Markos 4:20 - Northern Tepehuan Bible

²⁰ Daidi go ïxtokai ix makïdï kïïgadukami dïbïriïrï surhi ïpïan dukami odami ix makïdï buaboida kaïkana Diuxi ñokidï dai gïïpi ibuayi soiñi. Ïïmoko ïgai ix makïdï buaboida kaï ïpïan dukami ïxtokai ix makïdï ïmo kobhai dan bhaibuxtama bubuaja ïmo kaidïañdïrï, dai jaa babaikobhai bubuaja, dai jaa ïïmo ciento— itïtïdai Suxi.

Tepehuan Northern: Diuusi ñiooquidʌ utuducami oodamicʌdʌ

²⁰ Daidʌ ʌʌstucai ismaacʌdʌ cʌʌgaducami dʌvʌʌriʌrʌ suuli ʌpan ducami ʌoodami ismaacʌdʌ baigʌnʌliaracʌdʌ caʌcana Diuusi ñiooquidʌ dai vaavoitudaiña daidʌ ivuaadana istumaasi Diuusi ipʌlidi. Ʌʌmoco ʌrʌpan ducami ʌʌstucai ismaacʌdʌ ʌmo coobai dan baivustaama vuvaja ʌmo caidʌaiñdʌrʌ dai ʌmiaiñdʌrʌ vaicoobai dai ʌmiaiñdʌrʌ ʌmo siento ―astʌtʌdai ʌSuusi.

Markos 4:20 Iomraidhean Croise

Mataibo 13:23

—Dïï gia ix makïdï kïïgadukami dïbïriïrï surhi ïgai gia ïpïan dukami odami ix makïdï kïïgadu iibhïadï dai maatï kaïkana Diuxi ñokidï dai kïïga ïïgida kaïkana. Ïgai abhana gia kïïga aatabuayi Diuxi dai ibuayi naana maaxi kïkïïgadukami ïgaikïdï. Mos apia buaboitudai ïgai kaxkïdï. Ïpïan dukami ïgai go ïxtokai kaidï ix makïdï ïmo kaidïañdïrï gï bañidi gokobhai dan bhaibuxtama xiïpï baikobhai xiïpï asta ïmo ciento kaidï ïmo kaidïañdïrï— itïtïdai Suxi go mamaatïrdamigadï.

Mataibo 13:8

Dai jaa ïxtokai gia kïïgadukami dïbïriïrï surhi dai ïgai gia kïïga gïï dai kïïga ibhaidaga. Go kïïgadukami dïbïriïrï gia gï bañidi gokobhai dan bhaibuxtama kaidï ïmo kaidïañdïrï xiïpï baikobhai xiïpï asta ïmo ciento kaidï ïmo kaidïañdïrï— itïtïdai Suxi go odami.

Markos 4:8

Dai jaa ïxtokai kïïgadukami dïbïriïrï surhi dai bubuaja dai kïïga gïï, dai kïïga ibhaji. Ïgai gia ïïmo kaidïañdïrï ïïmo kobhai dan bhaibuxtama bubuaja, dai jaa babaikobhai, dai jaa ïïmo ciento.

Lukas 8:15

Dïï gia ix makïdï kïïgadukami dïbïriïrï surhi ïgai gia ïpïan dukami odami ix makïdï kïïgadu iibhïadï dai kïïga ïïgida kaïkana Diuxi ñokidï. Ïgai abhana gia aatabuayi Diuxi dai ibuayi naana maaxi kïkïïgadukami ïgaikïdï mos apia buaboitudaitai ïgai— itïtïdai Suxi mamaatïrdamigadï.

VUAANA 15:16

—Gin aaduñi, mai xu ipïldakai aapimï ïr gin mamaatïrdamiga aapimï. Aanï ïgai dai ïkobai gïn bubaitu bhaiyoma dai gïn darai sai aapimïkïdï ibuadagi Diuxi naana maaxi ix tumaxi ix makïdï bhai ïrhidi ïgai dai ix makïdï bïïxkïrï bïïtarï kabaka agai. Kaxkïdï gïn maakimu Diuxi bïïxi ix tumaxi tanïdagi aapimï gin mamaatïrdamikatai aapimï.

VUAANA 15:2

Guikomai ïgai bïïxi go uba maamaradï ix makïdï mai ibhiatai dai kïïga buanai ïgai go maamara ix makïdï gia ibhiatai dai bhai buayi sai bamioma kïïga ibhiatana.

Romanos 7:4

Pomaaxi aapimïkïdï ïpï gin susukurhi. Aapimï ka bïïna daraja Suxi Kristo dai koi aapimï ïgai ïmadï. Koidadï dukami aapimï xibi go sïïrhikami bïïtarï. Ka bïïna bii aapimï Suxi Kristo ix makïdï gï duakatu mukukai. Kaxkïdï xibi kïïga ïr soiñi aapimï Diuxi bïïtarï.

Filipenses 1:11

Daiñi, Suxi Kristo ka kïïga buañixikami gïn bia. Dai aanï kabami daanïi Diuxi saidi gï ibuadagi naana maaxi ixtumaxi kïïgadukami aapimïkïdï ka buañixikatai aapimï. Aidï gia gïn tïgito nïijadamu jaa dai aagadamu xïïxi ïr gïdukami Diuxi dai xadutuadamu ïgai nïiditai ix makïdï ibuayi Diuxi aapimïkïdï.

Kolosenses 1:10

Gïr aaduñi, gï agai xi óídakagi aapimï Diuxi bïïtarï ixdukatai gï agai. Ix dukatai bhai ïrhidi ïgai tudu. Kaxkïdï gïn daanturhiña aatïmï sai kïï bhai dukai óídakana aapimï kïïga xadutudaitai Diuxi. Sai podukai kïïga bhai ïrhiatudana aapimï Gïr Nukadakami bïïxi aïkatïrï. Gïn daanturhiña aatïmï sai apia bamioma kïïga maatïkana aapimï Diuxi. Saidi ibuada aapimï naana maaxi aaduindagai kïkïïgadukami dai sai kïïga bubuakïna naana maaxi kïï bhai maaxkami gïn aaduindagaiñdïrï ïpï.

1Tesalonicenses 4:1

Gïr susukurhi, gïn aagida ïragai ïpï ïmo ñoki ix dukatai gï agai ix oidakagi buaboitudadami. Kaxi gïn aagidi aatïmï tudu ixdukatai ipïrhidi Diuxi ix óídakagi aapimï. Dai kïï maatï aapimï sai Suxi Kristo gïr maa ïmo sïïrhikami ix kaxkïdï sïïrhikïdï gïn abïnakida rïrhidi sai kïïga óídakagi aapimï ixdukatai Diuxi ipïrhidi. Dai ka podukai óídaga aapimï dïï bïïxkïrï gïn abïnakidimi aatïmï sai apia kïïgioma óídakagi aapimï ix dukatai ipïrhidi Diuxi.

2 Pedro 1:8

Daiñi, ix bïïx tasai bamioma po tutiakagi aapimï ix dukatai ojixi tami, gobai gïn soiñamu sai bamioma kïïga ïmadagi aapimï Suxi Kristo Gïr Nukadakami. Dai kïïga ibuadamu aapimï naana maaxi ixtumaxi kïkïïgadukami ïpï ka kïïgioma ïmadatai aapimï Suxi.