Markos 15:14 - Northern Tepehuan Bible

¹⁴ Dai go Pilato potïtïdai, —¿Tumaxi soimaaxi idukami gobai?— itïtïdai. Dïï mos go odami apia bamioma ijiñakimi daidi ikaitimi, —Kuruxiana abïr xixa— ikaitimi.

Tepehuan Northern: Diuusi ñiooquidʌ utuducami oodamicʌdʌ

¹⁴ Taidʌ ʌPilaato itʌtʌdai: ―¿Tumaasi soimaasi iducami goovaio? ―astʌtʌdai. Tai ʌgai ʌpamu ijiña daidʌ itʌtʌdai: ―Siisañi curusiaba ―astʌtʌdai.

Markos 15:14 Iomraidhean Croise

Sal 69:4

—Arhiïxi muidu ix makïdï gin kïïdai mai biakatai ixtukïdï. Bamioma muidu ïgai xi bhai gin kuupa. Mos ïgikïdï gin mua ïrhidi gin buidïrï bïïtïkami tudu. —Aa noraida ix makïdï gaïïxi aapi— gin tïtïdaimi ïgai. Dai aanï tomarhi ïmo imidagai maiti gaïïxidi ixtumaxi.

Isa 53:3

Odami soi dukai nïidi dai kïïdaiña Diuxi daasadï bhaitï kïakami. Kïïga ïïmadai ïgai soi ïrhiaragai. Dai odami maiti ipïrhi tomarhi xi nïijadagi. Odami sïïrhikïdï soi dukai nïidi dai mai xaduturhi.

Isa 53:9

Maiti ïr soimaaxi ibuadami ïgai dai tomarhi ïmo imidagai mai yaata ïgai. Dïï bïïxkïrï mukukai ïgai gï yaasatu soimaaxi iibïdakami saagida ïmo gï bidakami yaasakarudïrï.

Mataibo 27:19

Dai go gïï daikaruana dakatadai go Pilato aidï xako dakatai gatïanïiña ïgai. Daidi oñigadï otoxdi ñoki ami. Daidi potïtïdai, —Maiti gï agai xi gïpiïrï daitudagi aapi go kïïrhi gobai. Maiti gï agai ix maakada gïgïbidaragai tudu. Maiti ïr soimaaxi ibuadami gobai toma lïïchi kaxkïdï. Tukarï tïïtïkimi gobaikïdï dai kabami soimaaxi taata aanï gokïdï— as duu otoxdi ñoki go oki.

Mataibo 27:4

Dai potïtïdai ïgai go dudunukami, —Agia soimaaxi idui aanï gatïïgidakai aanï go Suxi maiti ïr soimaaxi idukamikatai ïgai— itïtïdai. Daidi go dudunukami potïtïdai, —Aatïmï gïr bïïtarï maiti ïr ixtumaxi gobai. Ïïgi aapi ïr gï duñi gobai— itïtïdai.

Mataibo 27:54

Daidi kabami duduadimu go kapitañi ïmadï sandadarugadï ix makïdï nukadakatadai go Suxi. Nïiditadai ïgai aidïxi gigiburhi oidigi dai bïïxi ixtumaxi daibusai ami ïpï kaxkïdï. Daidi ikaitiña ïgai, —Idi gia ïr buaboi saidi ïr Diuxi maradï— ikaitiña.

Markos 15:13

Daidi go odami mos ijiñakimi daidi ikaitimi, —Kuruxiana abïr xixa— ikaitimi.

Markos 15:15

Bai go Pilato ïïgi go odami dai dagito go Barabás. Maiti ipïrhidi ïgai ix bamioma bhaakoika ïgai kaxkïdï. Bhodïrï gatïjai ïgai sandadaru mïsai gïikarsana go Suxi dai bhodïrï sai bhïkana dai kuruxiana xixana.

Lukas 23:21

Dïï gia go odami bhaiyoma gïgïr iñakimi daidi ikaiti, —Kuruxiana abïr xixa, kuruxiana abïr xixa— ikaitiña.

Lukas 23:4

Dai bhodïrï go Pilato aagidi go bhaitï gukakamigadï go dadaxdadami ïmadï bïïxi go gaa odami ami dai potïtïdai ïgai, —Aanï mai tïtïgai ix Suxi ïr ïmo gïpiïrï kaatïkami— ikaiti.

Lukas 23:41

Dai aanï ïmadï aapi gia gïr ajïakatadai idi gïgïbidaragai. Soimaaxi ibuadami aatïmï kaxkïdï. Dïï gia idi kïïrhi gia maiti ïr soimaaxi ibuadami. Gï agaitadai xi ïbhiadagi aapi Diuxi dai mai podukai ñokadagi— itïtïdai.

Lukas 23:47

Dai kapitañigadï go sandadaru ami darakïdï kïïga ño Diuxi bïïtarï daidi itïi, —Agia ïr buaboi sai idi kïïrhi maiti ïr soimaaxi idukami— itïi ïgai nïiditai ixdukatai pogïduitadai.

VUAANA 18:38

Daidi go kaigi poïrhiditadai ix odami mai bhaigakatadai ix kïïga maatïkagi ix tumaxi ïr buaboi ix kaxkïdï itïtïdai ïgai go Suxi, —Pokaiti aapi sai oidaga ix tumaxi ïr buaboi. Xorai maatï ix tumaxi gobai— itïtïdai. Mos potïi go kaigi dai bhodïrï busai maigobai kidigana daidi ïmadï aataga go judidiu daidi itïtïdai, —Aanï mai tïï ix ixtukïdï ïr soimaaxi ibuadami idi kïïrhi.

VUAANA 19:6

Daidi go bhaitï gukakami gadaxdadami ïmadï go sandarugadï ijiñakimi tïïgakai go Suxi daidi ikaitimi, —¡Kuruxiana abïr xixa! ¡Kuruxiana abïr xixa!— ikaitimi. Daidi go Pilato itïtïdai go odami, —Baidakabïrai aapimï dai ïïgi kuruxiana abïr xixa. Aanï mai tïï ixtukïdï ïr soimaaxi buadami gobai— itïtïdai.

Hechos 13:28

Tomaxi go Jerusalenïrï óídakami mai tïï tomarhi ïmo ixtumaxi soimaaxkami Suxi bui, bïïxkïrï aagidi ïgai go Pilato sai tïanïna muaragai.

Hechos 19:34

Daidi go odami máítadai ix ïgai ïr judiu dai mos gukatai iñakai parï go hora daidi ikaitimi ïgai bïïxkatai, —Gia ïr gïdukïdï Diana, diuxigadï Efeso— ikaitimi.

Hebreos 7:26

Suxi Kristo tudu ïr go adaama kïïgadukïdï dadaxdadami ix makïdï bamioma kïï bhaiga ix gïr soikïdagi. Kïïga ïko daja ïgai go soimaaxkamiañdïrï tudu mai biakatai ixtukïdï gïpiïrï kaatïkagi. Kïï buañixi ïgai dai ka ïkobai daja ïgai soimaaxi ibuadamiañdïrï amïï tïbagiana dakatai ïgai. Dai bïïxi adaama bia ïgai xadutudaragai amïka tïbagiana dakatai ïpï.