Markos 8:11 - Northern Tepehuan Bible

¹¹ Tai ami dada go fariseos dai ñokidimi go Suxi bui daidi ikaitimi, —Gïr duiñdañi aapi Suxi ïmo maaxidaragai maaxi. Mïï daana tïbagiañdïrï gubukadakïdï gïr duiñdañi ïmo gïdukami aaduindagai. Aidï gia nïijadamu aatïmï sa bhai gï buaboitudana aatïmï— ikaitimi.

Tepehuan Northern: Diuusi ñiooquidʌ utuducami oodamicʌdʌ

¹¹ Tai amaasi dada ʌfariseo siaaco daacatadai ʌSuusi dai gaaatagaimi ʌʌmadu ʌSuusi. Daidʌ ʌfariseo mosnʌida ʌliditadai sabaig ʌrvaavoi isʌSuusi istutuidi isivuaadagi istumaasi aagai oodami saidʌ ivueeyi ʌgai, dai aagidi sai tʌʌgidana ʌmo istumaasi gʌducami tʌvaagiaiñdʌrʌ.

Markos 8:11 Iomraidhean Croise

Exodo 17:2

Xi kaxkïdï bui ñiño ïgai go Moises daidi potïtïdai, —Gïr oidañi sudagi— itïtïdai go Israelitas. Dai Moises itïtïdai, —¿Tuixi aa gia mai buaboitudai aapimï Gïr Nukadakami?. Ka mai buaboitudai aapimï sai bia ïgai gubukadagai ixtukïdï gïn soiñagi tudu dai kaxkïdï gin buidïrï ñokai aapimï— itïtïdai Moises go Israelitas.

Mataibo 12:38

Daidi ïmo imidagai ami dada chïki tïtïgiadami sïïrhikami ïmadï chïki fariseo daidi potïtïdai ïgai go Suxi, —Aapi ïr ïmo tïtïgiadami ñoki dai ipïrhidi aatïmï saidi iduñagi aapi ïmo maaxidaragai ixtukïdï maatïkagi aatïmï ix bhai buaboikïdï ïr Diuxi otosadï aapi— itïtïdai.

Mataibo 19:3

Dai ami dada chïki fariseo dai ñokidi ïgai go Suxi. Gaagaitadai ïgai ixtukïdï gïpiïrï daitudagi daidi potïtïdai ïgai, —¿Go sïïrhikamigadï Moises ix bhai maakai xi oigaragai kïkïïrhi sai dagitona aduñdï mos ipïldakai?— itïtïdai.

Mataibo 21:23

Dai bhodïrï jii Suxi ïpamu gamo go gïï kiupiana Jerusalenïrï dai ami gamamaakaitadai ïgai aatagi. Dai ami dada chïki tïtïanïdamigadï go dadaxdadami ïmadï jaa bhaitï gukakamigadï go judidiu. Dai potïtïdai ïgai go Suxi, —¿Baadïrï bhïiyi aapi sïïrhikami dai aadaji aapi go gaagaradami tami kiupiañdïrï takabo? ¿Borai gï aagidi pïsai pomaaxi iduna?— itïtïdai.

Mataibo 22:15

Dai bhodïrï maigobai iji go fariseos abhiadïrï xako gaatagatadai Suxi. Ïko iji ïgai dai bhai dui ñoki gaagaitai ixtukïdï gïpiïrï bupadagi go Suxi ixtumaxikïdï aagadagi ïgai.

Mataibo 22:18

Daidi Suxi kïï maatï sai gïpiïrï daituda ïrhidi ïgai dai pokaiti. Daidi potïtïdai ïgai, —Aapimï kïï tutiakami dukai gïn dadasai dai mai kïï tutuiga aapimï. ¿Tui mïxi gin buirumada ïrhidi gïpiïrï gin daituda ïrhiditai go gïï dunukami buidïrï?— itïtïdai.

Mataibo 22:23

Dai aidï tasïrï ami dada chïki Saduseo ïpï ami xako dakatadai go Suxi. Go Saduseos mai buaboitudai sai oidaga duakaragai koidadï bïïtarï. Dai kaxkïdï gatïkakai ïgai go Suxi ïmo xijiakami tïkakaragai go duakaragaikïdï po gï ïrhiditai sai maiti ixtutuidimu Suxi ix kïïga aa noraidagi. Daidi potïtïdai ïgai,

Markos 12:15

—¿Gï agai tïxi tïïgidagi go kuota, ix cho ïpï?— itïtïdai ïgai go Suxi. Dïï mos go Suxi kïï maatï ix mos yaatabogan dukai ñokai ïgai. Daidi potïtïdai aidï, —¿Tui mïxi gin buirumada ïrhidi?— itïtïdai. —Bhaigobai abïr buapa ïmo tuminxi, nïida iñagai ix maaxi— itïtïdai.

Markos 2:16

Ami darakatadai ïïmoko ïpï ix makïdï ïr maatïtuldiadami sïïrhikami dai ïr fariseo. Dai tïïgakai ïgai xorai ïmadï gakuadatadai Suxi, sai gatïkakaimi Suxi mamaatïrdamigadï aidï daidi potïtïdai, —¿Tuixidï gïn amu urapïkïi odami galtutuigakami, dukami tanïdami kuota dai asta gakuayi dai gayïyi ïgai ïmadï?— astïkakaimi ïgai.

Markos 9:16

Daidi Suxi potïtïdai go odami, —¿Mïx tukïdï bui ñokai aapimï gin mamaatïrdamiga?— itïtïdai.

Lukas 10:25

Daidi bhodïrï ami kïkiba ïmo kïïrhi ix makïdï ïr tïtïgiadami go Moises ojadï dai ñokidi ïgai go Suxi. Mos maatïka ïrhiditadai ix bhai kïïga aa noraidana Suxi daidi potïtïdai, —Aapi gïr mamaatïtuldiadamiga, ¿Tumaxi gï agai aanï xi ibuadagi dai kïïgakïrï oidakagi bïïxkïrï bïïtarï?— itïtïdai.

Lukas 11:16

Dai jaa potïtïdaiña go Suxi saidi ibuada ïgai ïmo maaxidaragai dai maaxitudagi ix bia ïgai gubukarhigai tïbagiañdïrï. Nïida ïrhiditadai go odami ix bhai ïr buaboi sai bia ïgai gubukarhigai kaxkïdï.

VUAANA 4:48

Dai Suxi itïtïdai go dunukami, —Aapimï mai buaboitudai ix mai ïpïgioma nïijadagi maaxidaragai maaxi ix makïdï ïïgi Diuxi ibuayi. Ïbogiami podukai buaboituda antaada aapimï— itïtïdai.

VUAANA 6:30

Daidi go odami itïtïdai, —¿Tuma maaxidaragai gïr tïïgida agai ix podukai buaboituda antaadakagi aatïmï?— itïtïdai.

VUAANA 7:48

—¡Daiñi, mai tipu tomarhi ïmoko gïr dudunukami dai tomarhi ïmoko gïr aaduñi fariseo ix makïdï buaboitudagi go Suxi!

VUAANA 8:6

Potïtïdai ïgai nïidana sa tïna go Suxi. Nïida ïrhiditadai ix bhai ïïgiadamu Suxi go Moises sïïrhikamigadï. Dai ix mai ïïgiada ïgai aidï gia biaka agaitadai ïgai ixtukïdï gïpiïrï buajagi, kaxkïdï potïtïdai. Dïï go Suxi mos kuiki dai gaojai masabigadïkïdï dïbïrapi.

Hechos 5:9

Daidi go Piduru itïtïdai aidï, —¿Ix tuixidï pomaaxi gïn tïïtïitoi aapi ïmadï Ananias dai pomaaxi yaatagidi Diuxi Ibhïadï? Kiidañdïrï imïi gïgïrhi ix makïdï bhïkai gï kuna dai yaasa. Dai xibi aapi gï bhïkia agai ïpï— itïtïdai go Piduru.

1 Korintios 10:9

Dai maiti gï agai ix ojorhituda aatïmï Gïr Nukadakami ïpï nïida ïrhiditai sa bhai mai bhaamukana soimaaxi ibuadatai aatïmï. Podui muidutai gïr aaduñi ïïki dai kaxkïdï koi kïkïkai kookoyi.