Markos 7:23 - Northern Tepehuan Bible

²³ Bïïxi go maaxi odami iibhïadï ïrabiadïrï busakïi dai gobai ïgai dai tukurhimadai iibhïadï odami— itïtïdai Suxi go mamaatïrdami.

Tepehuan Northern: Diuusi ñiooquidʌ utuducami oodamicʌdʌ

²³ Vʌʌsi gomaasi gatʌgitoidagaiñdʌrʌ vusacʌi dai soimaasi iduiñtuldi oodami ―astʌtʌdai ʌSuusi.

Markos 7:23 Iomraidhean Croise

Markos 7:15

—Daiñi, tomarhi ïmo kuadagai ix makïdï kuayi odami mai tukurhimadai iibïadï, dïï gia naana maaxi ix makïdï ïrabiadïrï odami ibhïadïañdïrï busakïi, dukami soi maaxi tïgibudagai maaxi dai soi maaxi aaduindagai maaxi, gobai gia tukurhimadai iibhïadï.

Markos 7:18

Dai Suxi potïtïdai, —¿Aapimï ïpï mïx mai maatï kaï? Daiñi, kuadagai ix makïdï kuayi odami mosïkaxi bokadïrï ukami ajïi dai bhodïrï maigobai busakïi ïpamu tukugadïañdïrï. Mai ajïi gobai ibhïgadïrï tudu. Kaxkïdï ¿Dukatai tukurhimadana gobai ibhïadï di?— itïtïdai. Pokaiti go Suxi dai podukai kaxi aagai ïgai sai tomarhi ïmo kuadagaikïdï maiti gïn tukuturïi odami iibhïadï.

Markos 7:20

Dai Suxi potïtïdai ïpï, —Ix makïdï odami ïrabiadïrï busakïi ïgai dai tukurhimadai iibïadï,

Markos 7:22

biaka ïrhiadagi ix makïdï ïr tuidadï ïmai, soi buidadagi jaa, yaatagidaragai, mukimudagai, ïgamudagai, naana kaitadagi, soi dukai nïijadagi jaa, dai naana maaxi buirudagai ïpï.

Markos 7:24

Taidi go Suxi jii abhiadïrï dai ayi miadïrï xako Tiroana tïgidu ïmo gïï bhaabhaki dai ami gï urhi ïgai ïmo kiiyïrï. Ipïrhiditadai ïgai xi odami mai maatiagi xi ami daja ïgai dïï mai tiputadai ixdukatai gï ïxtoagi ïgai. Otoma máí go odami tudu.

1 Korintios 3:17

Diuxi ka ïkobai gïn darai aapimï ix makïdï ïr bakidï dukai. Ïkobai gïn darai ïgai saidi ïr ïïgi ïgai bïïtarïkana aapimï tudu. Kaxkïdï Diuxi gïgïbitulda agai xorai soi gïn buidadagi Diuxi tuidadïkatai aapimï.

Tito 1:15

Daiñi, bïïxi buaboitudadami ibhïgadï ka kïï buañixi dai tomarhi ïmo ixtumaxi mai bhaiga xi tukurhimagi ïpamu. Dïï gia odami ix makïdï kia tukuraga ibhïgadï mai buaboidaitai Suxi Kristo ïgai gia bïïxi aïkatai ixtumaxi ibuadagi bamioma tukurhidi iibhïadï. Kaxkïdï tudu bïïxi tïgibudadï tukuraga asta xako ka mai maatï taata ïgai ixtumaxi ïr soimaaxkami.

Udaxi 1:8

Dai go tïtïïgiadami yaatagi ix makïdï gïn saagida bapai soimaaxi ibuayi podukai ïpï ïpïan dukai go Sodoma dai Gomorana óídakami dai ïpïan dukai go tïtïañikarudï Diuxi ix makïdï soimaaxi idui ïïki. Pokaitiña go tïtïïgiadami yaatagi sai mai bia ïgai xi ïïgiadagi tomarhi ïmo sïïrhikami biakami dai soimaaxi ibuayi ïgai gaïmadï bopodatai aipakoga ïpï. Asta galnaxi ñoki aagaiña ïgai buidïrï go tïtïañikarudï Diuxi parunaitai ïgai ïpï. Pokaitiña ïgai sai tïïtïkidïrï máí ïgai sai bia oigaragai xi pomaaxi ibuadagi tudu.