Markos 14:61 - Northern Tepehuan Bible

⁶¹ Dïï mos go Suxi mos dodorhi bii dai mai taadaga. Daidi go gïï bhaitï kïakami daxdadami potïtïdai aidï, —Aatïmï bïïxkatai gia buaboitudai Diuxi. ¿Aapi pïxi ïr ïgai daidi ïr Diuxi otosadï gïr bhaitï kïakami dai Diuxi maradï?— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁶¹ Dʌmos ʌSuusi maiñioocacai vii, dai apiamaitadaga. Taidʌ ʌbaitʌcʌaacamigadʌ papaali ʌpamu tʌcacai daidʌ itʌtʌdai: ―¿Aapipʌsi ʌrʌCristo Diuusi maradʌ? Diuusi gia siaa duutadai aatʌmʌ ―astʌtʌdai.

Markos 14:61 Iomraidhean Croise

Isa 53:7

Odami soi buididi otosadï Gïr Nukadakami dai gïikarai bïïxi. Dïï ïgai mai taadaga. Gï muatu ïgai ïpïan dukai kañiru dai ïgai mai ñokai. Mos dodorhi bii. Ix maaxi kaatïkana kañiru xudu odami ikidagi popodï podukai dodorhi bii otosadï Gïr Nukadakami.

Mataibo 16:16

Daidi go Ximuñi Piduru potïtïdai, —Aapi ïr go Kristo. Aapi ïr go otosadï Diuxi ix makïdï aatïmï judidiu nïnïrakatadai ïïki abhiadïrï tudu. Dai aapi ïr Maradï Diuxi ix makïdï bïïxkïrï bïïtarï oidaga— itïtïdai.

Mataibo 3:17

Dai Diuxi ño tïbagiañdïrï aidï dai potïtïdai ïgai go odami, —Idi ïr gin Maara dai sïïrhikïdï oigïdai aanï. Idi tudu ïr gin bhai ïrhiaraga— ikaiti Diuxi aagaitai go Suxi.

Mataibo 8:29

Dai iñakimi ïgai daidi ikaitimi, —¿Ix tuixi gï bapasai aapi tami gïr ïmadï, aapi Diuxi Maradï?— ikaitimi. —¿Kaxi pïx soimaaxi gïr taatatulda ïrhidi mai kia aïkai ix tuigako?— ikaiti.

Markos 14:60

Daidi go gïï bhaitï kïakami daxdadami ami kïkiba buitapi go gaa daidi potïtïdai go Suxi, —¿Buaboi xi ix duu aagai gobai? ¿Maiti pïx aa noragida agai?— itïtïdai.

Markos 15:2

Dai Pilato potïtïdai aidï go Suxi, —¿Aapi pïxi tudu ïr reygadï go judidiu?— itïtïdai. —Ïjï, podukai aba ix duu aagai aapi— ikaiti go Suxi.

VUAANA 1:34

Nïidi aanï Diuxi Ibhïgadï ix tïbai Suxi Kristo daama. Kaxkïdï kïïga maatï aanï sai ïgai ïr Diuxi Maradï dai xibi gïn aagidimi aanï sai ïgai ïr Diuxi Maradï sai aapimï kïïga maatïkagi ïpï— itïtïdai Juan go odami.

VUAANA 10:24

Daidi chïki bhaitï gukakamigadï go judidiu potïtïdai Suxi xikorhi gukibakai, —¿Tui pïxi mai gïr aagida ïrhidi xorai aapi? Gïr aagidañi kïïga ix bhai ïr Ga Tïanïdami aapi tudu— itïtïdai go judidiu.

VUAANA 10:36

¡Kaxkïdï maiti gï agai ix potïiyagi aapimï sai soimaaxi ñokai aanï potïkai sai aanï ïr Diuxi Maradï! Aanï ïr Diuxi otosadï ix makïdï ïgai ïïko busaitu di— itïtïdai Suxi.

VUAANA 18:37

Daidi go kaigi itïtïdai, —¿Aidï gia ïr buaboi saidi ïr ïmo Rey aapi?— itïtïdai. Dai go Suxi itïtïdai, —Ïjï, kïïga aagai aapi saidi ïr Rey aanï. Go maa bïïtarï tudu dibia aanï tami idi oidigi daama Rey iñagaitai— itïtïdai. —Ga maatïtulda iñagai aanï ix tumaxi ïr buaboi dai dibia. Dai odami ix makïdï ïïgida ïrhidiña ixtumaxi ïr buaboi kïïga ïïgida kaïkana gin ñoki— itïtïdai Suxi.

VUAANA 19:7

Daidi go judidiu itïtïdai go Pilato, —¡Gobai ka podukai aagai saidi ïr Diuxi maradï! Dai gïr sïïrhikamigana aagai sai gï agai muagi xorai pokaitadagi saidi ïr Diuxi maradï di— ikaiti go judidiu.

VUAANA 19:9

Dai bhodïrï ïpamu tukabi báí ïgai go Suxi daidi itïtïdai, —¿Baadïrï oidakami aapi?— itïtïdai. Dïï mos go Suxi mai ñokai bii.

Hechos 8:32

Daidi go dunukami aagaitadai Diuxi ñokidïrï xako ikaiti ojai sai, Mai taada jii ïgai aidïxi gï baidakatu ïgai dai gï muatu. Ïgai ïpïan dukai jii ïmo kañiru dai mai suakai xudu gï muatudagi. Mos mai taada daja ïgai ïpïan dukami ïmo kañiru maara ix makïdï mai suakaiña xuduku gï ikidagi.

1 Tomoteo 1:11

Podukai aagidiña aanï odami xïïxkadï aagidagi aanï go bhai ïrhiaragai aatagi aagaitai Suxi Kristo. Gobai ïr ïmo aatagi kïïga namïakami. Dai Diuxi ix makïdï kïïga bhai gï ïrhidiña ïgai dai gin tïïgi go bhai ïrhiaragai aatagi. Ïgai tudu gï agai xi xadutuadagi odami aagaitai xïïxi ïr gïdukami.

1 Tomoteo 6:15

Suxi Kristo dibiagai asta xïxkadï ipïrhiadagi Diuxi tudu. Kaxkïdï tudu mosïkaxi Diuxi ïgai dai bïïxi adaama ïr xadutudikami dai bïïxi adaama ïr Tïanïdami. Ïgai bïïxi adaama ïr Rey dai bïïxi adaama ïr gubukadagai biakami.

1 Pedro 2:23

Xïïxkadï odami galnaaxi ñoki aagidi, Suxi apia bhai maaxi ñoki aa noraidiña. Tomaxi soi buididiña jaa bïïxkïrï Suxi mai pokaitiña sai aa noraida agai soimaaxi gï sïïrhiñda agaitai ïgai ïmadï. Dai bhaiyoma nïnïrakana Suxi sai aagana Diuxi xorai kïï idui dai xorai mai kïï idui dai sai Diuxi maakana gïgïbidaragai xorai ajïakagi.