Markos 14:49 - Northern Tepehuan Bible

⁴⁹ Bïïx tasai gïn ïmadï dakana aanï amïka go gïï kiupaigadïrï judidiu dai ami gamaamakaiña aanï ñoki. Kïï bhaigakatadai aapimï xi ami gin bhïiyagi. Dïï mos gï aagai tudu xi gin duiñdagi ix dukai ojixi ïïki abhiadïrï, kaxkïdï gï agaitadai xi ïmo ïïxibogami dukai gin nïijada aapimï— itïtïdai Suxi.

Tepehuan Northern: Diuusi ñiooquidʌ utuducami oodamicʌdʌ

⁴⁹ Vʌʌs tasai gʌnsaagida daacana aanʌ ʌgʌʌ quiuupagadʌrʌ ʌjudidíu dai gʌnmamaatʌtuldiña Diuusi ñiooquidʌ, mʌtai tomali ʌmo imidagai maitimbʌi. Dʌmos poduucai idui aapimʌ vaidʌ ʌpʌduuna isducatai oojisi Diuusi ñiooquidʌrʌ ―astʌtʌdai ʌSuusi.

Markos 14:49 Iomraidhean Croise

Mataibo 1:22

Dai pogïdui bïïxi gobai. Diuxi ipïrhi saidi pogïduna ix dukatai aagai ïmo ñokituldiadamigadï Diuxi ïïki kaxkïdï. Go ñokituldiadamigadï Diuxi aagai bïïxi gobai ïmo imidagai aidïxi aiturhiditadai ïgai ïmo ñoki go óídakami. Aagiditadai ïmo ñoki Gïr Nukadakamiñdïrï imïdami tudu.

Mataibo 26:54

Dïï gia xi gataañiagi aanï soiñi gin Oga podukai aidï gia ka maiti po gï duñimudai ix makïdï ojixi Diuxi ñokidïrï. Ami ojixi ixtumaxi gï agai sai taatagi aanï tudu. Dai gï agai sai bïïxi pogïduñagi gobai— itïtïdai.

Mataibo 26:55

Dai bhodïrï ñokidi Suxi go mui odami ix makïdï ami dadatadai bhïiya agaitai. Daidi potïtïdai ïgai, —¿Ix tuixi bhïï ajiopai aapimï mamaaxtai dai uxi?— itïtïdai. —¿Ïmo ïxibugami xi aanï tudu xi kaxkïdï podukai gin bhïiyi aapimï? Daiñi, bïïx tasai gïn ïmadï dakana aanï amïka go gïï kiupaigadïrï judidiu dai ami gamaamakaiña aanï ñoki. Kïï bhaigakatadai aapimï xi ami gin bhïiyagi.

Mataibo 26:56

Dïï gia gï aagai sai gin duiñtuldagi bïïxi ix dukatai oja go ñiñokituldiadamigadï Diuxi ïïki, kaxkïdï gï agaitadai xi ïmo ïïxibogami dukai gin nïijada aapimï— itïtïdai Suxi. Mos potïi Suxi taidi bïïxi dïgabuna boopoi mamaatïrdamigadï dai ïïgi bia ïgai go Suxi.

Markos 10:1

Bhodïrï Suxi jii abhiadïrï Kapernaumañdïrï dai ayi basadïrï go gïï aki Jordan tïgidukïdï xako Judea tïgidu oidigi. Dai ami ïpï gïn ïmpagi mui odami xako dajatadai Suxi bai ïgai maa aatagi. Podukai ibuadana ïgai bïï aipakoga.

Markos 11:27

Bhodïrï Suxi ïmadï mamaatïrdami oi gïn imidaga dai ayi Jerusalenïrï ïpamu dai ïpamu baapa go gïï kiupaigadïrï judidiu. Dai miadïrï gukiba chïki dudunukami, dukami go bhaitï gukakami daxdadami ïmadï maatïtuldiadami sïïrhikami dai gïn sonoïrï gukakami,

Markos 12:35

Bhodïrï ïmo imidagai go Suxi gamaakaitadai ñoki odami. Kiupaigadïrï judidiu dajatadai ïgai daidi ikaiti, —¿Ix dukatai maaxi gobai dai go maatïtuldiadami sïïrhikami aagai Diuxi otosadï gïr bhaitï kïakami dai Dabid pipiixaradï aagai ïgai?

Markos 14:48

Dai Suxi potïtïdai go odami, —¿Tuma bïïtarï tïgito aapimï go mamaaxtai dai uxi? ¿Ïmo ïïxibogami mïx gin ïrhidi xi kaxkïdï gokïdï in bhïiyi?

Markos 14:50

Daidi go ix makïdï Suxi ïmadï iimïitadai bïïxi dïgabuna boopoi dai ïïgi bia go Suxi.

Lukas 19:47

Dai bïïx tasai gamamaakaitadai Suxi aatagi ami kiupiïrï. Dai go tïtïanïdamigadï go dadaxdadami ïmadï go tïtïgiadami sïïrhikami dai go bhaitï gukakamigadï go judidiu bïïxi gaagaitadai ixdukatai muagi

Lukas 22:37

Daiñi, ka poduu ojixi sai, Soi dukai gin nïijadamu óídakami ïmo soimaaxi ibuadami dukai Ka podukai ojixi dai kaxkïdï gï maatï sai soi dukai gin nïijadamu óídakami. Dai kaxkïdï ïpï ka ïma dukai gï agai xi ajiopadagi aapimï xibi. Kaxkïdï tudu soi dukai gïn nïijadamu óídakami gin mamaatïrdamigakatai aapimï— itïtïdai Suxi.

VUAANA 10:23

Toomoko aidï dai Suxi no aimïraitadai go gïï kiupiïrï xako Solomon portarhigadï tïgidu.

VUAANA 18:20

Daidi go Suxi itïtïdai, —Aanï gamamaakaiña ñoki buitapi bïïxi óídakami. Ga mamaakaiña aanï ñoki go gïï kiupiïrï Jerusalenïrï dai gamamaakaiña aanï ñoki ïpï jaa kikiupiïrï xako gïn ïmpaidiña bïïxi go judidiu. Mai ïxtotai aagidi aanï tomarhi ïmo ñoki tudu— itïtïdai.

VUAANA 7:37

Dai go kugatïrï tasïrï go bagimiïrï bamioma ïr namïakïdï. Dai aidï kugatïrï tasïrï go Suxi kïkiba dai gïïgïrï ño dai potïtïdai go odami, —Xorai tonokoñikagi sai gin urabana sai yïïdana go sudagi ix makïdï aanï maakimu.

VUAANA 8:12

Dai bhodïrï Suxi aatagidi go gaa odami ami darakïdï dai potïtïdai, —Daiñi, ix dukai kudagikïdï maaxkana oidigi podukai ïpï aanï maaxitudai odami bïïtarï tumaxi ïr buaboi. Kaxkïdï ïr kudagi gï dukami aanï. Dai xorai gin oijadagi kïïgakïrï óídaka agai bïïxkïrï bïïtarï dai ka mai tukapi ajiopada agai maatïkatai ix tumaxi ïr buaboi— itïtïdai.

VUAANA 8:2

Dai xadiko mos maaxiko oidigi ïpamu jii ïgai go gïï kiupiamu Jerusalenïrï dai mui óídakami gïn ïmpagi bai Suxi daiba ami dai gamaa ñoki.