Markos 4:15 - Northern Tepehuan Bible

¹⁵ Ïïmo odami iibhïadï ïpïan kapaka boi xako surhi ïxtokai. Ïgai kaïkana Diuxi ñokidï bai otoma didibai go Diabora dai maigobai dadasai go ñoki tïgibudadïañdïrï xi mai buaboitudana ïgai.

Tepehuan Northern: Diuusi ñiooquidʌ utuducami oodamicʌdʌ

¹⁵ Ʌʌmoco oodami ʌpan ducami ʌʌstucai ismaacʌdʌ voiyʌrʌ suuli ismaacʌdʌ caʌcana Diuusi ñiooquidʌ vai didivai ʌDiaavora dai maigovai dadasai ʌñiooqui ibʌadʌaiñdʌrʌ sai maivaavoitudana.

Markos 4:15 Iomraidhean Croise

Genesis 19:14

Dai go Lot kaïkatai gobai sai mïï aagidi ïgai go kïkïïrhi ix makïdï ka aagai sai ïmadï bii agai go maamaradï Lot. Daidi potïtïdai ïgai, —Otoma abïr boopoi. Ka xia duada agai Gïr Nukadakami idi bhaabhaki— itïtïdai. —Arhiï buiruga aapi dai kaiti— itïtïdai go kïkïïrhi dai mai buaboitu.

Mataibo 13:19

—Go ïxtokai ïr ïmo maaxidaragai dukai go bhai ïrhiaragai aatagi bïïtarï ix makïdï gïr maatïturhi ix maaxi aatabuayi Diuxi gatïanïitai ïgai. Dai go ïxtokai ix makïdï boi ugidïrï surhi ïr ïpïan dukami odami ix makïdï kïïga kaïkana go ñoki dïï go diabora maigobai dadasaiña go ñoki ibhïgadïañdïrï sai maiti ibuadana soiñi—.

Mataibo 22:5

—Dai podui go pipioñi, mïï aagidi ïgai go odami dïï modukai go odami mai ïïgidi dai maiti ipïrhi xi iimiagi. Bhaiyoma mos oidi ïgai ixtumaxi ibuadatadai. Ïmoko jii dai mïï nïida agai ïxikami dai ïmai biakatadai ïma maaxi aaduindagai.

Mataibo 4:10

Daidi Suxi potïtïdai, —Imïdañi tabhiadïrï aapi diabora— itïtïdai. —Diuxi ojadï ikaiti sai, Mosïkaxi Diuxi Gïr Nukadakami buidïrï gï agai xi oigïda ñokada aatïmï dai xadutuada podukai— itïtïdai.

Markos 4:14

Daiñi, go kïïrhi ïsadami ïr ïpïan dukami ïmoko ix makïdï aagidiña odami Diuxi ñokidï.

Markos 4:16

Dai jaa odami iibhïadï ïpïan dukami ojodai dai ami saagida surhi ïxtokai. Bhai ïrhiarakïdï kaïkana ïgai Diuxi ñokidï

Markos 4:4

tai chïki ïxtokai boiyïrï surhi tai dada ujurugi dai kuku.

Lukas 8:12

Dai gobai ix makïdï boi ugidïrï surhi ïr ïpïan dukami odami ix makïdï kaïkana go ñoki dïï go diabora maigobai dadasaiña go ñoki ibhïgadïañdïrï sai mai buaboitudaiña ïgai dai mai kïïgakïrï bubuakïna.

Hechos 17:32

Dai go odami ami ïmpaiñdaragïrï kaï go Pabora xi aagai ïgai ïmo kïïrhi ix makïdï muu dai ïpamu duakatu daidi jaa mos parunadan kaititadai kaïkai. Dïï gia jaa itïtïdai sai, —Ïpï daamïrï kaïkamu aatïmï bamioma gï aatagi, aapi Pabora— ikaiti jaa.

Hechos 5:3

Daidi go Piduru itïtïdai aidï, —¿Aapi Ananias tuipïxi bhïiyi Diabora tïgibudadï? Kaxi yaatagidi aapi Diuxi Ibhïadï dai ïïgi gï bïïtarï bhïiyi aapi chïki go tuminxi go dïbïrai namïgadï.

2 Korintios 2:11

Maiti ipïrhidi aanï sai tïïgiagi go diabora ixtukïdï soimaaxi gïr buidadagi mai oigïldakai aatïmï go soimaaxi ibuadami kaxkïdï. Kïï maatï aatïmï sai podukai aatabuayi go diabora tudu soi gïr duada ïrhiditai ïgai.

2 Tesalonicenses 2:9

Dïï gia mai kia mukukai go adaama soimaaxi buadami gaataduñimu ïgai go diabora gubukarhigadïkïdï dai iduñimu naana maaxi maaxidaragai ix makïdï odami maiti ixtutuidikïi xi buadagi. Podukai bupuirumadamu ïgai mui odami.

Hebreos 12:16

Kïïga abïr gïn nukadaka ïpï sai mai okimïrhiakagi aapimï ïmadutai. Kaxkïdï tudu xorai pomaaxkagi mai xadutudai Diuxi pobuadatai. Ka ïpïan buayi ïgai go Esau tudu ix makïdï oidakatadai ïïki. Daiñi, Diuxi maatadai go Esau ïmo kïïgadukami sïïrhikami gaxïgikatai ïgai dïï go Esau mai buamï ïrhidi go sïïrhikamikïdï. Mai namïakami dukai tïï ïgai tudu dai gagara lïïchi bhiayikïdï. Podukai mai xadutugi ïgai Diuxi tudu mos ïï lïïchikïdï gagarakai go sïïrhikami ix makïdï Diuxi maatadai.

Hebreos 2:1

Daiñi gin aaduñi, kaxi gïn aagidi aanï sai Diuxi maradï ïgai dai gïr aiturhi ñokidï Diuxi. Dai xibi aanï aagai sai bïïxi ix makïdï ojixi tami aagaitai Diuxi Maradï ïr buaboi. Kaxkïdï gï agai xi kïïga ïïgiada aatïmï go ñoki ix makïdï kaïkana aatïmï ix makïdï aagai Diuxi Maradï, tadu dagito aatïmï ix tumaxi ïr buaboi.

1 Pedro 5:8

Gin aaduñi, kïïga abïr gïn tïtïgitoda daidi abïr gïn nukadaka. Bia aapimï gïn buidïrï kaatïkamiga tudu ix makïdï ïr go diabora dai aipakoga aimïrai ïgai xia duada ïrhiditai xorai tïïgiagi ïgai.

Apokalipsis 12:9

Daidi Diuxi maigo surhi go gïï kïixi tïbagiañdïrï modukai tïtïañikarudï. Podukai bhaigobai oidigi daama surhi go kïixi ix makïdï diabora tïgidu dai satanás tïgidu ïpï. Ïgai tudu ïr go gïï kooyi agaikïdï ix makïdï ïki abhiadïrï ajiopaiña tami oidigi daama dai bupuirumadaiña óídakami. Tami oidigi daama gï surhitu ïgai tudu ïmadï modukai tïtïañikarudï maitïkai Diuxi tïtïañikarudï ïgai bui.

Apokalipsis 20:10

Dai bhodïrï ïmo gïï taiyïrï daitudamu Diuxi go diabora ix makïdï gabuirumadatadai go óídakami. Ami gïximu ïgai xako daja go gïmai kïixi ix makïdï Diuxi ñokituldiadamigadï gï aagaiña ïïgi dai maiti ïr buaboi. Ami ïr go gïï taiyïrï xako asufrekïdï mïmïjïi. Dai ami bïïxkïrï bïïtarï apia soimaaxi taata agai táí dai mai tipukamu ibhïxtaragai ïgai bïïtarï.

Apokalipsis 20:7

Dai amaxi ka aïkai ïmo mirhi umigi sai dagitomu Diuxi go diabora sai busaiña maixakaruañdïrï