Markos 12:40 - Northern Tepehuan Bible

⁴⁰ Mos gaïïxidiña ïgai bipiudu bhaabhakidï dai bhodïrï tïbïpi gamamaadaiña xi bhodïrï mos kïï tutuigakami ïrhidiña odami. Ïgai gïïpioma biakamu gïïgïbidaragai gïn abhana— itïtïdai aidï Suxi go odami.

Tepehuan Northern: Diuusi ñiooquidʌ utuducami oodamicʌdʌ

⁴⁰ Dai ʌʌsidiña goovai vipiuudu baabaquidʌvio dai tʌvʌpi gamamaadaiña sai maimaatʌcana oodami issoimaasi ivueeyi ʌgai. Goovai tuduidʌ ʌgai dai vaamioma soimaa taatatuldamu Diuusi ―astʌtʌdai Suusi ʌoodami.

Markos 12:40 Iomraidhean Croise

Mataibo 23:13

Dai bhodïrï maa ñoki Suxi go fariseos ïmadï go tïtïïgiadami sïïrhikami. Daidi potïtïdai ïgai, —Agia soimaaxi taatama agai aapimï fariseos dai tïtïïgiadami sïïrhikami. Kïï tutiakami dukai gïn dadasai aapimï dai mai kïï tutuiga— itïtïdai. —Ga tïtïïgidi aapimï aatagi ix makïdï maiti ïr buaboi tudu dai podukai sobhikïdan buayi aapimï óídakami ix biakagi oigaragai xi tïanïdagi Diuxi. Ïpïan dukami gobai xi kuupandagi aapimï kuuparagai sai mai bapakïdagi óídakami xako gatïanïi Diuxi. Mai bapakïi aapimï dai mai daadagitoi aapimï jaa xi bapakïdagi ïpï tudu.

Mataibo 23:14

Asta bupuirumadai aapimï bipiudu dai ïïxidiña aapimï buxtuidadï dai kiikidї. Pobuayi aapimï dai bhodïrï tïbïpi gamamaadai aapimï odami buitapi saidi gïn kaïkana óídakami. Kïïga xadutuadami Diuxi dukai gïn dadasai aapimï tudu dïï mai buaboikïdï xadutudai aapimï— itïtïdai.

Mataibo 23:33

—Kookoyi tutuiga aapimï tudu. Xadïrï kïïgakïrï bubuakïna aapimï sai maiti gïn aïna gïgïbidaragai— itïtïdai.

Mataibo 6:7

—Dai maiti gï agai xi muiyoko ïgalbaaxi aagada aapimï ñoki ix makïdï mai maatigian kaiti. Maiti gï agai sai ïpïan dukai ibuadagi go ix makïdï oidi ïma maaxi buaboidaragai tudu. Maiti ïr soiñi gobai. Ix makïdï pobuayi poïrhidi sai Diuxi kaïkamu mos ïï tïbïpi dai muiyoko aagaitai ïgai ñoki. Dïï maiti ïr buaboi gobai.

Markos 12:39

Ojoidi ïgai xi go kïïgadukïdioma bhïiyagi daikarui kiupiïrï xiïpï bagimiïrï. Ipïrhidi ïgai xi odami maatïkagi xïïxi ïr gïïgïrdukïdï ïgai.

Lukas 20:47

Ïgai mai xaïraitai gaïxidiña kiikidї bipiudu dai tïtïbïdukami aagaiña daañigai Diuxi sai odami po gïn ïrhiada sai kïï tutuiga ïgai. Ïgai gia kïï bïtïkami biakamu gïgïbidaragai— itïtïdai Suxi.

2 Korintios 11:20

Daiñi, aapimï kïïga mai ojodatai kaïkana jaa tomaxi gïn bui ñokaiña ïgai dai tomaxi kabami gïn tïanïiña ïgai pipioñigadï dukai dai asta gïn kaitïskïiña ïgai gïn buibasana. Dai bïïxi gobai mai buamï ïrhidiña aapimï dai bhaiyoma bhai ïrhiarakïdï kaïkana aatagidï. Gïn bupuirumadaiña ïgai tudu dai gïn popoidiña gïn buxtuidaga dai bhodïrï abhiadïrï gïn buxtuidagañdïrï óídakaiña ïgai. Gïgïrdukïdï gïn ïrhidiña ïgai tudu dai kabami gïn bhagaidiña kabami gïn tïanïda ïrhiditai.

2 Timoteo 3:6

Oidaga ïïmoko po maaxi tutiakami ix makïdï aipako kiikiïrï ajiopai gaagaitai ïïmadaragai óídakami ïmadï dai ka ïïmadatai sai bhodïrï yaatagikïdï gamamaakaiña ñoki dai bupuirumadaiña ïgai odami. Dai oki ix makïdï mai kapaka tïgibudadï ïïgidiña. Ïgai ïr oki ix makïdï naana maaxi soimaaxkami ibuadana dai soigakoñikana. Kaxkïdï oton ïïgidiña ïgai go bupuirumadami.