Markos 7:17 - Northern Tepehuan Bible

¹⁷ Bhodïrï kiiyïrï baa go Suxi dai go odami kidigamadïrï bii bai go mamaatïrdami gatïkakai go Suxi ix tïiya ïrhidi ïgai go maaxidaragai aatagikïdï.

Tepehuan Northern: Diuusi ñiooquidʌ utuducami oodamicʌdʌ

¹⁷ Dai aidʌsi anaasi viaa ʌSuusi ʌoodami dai quiiyʌrʌ vaa ʌmamaatʌrdamigadʌ tʌcacai astʌiya ʌlidi ʌcuento.

Markos 7:17 Iomraidhean Croise

Mataibo 13:10

Daidi go mamaatïrdami potïtïdai Suxi aidï, —¿Ix tuixi maaxidaragai aatagikïdï gamamaakai aapi aatagi go odami?— itïtïdai.

Mataibo 13:36

Dai bhodïrï diosagi Suxi go odami dai baa ïmo kiiyïrï ix makïdï no miadïrï kïakatadai. Dai go mamaatïrdamigadï bapai ïpï daidi potïtïdai, —Gïr aagidañi ix tïiya ïrhidi go maaxidaragai aatagi ix makïdï gïr aagidi aapi aagaitai go basoi ix makïdï gï ïi dai tïrhigi maaxi— itïtïdai.

Mataibo 15:15

Daidi Piduru potïtïdai go Suxi, —Gïr aagidañi ix tïiya ïrhidi go maaxidaragai ñoki aagaitai go kuadagai— itïtïdai.

Markos 2:1

Dai bhodïrï chïki tasaikïdï ïpamu nora Suxi gamo Kapernaumamu dai otoma máí odami xi kiiyïrï daja ïgai.

Markos 3:20

Dai gokiïrï Suxi ayi kiiyïrï dai ami baa ïmadï mamaatïrdamigadï. Tai ïpamu sïïrhikïdï mui gïn ïmpagi odami ami kiiyïrï bai ïgai ka mai bhaigakatadai tomarhi gaugiagi mos ïï muidukatai dadidakami.

Markos 4:10

Amaxi ka iimïkai go bamioma muidukïdï odami tai ïïgi bii Suxi ïmadï go bhaibuxtama dan goka mamaatïrdami ix makïdï ïko bubaitu ïgai. Dai ami bii jaa oijadami chïki ïpï. Dai tïkakai ïgai go Suxi ix tïiya ïrhidi go maaxidaragai ñoki.

Markos 4:34

Mosïkaxi maaxidaragai aatagikïdï gaatagaiña Suxi. Dai gokiïrï bïïxi aagidiña ïgai gï mamaatïrdamiga ix tïiya ïrhidi go maaxidaragai ñoki ïïgi darajatai bai maatïkagi ïgai.

Markos 7:16

Kïïga abïr tïgito kaï idi aatagi— itïtïdai.

Markos 7:18

Dai Suxi potïtïdai, —¿Aapimï ïpï mïx mai maatï kaï? Daiñi, kuadagai ix makïdï kuayi odami mosïkaxi bokadïrï ukami ajïi dai bhodïrï maigobai busakïi ïpamu tukugadïañdïrï. Mai ajïi gobai ibhïgadïrï tudu. Kaxkïdï ¿Dukatai tukurhimadana gobai ibhïadï di?— itïtïdai. Pokaiti go Suxi dai podukai kaxi aagai ïgai sai tomarhi ïmo kuadagaikïdï maiti gïn tukuturïi odami iibhïadï.

Markos 9:28

Bhodïrï Suxi baa ïmo kiiyïrï dai aaduñdï ix makïdï oidatukïiña ïkobai atagai ïmadï dai ikaiti, —¿Ix tuixi maiti ixtui aatïmï xi busaidagi idi tïañikarudï Diabora ix makïdï biakatadai go arhi gïrhi?— ikaiti.