Markos 16:16 - Northern Tepehuan Bible

¹⁶ Odami ix makïdï gin buaboitudagi kaïkai Diuxi ñokidï daidi gïn bakuanakagi, ïgai kïïgakïrï bubuaki agai. Dïï gia ix makïdï mai buaboitudadagi ïgai biakamu gïïdukami gïïgïbituldaragai abhana— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹⁶ Dai sioorʌ vaavoitudagi dai gʌnvapaconagi ʌgai cʌʌgacʌrʌ vuvaquimu. Dai sioorʌ maivaavoitudagi ʌgai Diaavora ʌʌmadu iimimu.

Markos 16:16 Iomraidhean Croise

Mataibo 28:19

Iimibïrai bïïxi oidigi daama tudu daidi abïr tïïgida gin ñoki bïïxi go naana maaxi ñokadami ix makïdï oidaga oidigi daama. Podukai abïr soikïda saidi ïr gin mamaatïrdamigakagi ïgai. Daidi bapakonadabïrai ïpï sai podukai maaxitudana ïgai saidi ïr oijadami ïgai Diuxi gin Oga dai saidi ïr aanï gin oijadamiga ïpï Maradïkatai aanï Diuxi. Dai go bapakonaragai ïr ïmo maaxidaragaika agai saidi ïr oijadami ïgai Diuxi Ibhïadï ïpï.

Markos 1:15

—Kaxi ti ayi ixtuigako agaitadai Diuxi ïïki— ikaitimi ïgai. —Ka miadaimi ixtuigako Diuxi tïanïda agai. Xibi gï agai mïxi ïma dukai gïn tïtïgitokagi dai buaboida kaïkagi Diuxi ñokidï bhai ïrhiarakami— ikaitimi.

Lukas 8:12

Dai gobai ix makïdï boi ugidïrï surhi ïr ïpïan dukami odami ix makïdï kaïkana go ñoki dïï go diabora maigobai dadasaiña go ñoki ibhïgadïañdïrï sai mai buaboitudaiña ïgai dai mai kïïgakïrï bubuakïna.

VUAANA 20:31

Tami idi libroïrï oja aanï ïïmoko ipïrhiditai ix nïiditai aapimï gobai kïïga buaboitudada aapimï ix go Suxi buaboikïdï ïr Diuxi maradï daidi ïr Ga Tïanïdami ïpï. Ojixi go maaxidaragai idi libroïrï sai ïgaikïdï buaboitudana aapimï dai sai ka buaboitudakai sai bhodïrï kïïgakïrï óídakana aapimï bïïxkïrï bïïtarï.

VUAANA 3:36

Dai bïïxkatai ix makïdï buaboitudagi Diuxi Maradï kïïgakïrï óídaka agai bïïxkïrï bïïtarï. Dïï gia xorai mai ïïgiadagi ïgai mai buaboitudaitai mai kïïgakïrï óídaka agai dai taata agai gïgïbidaragai Diuxiañdïrï bïïxkïrï bïïtarï bhaiyoma— itïtïdai Juan go mamaatïrdamigadï.

VUAANA 3:5

Dai Suxi itïtïdai, —Kïïga gï tïgito kaïka idi ñoki. Daiñi, gï aagai ix ïpamu utudui bubuakiagi odami saidi gïn tïanïna Diuxi. Ïma dukai xadïrï biakana oigaragai ix Diuxi tïanïdagi. Daiñi, odami ix makïdï mosïkaxi dïïdïañdïrï bubuaka ix dukai bubuakai bïïxi odami mos ïr odami ïpïan dukami tomaxorai dai mai bia oigaragai ix Diuxi tïanïdagi. Mosïkaxi ïgai ix makïdï Diuxi Ibhïgadï gubukarhigadïkïdï ka ïpamu utudui bubuakïi gia. Mosïkaxi ïgai bia oigaragai ix Diuxi tïanïdagi— itïtïdai.

VUAANA 5:24

—Kïïga abïr gïn tïgito kaïka idi ñoki. Daiñi, odami ix makïdï ïïgida kaïkagi gin ñoki dai buaboitudagi ïgai ix makïdï gin otoi ka bïïxkïrï bïïtarï oidaka agai. Diuxi ka mai maakimu ïgai gïgïbidaragai dai ka bubuaka abhiadïrï xako darakatadai ïgai, xako mos ïr ïï mukigami gï dukami tudu, dai ka baapa ïgai xako gia ïr kïïgakïrï oidakaragai— itïtïdai.

VUAANA 6:29

Dai Suxi itïtïdai, —Gïn aagidamu aanï ix tumaxi ipïrhidi Diuxi ix ibuada aapimï. Ïgai ipïrhidi mïx xi gin buaboitudagi Diuxi otosadïkatai aanï— itïtïdai.

VUAANA 6:35

Dai Suxi potïtïdai, —Gin aaduñi— itïtïdai. —Ïïgi aanï ïr go pan ix makïdï aagai aanï. Daiñi, go pan ix makïdï oidaga tami oidigi dama maigobai dadasai mosïkaxi gïr tukuga bhiugigaigadï dïï aanï ïr pan gï dukami ix makïdï maigobai dadasai bhiugigaigadï odami ibhïgadï sai kïïgakïrï óídakana. Dai odami ix makïdï gin buaboitudagi ka mai biïgaka agai tomarhi ïmo ixtumaxi ibhïadï bïïtarï dai ka bïïxkïrï bïïtarï óídaka agai.

VUAANA 6:40

Kïï maatï aanï sai Diuxi ipïrhidi ix bïïxkatai ix makïdï gin nïijadagi dai gin buaboitudagi kïïgakïrï óídakana bïïxkïrï bïïtarï. Kaxkïdï go kugatïrï tasïrï duduakarhida iñagai bïïxkatai ix makïdï gin urabaka— itïtïdai Suxi.

VUAANA 8:24

Kaxkïdï gïn aagidi aanï sai mos koimu aapimï kia gïpiïrï bïïtïkamikatai gïn soimaaxkamikïdï. Daiñi, kïïga gïn aagidi aanï xorai aanï dai ix mai buaboitudagi aapimï ix tumaxi gïn aagidi aanï aidï gia mos koimu aapimï kia gïpiïrï bïïtïkamikatai gïn soimaaxkamikïdï— itïtïdai Suxi.

Hechos 10:43

Kaxi ïkioñdïrï abhiadïrï bïïxkatai ïgai ix makïdï ïr ñokituldiadamigadїkatadai Diuxi kaxi aagaiña go Suxi. Ïgai aagaiña sai Suxi gubukadadïkïdï oigïrhixikami bipiïyiña bïïxi soimaaxkamigadï odami ix makïdï buaboitudagi go Suxi— itïtïdai Piduru.

Hechos 13:39

Bïïxi odami ix makïdï buaboitudagi go Suxi Kristo ka mai bia soimaaxkami gïn abhana ixtukïdï gïn aiyagi gïgïbituldaragai. Dïï go Moiseskaru ojadï sïïrhikami xadïrï podukai kïïgakïrï bubaidana odami sai ka mai tipukana soimaaxkami gïn abhana. Kaxkïdï ka maiti ïr gïpiïrï bïïtïkamikagi ïgai.

Hechos 13:46

Daidi go Pabora ïmadï Bernabe mai duduadimukatai aa noraidimi ñoki daidi ikaiti, —Gï agaitadai ix ïpïga gïn aagida aatïmï Diuxi ñokidï, aapimï judidiu tudu. Dïï mos aapimï maiti ipïrhidi xi buaboitudagi Diuxi ñokidï kaxkïdï ka mai bia aapimï sïïrhikami ix urabagi Diuxi bïïxkïrï bïïtarï. Ka mai buaboitu aapimï ix kaxkïdï xibi aituldamu aatïmï Diuxi ñokidï go ix makïdï maiti ïr judidiu bhaiyoma.

Hechos 2:38

Dai go Piduru potïtïdai aidï, —Gï agai sai ïma dukai gïn tïtïgitoda aapimï bïïxkatai dai gï agai xi gïn bapakonada sïïrhikamigadïkïdï Suxi Kristo sai oigïlda gïn nïijadana Diuxi— itïtïdai. —Aidï gia Diuxi otosamu Ibhïadï sai gïn ïmadï daakana— itïtïdai.

Hechos 2:41

Dai bïïxkatai go ix makïdï buaboida kaï Piduru ñokidï gïn bapakoi. Dai aidï tasïrï parï baika mirhi odami uraba go buaboitudadami.

Hechos 22:16

—Xibi maitï agai xi nïnïrakagi aapi bamioma. Mos buaboitudaitai aagida aapi Gïr Nukadakami bai ïgai oigïldana gï soimaaxkamiga, daidi otoma gï bakuanada aidï— gin tïtïdai go Ananias.

Romanos 3:6

¡Xadïrï ïr buaboikana gobai! Diuxi kïï sïïrhi buayi bhaiyoma gïgïbiditai soimaaxi buadami. Kaxkïdï bia ïgai sïïrhikami xi aagadagi xorai biaka agai gïgïbidaragai

Romanos 4:24

Aatïmï gïr bïïtarï ojixi gobai ïpï. Daiñi, Diuxi kïïgakïrï gïr nïijadamu ïpï buaboidakai aatïmï ïgai ix makïdï duakaturhi go Suxi Gïr Nukadakami mukukai ïgai. Buaboidakai aatïmï Diuxi tudu.

2 Tesalonicenses 1:8

Dai aidï gï sïïrhiñdamu Suxi ïmadï go odami ix makïdï maiti ipïrhi ix urabagi Diuxi. Gïgïbituldamu ïgai tudu ix makïdï mai buaboitu go bhai ïrhiaragai aatagi ix makïdï aagai Suxi Kristo.

2 Tesalonicenses 2:12

Podukai ïr sïïrhi ka agai ix potïimu Diuxi sai ajïga ïgai gïgïbidaragai. Ka maiti ipïrhi ïgai ix buaboitudagi ixtumaaxi ïr buaboi kaxkïdï dai bhaiyoma ojoidi ix ïïgiadagi go soimaaxkami.

1 Pedro 1:21

Dai kïïga maatï aapimï Suxi dai kïïga maatï aapimï ix tuma idui ïgai ïpï dai kaxkïdï buaboitudai aapimï Diuxi. Buaboitudai aapimï ïgai ix makïdï duakatu go Suxi dai maa go adaama namïakami sïïrhikami tudu. Dai xibi bia aapimï ïmo kïïgadukami nïnïraragai ka buaboitudakai aapimï Diuxi.

1 Pedro 3:21

Kaxi gï duakaturhi Suxi Kristo ïpamu tudu dai kaxkïdï bia aatïmï kïïgakïrï bubaidaragai. Daiñi, aidïxi sudagiïrï dupi oidigi dai kïïgakïrï bubuaka go Noé ïmadï aaduñdï go barkoïrï iimïitai ïgai, gobai ïr ïmo maaxidaragai dukai gïr kïïgakïrï bubaidaraga bïïtarï ix makïdï bia aatïmï xibi. Aatïmï kïïgakïrï bubuakïi xibi buabotudakai aatïmï sai gï duakatu Suxi Kristo ïpamu tudu dai gïr bakuanai aatïmï sudagikïdï. Sudaïrï daibusai go Noé ïïki tudu dai xibi aatïmï ïpï sudaïrï dïgabuskïi gïr bakuanaitai aatïmï. Dai maiti gï agai sai po gïn ïrhiada aapimï sai go bakuanaragai ix makïdï ibuayi aatïmï mosïkaxi ïr ïmo buanaragai gïr tukuga bïïtarï. Gobai ïr ïmo xadutudaragai bhaiyoma ix makïdï ibuayi aatïmï Diuxi bïïtarï, ka maatïkatai aatïmï sai Suxi Kristo ka bhai dui gïr bïïtarï dai ka mai tipu soimaaxkami gïr abhana.

Apokalipsis 21:8

Dïï jaa gia surhigimu aanï go gïï taiyïrï ix makïdï mïmïjïi asufrekïdï. Taiyïrï surhigimu aanï bïïxkatai ix makïdï dagito xi maitiagi duadimudagai tudu dai ix makïdï mai buaboitudai dai ix makïdï tukurhimagi ïïgi ibhïadï soimaaxi ibuadatai. Surhigimu aanï ix makïdï ïr gakodadami ïpï dai ix makïdï ïmadï bopoyiña jaa aipakoga dai taapïgami dai ix makïdï xadutudai uubixi dai ix makïdï ïr yaatabogami. Bïïxkatai ïgai gïn ajiagai xi go gïï taiyïrï surhigiagi. Gobai ïr go kugadïrï mukigami agaikïdï tudu— in tïtïdai Diuxi.