Markos 4:27 - Northern Tepehuan Bible

²⁷ Dai bhodïrï nonoragïi dai kokosïi dai chïki tasaikïdï ka bubuakïi go tïrhigi dai gïrai, baidi go kïïrhi mai maatïkana ixdukatai.

Tepehuan Northern: Diuusi ñiooquidʌ utuducami oodamicʌdʌ

²⁷ Dai gooquiʌrʌ nonoragʌi dai cocosʌi, vaidʌ chiʌʌqui tasaicʌdʌ vuvacʌi ʌtʌligi dai gʌʌrai, vaidʌ ʌcʌʌli maimaatʌcana isducatai.

Markos 4:27 Iomraidhean Croise

Markos 4:26

Daidi Suxi potïtïdai ïpï, —Gïn aagidamu aanï ix maaxi xudu tïanïi Diuxi odami. Ïpïan dukami gobai ïmo ïxikami tïrhigi. Daiñi, xudu ïmo odami ïsïi tïrhigi, ïpïgioma yaasai ïgai ïxtokai.

Markos 4:28

Go dïbïrai ïïgi bhai buayi kuadagai, ïpïga bubuakïi aagadï dai gokiïrï muradadï dai gokiïrï ibhiadï.

2 Tesalonicenses 1:3

Gïr susukurhi, dudatai aagidiña aatïmï Diuxi sai bhai gïr ïrhidi aatïmï ïgaikïdï maatïkatai sai kïïga buaboitudai aapimï. Kïïga ïr sïïrhi ix aagiada aatïmï Diuxi sai bhai gïr ïrhidi ïgaikïdï tudu. Kïï maatï aatïmï sai bamioma kabakami dukai buaboitudai aapimï xibi dai sai bïïxkïrï bamioma gïn oigïdai aapimï aipakoga ïpï. Kaxkïdï bia aatïmï sïïrhikami ix potïdagi aatïmï Diuxi sai bhai gïr ïrhidi ïgaikïdï.

2 Pedro 3:18

Kïïga abïr óídaka bhaiyoma saidi podukai bïïx tasai bamioma maatï taatana aapimï xïï kïï tuiga Suxi Kristo Gïr Nukadakami gïn bïïtarï. Gïr kïïgakïrï bubiadamiga ïgai tudu dai gï agai sai bïïx tasai bamioma kïïga maatïkagi aapimï ïgai. Podukai bamioma kabakatudamu gïn buaboidaraga gin aaduñi. Ipïrhidi aanï sai bïïxi óídakami xadutuadana Suxi Kristo dai kïïga ñokadana ïgai bui bïïxkïrï bïïtarï. Sai pogïduna gobai tudu. Mosïkaxi.