Markos 7:34 - Northern Tepehuan Bible

³⁴ Dai tïbagiamu nïnïaba go Suxi dai sobhïbïi daidi potïtïdai, —Efata— itïtïdai. Gobai itïiya ïrhidi, gï kupiokoñi.

Tepehuan Northern: Diuusi ñiooquidʌ utuducami oodamicʌdʌ

³⁴ Dai tʌvaagiamu nʌnʌaava dai sobʌvʌi daidʌ itʌtʌdai: ―Efata ―astʌtʌdai. Gomaasi itʌiya ʌlidi gʌcupiocoñi.

Markos 7:34 Iomraidhean Croise

Exodo 2:23

Bhodïrï tïbïpikïdï muu go Ejiptuïrï Rey. Dai óídakami apia gubudakïdï tïanïi aaduindagai go Israelitas. Xi go Israelitas soi taadakana dai aijiïgïiña. Daidi Diuxi kaï.

Isa 53:3

Odami soi dukai nïidi dai kïïdaiña Diuxi daasadï bhaitï kïakami. Kïïga ïïmadai ïgai soi ïrhiaragai. Dai odami maiti ipïrhi tomarhi xi nïijadagi. Odami sïïrhikïdï soi dukai nïidi dai mai xaduturhi.

Markos 1:41

Taidi Suxi soi gïldan taadatu dai gï nobikïdï taata daidi potïtïdai, —Ipïrhidiana ix gï duadiagi aapi, xibi an aagai pïx duadana aapi— itïtïdai.

Markos 15:34

Dai aidï uruno taadako gïgïrï iiña go Suxi daidi ikaiti, Eloi, Eloi, ¿Lama sabhaktani? ikaiti. Gobai itïiya ïrhidi, —Gin Oga, Gin Oga, ¿Tui pïxi gin dagito?— itïiya ïrhidi gobai.

Markos 5:41

Taidi go Suxi nobiañdïrï bhïiyi daidi itïtïdai, —Talita kumi— itïtïdai. Gobai itïiya ïrhidi, bañigiñi aapi arhi oki.

Markos 6:41

Tai bhodïrï go Suxi bui go taama pan ïmadï ï goka batopa dai tai nïnïaba ïgai dai aataga ïmadï Diuxi. Bhodïrï saasarai go pan dai maa go mamaatïrdami bai ïgai takogidana go odami. Dai ï goka batopañdïrï ïpï takogi ïgai bïïxkatai.

Markos 7:35

Mos potïkai go Suxi tai duayi naanakadï go kokoadï dai nïnïdï gï moikatu dai ka kïïga ñokai bii.

Markos 8:12

Taidi go Suxi gïïgïrï sobhïbïi daidi ikaiti, —¿Ix tuixidï xibi óídakami mai buaboitudai ix mai nïijada ïgai ïmo maaxidaragai ïpïga? Daiñi, aanï aagai sai xibi óídakami bïïtarï mai tipuka agai tomarhi ïmo maaxidaragai— ikaiti.

Lukas 18:42

Dai Suxi potïtïdai, —Nïidañi tudu. Kaxi gin buaboitu aapi dai kaxkïdï ka nïnïaba aapi— itïtïdai.

Lukas 19:41

Daidi bhodïrï ka miadïrï aijimi go Suxi Jerusalenïrï dai suakimi ïgai nïiditai

Lukas 7:14

Dai mïï taata ïgai go kajoñi xako bhïkati ïgai go mukiadï bai gukiba ix makïdï bhïkati. Daidi Suxi potïtïdai go mukiadï, —Bañigiñi aapi gïrhi— itïtïdai.

VUAANA 11:33

Daidi go Suxi kabami soi gï ïrhi nïiditai ix arhiï suanïi go Maria ïmadï go gaa judidiu ix makïdï oiditadai.

VUAANA 11:35

Baidi Suxi suakimi ïpï.

VUAANA 11:38

Dai bhodïrï ïpamu kabami soi gï ïrhidi Suxi dai ayi ïgai tïjobiana xako yaasapikatadai go Lasaro dai ïmo gïï odai ami taagiña dakatadai.

VUAANA 11:41

Dai go gaa maigobai yaara go odai aidï. Daidi Suxi tïbagiamakoga nïnïaba daidi itïtïdai Ogadï, —Gin Oga, kïïga bhai gin ïrhidi aapikïdï gin maakaitai ix tumaxi gï tanïdagi aanï— itïtïdai.

VUAANA 11:43

Dai bhodïrï gïgïrï ño go Suxi daidi ikaiti, —Aapi Lasaro, busaiñi abhiadïrï— itïtïdai.

VUAANA 17:1

Dai taiyakoga nïnïaba Suxi tïbagiamakoga ka kugaidakai aatagidï daidi itïtïdai ïgai Diuxi, —Gin Oga, ka ayi ix tuigako soimaaxi taatagi aanï dai mukiagi— itïtïdai. —Gï maara aanï dai xibi ipïrhidi aanï ix gamaaxitudagi aapi odami buitapi xïïxi ïr gïdukami aanï mukukai aanï, nai aanï maaxituldagi xïïxi ïr gïdukami aapi ïpï.

Hechos 9:34

Daidi Piduru itïtïdai aidï, —Eneas— itïtïdai, —Suxi Kristo kaxi gï duduadimi. Bañigiñi tudu otoma dai bhai duñi gï baakoxi— itïtïdai Piduru. Dai otoma bañi go Eneas.

Hechos 9:40

Dai Piduru kidigamu otoi bïïxkatai go ix makïdï ami darajatadai dai totonakïdï kïkibakai gadaanïi ïgai Diuxi. Dai bui nïnïaba ïgai go oki mukiadï daidi itïtïdai, —Tabita bañigiñi— itïtïdai. Dai ïgai kupioka gï bupuji dai tïï go Piduru dai sïïrhi daiba.

Hebreos 4:15

Daiñi, aatïmï óídakami sïïrhikïdï mai gupuka go soimaaxkami buidïrï. Dai kaxkïdï tïgito aatïmï xorai gïr soikïdagi. Dai Suxi Kristo ïgai dai gïr soikïi gabhaitïkïakami dadaxdamikatai ïgai. Dai ïgai kïïga maatï xïï mai gupuka aatïmï. Kïïga maatï ïgai ix taadaga xïïxkadï gïr tïgibudaga gïr abïnakiadagi ix mai kïïga ïïgiada aatïmï Diuxi tudu. Bïïxi taata ïgai gobai ix xïïxi taatamaiña aatïmï tudu. Dai tomaxi pomaaxi taata ïgai bïïxkïrï mai soimaaxi idui ïgai tomarhi ïmo imidagai. Dai bïïxkïrï ïgai tomaxi mai soimaaxi idui bïïxkïrï soi gïlda gïr nïidiña ïgai mai gupukatai aatïmï. Ïmo oidigi daama oidakami odami ïgai ïpï kaxkïdï.