Tepehuan Northern: Diuusi ñiooquidʌ utuducami oodamicʌdʌ

²⁵ Dai aidʌsi tʌʌ ʌSuusi isami gʌnʌmpaidimi mui oodami ʌgai bagaimi ʌDiaavora tʌaañicarudʌ daidʌ itʌtʌdai: ―Diaavora tʌaañicarudʌ maiñioocadami dai maitʌcaidacami aanʌ angʌtʌaanʌi pʌsai vusaiña. Dagitoñi idi ali gʌʌli dai camaivapacʌda ʌpamu idiʌrʌ ―astʌtʌdai ʌSuusi.

Markos 9:25 Iomraidhean Croise

Mataibo 12:22

Ïmo imidagai go óídakami buapi Suxi ïmo kïïrhi biakami ïmo tïañikarudï go diabora ïrana. Go kïïrhi mai nïadatadai dai mai bhaigakatadai ñokadagi ïpï. Dai Suxi duadi ïgai dai kïïga ño ïpamu dai kïïga nïnïaba.

Mataibo 17:18

Dai bhagaidi Suxi go tïañikarudï go diabora ix makïdï ïrana dakatadai go gïïrhi dai otoma busai ïgai dai ka duadixikami bii go kokoadï.

Markos 9:15

Go odami mai pobïrhitadai xi kaduku aiyagi go Suxi kia dai kabami bhai gïrhi tïïgakai dai gamo buidïrï boopoi dai biaturhi.

Markos 9:24

Dai go kïïrhi otoma mos gïgïrï ñokai daidi potïtïdai, —Aanï gia buaboitudai. Dïï gia tïgito aanï pïxi gin soiñana xudu mai kïïga buaboitudagi aanï— itïtïdai.

Markos 9:26

Taidi go Diabora tïañikarudï gïïgïrï iiña busaikai dai sakobi tukugadï go arhi gïrhi. Mukiadï duu bia ïgai. Mui odami ix makïdï ami guka pokaititadai ix ka muu.

Lukas 11:14

Ïmo imidagai Suxi busaitu ïmo kïïrhiañdïrï ïmo tïañikarudï diabora. Mai ñokaitadai go kïïrhi dïï gia busaikai go tïañikarudï diabora kïïga ño ïgai ïpamu. Dai go odami mai tïtïgaitadai ixtumaxi gïn tïtïgitoagi nïiditai.

Lukas 4:35

Daidi Suxi bhagakarai go diabora tïañikarudï daidi potïtïdai, —Maiti ñokada aapi dai busai go kïïrhiañdïrï— itïtïdai. Dai go diabora tïañikarudï dïbïrapi daitu go kïïrhi ami go odami buitapi dai dagito ka mai soimaaxi buididi bamioma.

Lukas 4:41

Dai mui bubaitu ïgai diabora tïtïañikarudï odamiañdïrï ïpï. Dai go diabora tïtïañikaru gïgïrï ñokaiña aidï daidi ikaitiña, —Aapi Suxi ïr Diuxi Maradï— ikaitiña. Dïï gia Suxi bhagaidiña ïgai dai aagidiña sai mai aagaiña xorai ïgai. Kïïga maatïkatadai go diabora tïtïañikarudï saidi ïr Diuxi Otosadï go Suxi tudu.

Lukas 9:42

Daidi kia miadïrï imïitadai go gïrhi xako daja go Suxi bai go diabora tïañikarudï dïbïriana daitu ïpamu dai suikiturhi. Dai Suxi bhagakarai go diabora tïañikarudï dai aagidi sai dagitona bai go gïrhi duayi. Dai bhodïrï Suxi tïïgi go gïrhi ïpamu ogadï.

Hechos 16:18

Mui tasai mos pobuayi ïgai dai tïbïpikïdï ojogi Pabora mos kaïkatai dai ajako kïkiba daidi bhagaimi go diabora tïañikarudï ix makïdï arhi oki ïrana dakatadai, —Suxi Kristo gubukadadïkïdï an gï aagidi pïsai busaiña go okiañdïrï— itïtïdai. Mos potïi ïgai dai otoma busai go diabora tïañikarudï.

Udaxi 1:9

Daiñi, kïïga maatï aatïmï sai oidaga ïmo tïañikarudï Diuxi Migirhi tïgidukami dai ïgai bamioma tïanïi xi bhai jaa tïtïañikarudï Diuxi. Dïï gia tomaxi bamioma tïanïi ïgai bïïxkïrï aidïxi gïn bupui ñokaitadai ïgai ïmadï go diabora dai gïn dadaiditadai ïgai go tukugadï go Moiseskaru ka mukukai ïgai, aidï go Migirhi po gï ïrhidi sai mai bia sïïrhikami xi kabami bhagaidadagi ïgai go diabora. Maiti ipïrhi ïgai tomarhi xi ïmo soimaaxi ibuadami aagagi tudu. Dai bhaiyoma mosïkaxi potïtïdai ïgai sai, —Diuxi gï bhagaidana aapi diabora— itïtïdai.