Markos 8:25 - Northern Tepehuan Bible

²⁵ Taidi Suxi noonobikïdï ïpamu taata bupuidï go kïïrhi dai go kïïrhi kïïga gï tïgito nïidi dai xibi gia ka bhai gï dui nïadagadï dai bïïxi aïkatai nïidi kïïga.

Tepehuan Northern: Diuusi ñiooquidʌ utuducami oodamicʌdʌ

²⁵ Taidʌ ʌSuusi ʌpamu vuupuidʌ daama darai gʌnoonovi, vaidʌ ʌcʌʌli cʌʌga gʌtʌgito nʌnʌʌnai dai cacʌʌga istui isnʌnʌaavagi dai cʌʌga nʌidi vʌʌsiaʌcatai.

Markos 8:25 Iomraidhean Croise

Mataibo 13:12

Gïn aagidamu aanï ix maaxi gobai tudu. Daiñi, Diuxi bamioma soiñamu xorai ïïgida kaïkagi gin ñoki sai bamioma maatïkana ïgai ixtumaxi ïr buaboi. Dïï gia odami ix makïdï mai ïïgida kaïkagi gin ñoki, ïgai gia Diuxi bhaiyoma asta popoidamu ix makïdï kaxi maatïkatadai ïgai. Mai abhana bimu gobai tudu.

Markos 8:24

Dai go kïïrhi nïnïaba daidi potïtïdai, —Nïidi aanï odami dai ajiopai dïï mos uxi tutukami ïrhiada maaxi— ikaiti.

Markos 8:26

Taidi Suxi aagidi sai noragïna daidi potïtïdai, —Maiti baaki Betasaidïrï toma lachi dai mos noragiñi gï kiiyamu— itïtïdai.

Hechos 1:10

Kia tïbagiamu tïïgigimi ïgai baidi todian dukai gïn sonoana gukiba goka kïkïïrhi tooto yukusukami. Kia tïsadimitadai go Suxi aidï. Daidi ikaiti go tooto yukusukami,

Hechos 14:9

Dai ïgai dakatai kaïkatadai aatagidï Pabora. Daidi go Pabora gï tïgito tïï ix buaboitu ïgai ix Diuxi ixtutuidikïi xi duadiagi.

Filipenses 1:6

Diuxi ïgai dai gï aaga idui ïmo aaduindagai aapimïrï tudu. Dai kïïga buaboitudai aanï sai apia oijadami ïgai go aaduindagai aapimïrï asta xïxkadï ukami dibia Suxi Kristo ïpamu. Aidï gia kïïga naatorhikami bimu gobai.

1 Pedro 2:9

Dïï aapimï gia mai taata agai gïgïbidaragai podukai. Aapimï ïr ïko bubaidadï Diuxi tudu dai ïr ix makïdï maa ïgai sïïrhikami saidi ïr dadaxdadamigadïkana aapimï. Ïmo aadunumï aapimï xibi ïkobai darasadïkatai aapimï Diuxi dai ïgai tuidadï aapimï. Kaxkïdï xibi bhaiga aapimï xi maaxitudagi jaa bïïtarï xïï kïï tuiga Diuxi. Kaxi gïn busaitu ïgai abhiadïrï xako tukapi dukai óídakatadai aapimï mai maatïkatai ixtumaxi ïr buaboi tudu. Dai xibi gia kaxi gïn daibuñtu ïgai xako xigiamaaxi gïn oidakaraga kïïga tonoraka maaxkatai gobai.

2 Pedro 3:18

Kïïga abïr óídaka bhaiyoma saidi podukai bïïx tasai bamioma maatï taatana aapimï xïï kïï tuiga Suxi Kristo Gïr Nukadakami gïn bïïtarï. Gïr kïïgakïrï bubiadamiga ïgai tudu dai gï agai sai bïïx tasai bamioma kïïga maatïkagi aapimï ïgai. Podukai bamioma kabakatudamu gïn buaboidaraga gin aaduñi. Ipïrhidi aanï sai bïïxi óídakami xadutuadana Suxi Kristo dai kïïga ñokadana ïgai bui bïïxkïrï bïïtarï. Sai pogïduna gobai tudu. Mosïkaxi.