Markos 4:7 - Northern Tepehuan Bible

⁷ Dai jaa ïxtokai uparai saagida surhi, taidi go uparai gïï dai buamatu go ïxikami, tai podukai go tïrhigi mai ibhaji.

Tepehuan Northern: Diuusi ñiooquidʌ utuducami oodamicʌdʌ

⁷ Dai aa ʌstucai uuparai saagida suuli taidʌ ʌuuparai gʌʌ dai mosvuaamatu, tai poduucai ʌtʌligi maiiibaji.

Markos 4:7 Iomraidhean Croise

Mataibo 13:22

—Dai go ïxtokai ix makïdï basoi sïïxidakami saagida surhi ïr ïpïan dukami go odami ix makïdï kaïkana Diuxi ñokidï dïï mos apia maaxi óídaga dai buaboidaradï mai kabakaturïiña. Kabami buamï gïn ïrhidi ïgai gaagaitai tuminxi dai gaagaitai bhai ïrhiaradï ixtumaxiïrï oidaga tami idi oidigi daama. Dai kaxkïdï ïgai bïïtarï ka maiti ibuayi soiñi go ñoki ïpï ix makïdï kaïkana ïgai—.

Mataibo 13:7

Dai jaa ïxtokai basoi sïïxidakami saagida surhi dai gïï go basoi dai mai dagito xi gïrhiagi ïxikami.

Mataibo 13:8

Dai jaa ïxtokai gia kïïgadukami dïbïriïrï surhi dai ïgai gia kïïga gïï dai kïïga ibhaidaga. Go kïïgadukami dïbïriïrï gia gï bañidi gokobhai dan bhaibuxtama kaidï ïmo kaidïañdïrï xiïpï baikobhai xiïpï asta ïmo ciento kaidï ïmo kaidïañdïrï— itïtïdai Suxi go odami.

Markos 4:6

Mai xii tataaka ïgai xi kaxkïdï mos busai tasai tai otoma tobhipa gobai dai mos gakixa.

Markos 4:8

Dai jaa ïxtokai kïïgadukami dïbïriïrï surhi dai bubuaja dai kïïga gïï, dai kïïga ibhaji. Ïgai gia ïïmo kaidïañdïrï ïïmo kobhai dan bhaibuxtama bubuaja, dai jaa babaikobhai, dai jaa ïïmo ciento.

Lukas 12:15

Daidi bhodïrï potïtïdai Suxi go gaa, —Gïn nukadabïrai dai mai koimudadï tutiaka tomarhi ïmo ixtumaxikïdï. Daiñi— itïtïdai. —Tomaxi kïïga gï bidakagi ïmo odami gobai mai itïiya ïrhidi sai kïïgakïrï oidaka agai— itïtïdai.

Lukas 21:34

Dai apia gamamaakai aatagi go Suxi daidi potïtïdai ïgai mamaatïrdamigadï, —Gin aaduñi, todian dukai ayimu xi gamaaxitudagi aanï xi ïr Tïanïdami aanï. Odami mai maatï dai mai nïnïraka xi po duñagi aanï dai todian dukai ayimu gobai bïïxi óídakami ïmo trampa dukai ix makïdï kukupai todian dukai. Gïn nukadabïrai aapimï tudu tadu mai nïnïasïrhiakagi aapimï tïtïitoitai iidagai dai buirudagai xiïpï kabami buamï gïn ïrhiditai gïn oidakaragakïdï tami idi oidigi daama. Maiti abïr gïn dagito tudu xi pomaaxiïrï gïn tïgito ajiopadagi aapimï xïïxkadï todian dukai gin maaxitudagi aanï xi ïr Tïanïdami aanï— itïtïdai.

Lukas 8:14

Dai go ïxtokai ix makïdï basoi sïïxidakamiana surhi ïpïan dukami odami ix makïdï kaïkana Diuxi ñokidï dïï mos apia maaxi óídaga dai buaboidaradï mai kabakaturïi. Kabami buamï gïn ïrhidi ïgai gaagaitai tuminxi dai gaagaitai bhai ïrhiaradï ixtumaxiïrï oidaga tami idi oidigi daama dai kaxkïdï ka mai tïgito ajiopai ïgai Diuxi. Pomaaxi go ïxtokai ix makïdï mai kïïgadukami dïbïriïrï surhi tudu.

Lukas 8:7

Dai jaa ïxtokai basoi sïïxidakami saagida surhi dai gïï go basoi dai mai dagito xi gïrhiagi gobai.