Markos 4:17 - Northern Tepehuan Bible

¹⁷ dïï mos mai kia xii gupurtudan buadana ïgai buaboidaradï. Dai mos parunadan kaitidana jaa ïgai bui xiïpï soi gïn buididana ïgai go ñokikïdï ix makïdï buaboitudai ïgai baidi ïgai ka ugiatïi buaboituldaradï.

Tepehuan Northern: Diuusi ñiooquidʌ utuducami oodamicʌdʌ

¹⁷ dʌmos maiquiaa sigupucatʌrdan vuaadana ʌgai vaavoidaragadʌ cascʌdʌ mosparunaiña aa ʌñiooquicʌdʌ dai soimaa taatamituldiña vai ʌgai caugiatʌi vaavoidaragadʌ.

Markos 4:17 Iomraidhean Croise

Mataibo 11:6

—Dai aagidabïrai ïpï saidi kïïga bhai gïn ïrhiadamu bïïxkatai go odami ix makïdï mai ugutai gin buaboitudagi— itïtïdai.

Mataibo 12:31

Daidi oi Suxi go aatagi daidi potïtïdai ïgai go fariseos, —Aapimï fariseos gïpiïrï gin bupaimi, pokaiti aapimï sai go diabora gubukarhigadïkïdï aatabuayi aanï tudu. Daiñi, gï agai sai maatïka aapimï sai Diuxi oigïldamu odami asta xïxkadï galnaaxi ñoki surhigidagi ïgai Diuxi.

Mataibo 13:21

dïï mai xii gubuakana ïgai buaboidaradï. Mosïka lachi buaboitudaiña ïgai dai gokiïrï soi buididiña jaa nïiditai ix ka buaboitu ïgai gin ñoki dai kaxkïdï otoma daadagitoiña ïgai buaboidaradï—.

Markos 4:16

Dai jaa odami iibhïadï ïpïan dukami ojodai dai ami saagida surhi ïxtokai. Bhai ïrhiarakïdï kaïkana ïgai Diuxi ñokidï

Markos 4:18

Dai jaa odami iibhïadï ïpïan dukami uparai xako ami saagida surhi ïxtokai. Kaïkana ïgai Diuxi ñokidï

Lukas 12:10

—Dai aanï aagai ïpï sai tomaxi aanï ïr Diuxi otosadï ix makïdï ïmo kïïrhi busai bïïxkïrï Diuxi bhaiga xi oigïrhiadagi xorai soimaaxi ñokadagi in bui. Dïï gia xi soimaaxi ñokada ïgai Diuxi Ibhïadï bui aidï gia Diuxi ka mai oigirhiadamu ïgai— itïtïdai.

VUAANA 8:31

Bhodïrï Suxi aatagidi go judidiu ix makïdï buaboitudai daidi potïtïdai, —Ix mos apia ïïgiadagi aapimï gobai ix makïdï gïn aagidi aanï, aidï gia buaboikïdï ïr gin mamaatïrdamigaka agai aapimï

Galatas 6:12

Gin aaduñi, go circuncision ïr ïmo aaduindagai ix makïdï go ïïgi tukugadïkïdï ibuayi odami. Maiti ïr ibhïgadïkïdï tudu. Dai mai gubudakïdï gï agai xi gïn circuncidandoagi aapimï. Dïï gia gïn aagidamu aanï ix tuixi gubudakïdï gïn tïanïi jaa sai gïn circuncidandoagi aapimï. Buamï ïrhidi ïgai ix kaitiadagi go judidiu kaxkïdï. Dai pokaitada ïrhidi ïgai ïpï sai kïïga xadutudai ïgai go Moises sïïrhikamigadï kaxkïdï gïn tïanïi ïgai sai gïn circuncidandoagi aapimï. Dïï gia tomarhi ïïgi ïgai mai kïïga ïïgidi go Moises sïïrhikamigadï. Dai bïïxkïrï mai bhai aagaiña ïgai sai kïïgakïrï bubuakiagi aapimï mos buaboitudakai aapimï ixtumaxi idui Suxi Kristo kuruxiana. Gïgïrdukïdï gïn ïrhidi bhaiyoma dai ibuada ïrhidi aaduindagai ïïgi gubukarhigadïkïdï dai kaxkïdï gïn tïanïi ïgai sai gïn circuncidandoagi aapimï.

2 Timoteo 1:15

Kïï maatï aapi Timoteo sai baasïkioma gin dagito go Figelo dai Hermogenes ïmadï bhaiton bïïxi go gaa buaboitudadami Asiañdïrï ïpï. Bïïxkatai ïgai gin dagito bhaitoma.

2 Timoteo 4:10

Bhaitoma ïïgi bii aanï tanai kaxkïdï. Kaxi gin dagito go Demas tudu dai jii Tesalonikamu gaagaitai bhai ïrhiaragai ixtumaxiïrï oidaga tami oidigi daama. Dai go Kresente jii Galasiamu dai go Tito jii Dalmasiamu.

2 Timoteo 4:16

Baasïkioma aidïxi tukamïrï gïpiïrï gin bupaiña go jaa dudunukamiana, aidï gin dagito bïïxi gin aaduñi dai biakatadai aanï ix ïïgi ñokadagi dai gin soiñagi ami. Gin dagito gin aaduñi tudu dïï maiti ipïrhidi aanï xi maakiagi Diuxi gïgïbidaragai gokïdï.

Hebreos 10:29

Podukai gïgïbiturhiña ïgai ix makïdï mai ïïgiadagi go Moises sïïrhikamigadï tudu. Dai go utudui sïïrhikamigadï Suxi Kristo gobai gïïpi bamioma namïga xi bhai go Moises sïïrhikamigadï. Kaxkïdï gï maatï sai bamioma soi taadakamu ix makïdï mai buaboitudagi Suxi Kristo dai gajiadïrï dukai biagi. Gobai ïr ïpïan dukami xi ïmo tukuragai dukai nïijadagi ïgai Diuxi Maradï dai kïixonagi. Tukurakami dukai nïidi ïgai go aaduindagai ix makïdï idui Suxi Kristo aidïxi aaxi ïgai ïradï tudu. Dai Suxi Kristo ïradï ïgai dai namïaturhi go utudui sïïrhikami ixtukïdï ïkobai darakami bipiïyi aatïmï Diuxi bïïtarï. Daiñi, Diuxi Ibhïadï kïï tuiga gïr bïïtarï. Dai xi mai buaboituda ïrhiada ïmoko Suxi Kristo gobai ïr ïmo gïdukami parunaragai gï dukami Diuxi Ibhïadï buidïrï.

1 Juan 2:19

Go odami ix makïdï ïr buidïrï bïïtïkamigadï Suxi ix makïdï aagai aanï xibi ïgai gïr urapïkïiña ïkioma dïï gia gïr dagito ïgai dai ïkobai iji. Kaxkïdï gï maatï ix maiti ïr gïr aaduñi ïgai. Ix gïr aaduñikamudai ïgai kïïgakïrï aidï gia gïr urabakamudai ïgai kia. Podukai gïn mamaaxidi ïgai ix maiti ïr gïr aaduñi kïïgakïrï tudu gïr dagitokai ïgai.

Apokalipsis 2:10

Daiñi, ka miadaimi xi soimaaxi taatagi aapimï. Aidï go diabora gatïañi agai gïn maamaixaragai. Soimaaxi taatamu aapimï chïki tasai tudu nïidana sa bhai ïr buaboi xi gin buaboitudai aapimï. Dïï maiti abïr duduadikuda dai bhaiyoma abïr apia buaboitudada aapimï tomaxi gïn kodagi go jaa dai aanï gïn maakimu ïmo gïdukami maitïki. Gïn maakimu aanï xi kïïgakïrï óídakana aapimï bïïxkïrï bïïtarï tudu.

Apokalipsis 2:13

dai maatï aanï sai go diabora ïgai dai gatïanïi ami go gïï kiikiïrï xako óídaga aapimï. Dai maatï aanï sai tomaxi tïanïi ïgai ami aapimï bïïxkïrï apia gin buaboitudai. Mai dagito aapimï gïn buaboidaraga tudu tomaxi ami xako óídaga aapimï gï muatu go kïïrhi Antipas tïgidukïdï ix makïdï sïïrhi ñokaiña gin bïïtarï aagaitai ixtumaxi ïr buaboi. Maiti gin dagito aapimï tomaxi ami gïn kiikiïrï oidaga go diabora tudu.