Markos 6:14 - Northern Tepehuan Bible

¹⁴ Bïï aipako aagaiña odami go Suxi dai asta go gïï Rey Erodïxi tïgidukami kajioma ïpï dïï mai maatïkana xorai ïgai. Dai mui odami ikaitiña aagaitai go Suxi, —Ïgai ïr go Juan ix makïdï bapakonadami aagaiña odami. Go Rey tïjai muaragai dai xibi kaxi gï duakatu ïgai ïpamu kaxkïdï gïïdukami bia gubukadagai abhana dai gïïgïrï ibuayi aaduindagai ix makïdï odami maiti ixtutuidikïi ix ibuadagi— ikaitiña.

Tepehuan Northern: Diuusi ñiooquidʌ utuducami oodamicʌdʌ

¹⁴ Taidʌ ʌgʌʌ baitʌcʌaacami Eroodʌsi maí gomaasi aidʌsi cavʌʌsi aipaco gʌaagaitadai ʌSuusi. Vaidʌ ʌEroodʌsi icaiti: ―Duaacatiqui ʌVuaana ismaacʌdʌ vapaconaitadai oodami cascʌdʌ viaa ʌgai guvucadagai ―ascaiti ʌEroodʌsi.

Markos 6:14 Iomraidhean Croise

Mataibo 9:31

Dïï gia go kïkïïrhi mai ïïgidi dai bhaiyoma ka bubuakïkai ïgai abhiadïrï sai aipakoga aagaiña gobai. Daidi bïïxi óídakami ami munisipiïrï máí ix tuma duitadai Suxi.

Markos 1:28

Dai otoma ayi go aatagi bïïxi Galileïrï óídakami ix maaxi aatabuayi go Suxi.

Markos 1:45

Dïï mos go kïïrhi mai ïïgi dai mos jii dai bhaiyoma otoma aagidimi bïïxi óídakami ix dukatai pogïdui. Dai xibi ka maiti ixtui Suxi ix baakiagi kiiyïrï saagida mos ïï muidukatai ix makïdï nïijada ïrhiditadai. Mos ugidïrï aimïraiña ïgai xako mai tipu óídakami. Dai modukai bïïxkïrï muidutai aipadïrï ajiopaiña dai ajïiña xako aimïraiña ïgai.

Markos 8:28

Tai go mamaatïrdami potïtïdai, —Ïïmoko pokaiti pïsaidi ïr go Juan ix makïdï bapakonaiña odami dai jaa pokaiti pïsaidi ïr Eliaskaru, dai jaa pokaiti pïsaidi ïr ïmo ñokituldiadamigadï Diuxi— itïtïdai.

Lukas 13:31

Dai aidï tasïrï ami ayi chïki fariseo ami xako dakatadai Suxi daidi potïtïdai, —Imimudai aapi tabhiadïrï— itïtïdai. —Gï mua ïrhidi go dunukami Herodes— itïtïdai.

Lukas 3:1

Xibi ojamu aanï ix dukatai gï aaga aatadui go Juan. Aidïxi pogïdui ixtumaxi gï aagidamu aanï aidï go kïïrhi César Tiberias kaxi ïr dunukamikatadai bhaibuxtama dan taama umigi amïka Romïrï. Dai aidï go Poncio Pilato ïr kaigikatadai Judeïrï dai go Herodes kaigitadai Galileïrï. Aidï go Herodes sukurhidï Felipe tïgidukïdï ïr kaigikatadai xako Itureïrï dai Trakoniteïrï tïgidu oidigi. Aidï ïpï go Lisinias kaigikatadai Abiliniana

Lukas 7:17

Dai bïïxi aipakoga ami xakoga Judeana tïgidu oidigi dai asta maigobioma lachi ïpï ayi go aatagi aagaitai ix Suxi duakaturhi ïmo mukiadï.

Lukas 9:19

Dai mamaatïrdamigadï potïtïdai, —Jaa pokaiti pïsaidi ïr go Juan ix makïdï bapakonaiña odami, dai jaa pokaiti pïsaidi ïr go Elias, dai jaa pokaiti pïsaidi ïr ïmo ñokituldiadamigadï Diuxi dai sai mutadai aapi ïïki dai xibi ka duaka ïpamu— itïtïdai.

1Tesalonicenses 1:8

Aagidiña aapimï mui odami Gïr Nukadakami aatagidï tudu. Dai ïgai aagidiña jaa maigobioma. Xibi bïïxi aipakoga Masedoniana dai Akayana óídakami kajioma xïï kïïga buaboitudai aapimï. Dai xïïxkadï dibidagi aatïmï odami maigobioma óídakami kaxi maatïkana ïgai ïpï xïï kïïga buaboitudai aapimï. Ka mai bia aatïmï ix aagidagi tudu