Markos 12:37 - Northern Tepehuan Bible

³⁷ ¿Dukatai maaxi gobai aidï? ¿Dukatai bhaitï kïakami aagai ïgai ïïgi pipiixaradï di?— itïtïdai Suxi. Dai sïïrhikïdï mui odami kaï aatagidï dai arhiï ojoida kaï ïgai.

Tepehuan Northern: Diuusi ñiooquidʌ utuducami oodamicʌdʌ

³⁷ ¿Ducatai istutuidi ʌCristo siʌrDavi cajiudadʌcagi vai ʌʌgi ʌDavi giñDiuusiga aagadagi? ―astʌtʌdai ʌSuusi. Daidʌ ʌoodami sʌʌlicʌdʌ muiducatadai dai baigʌnʌliaragacʌdʌ caʌcatadai istumaasi aagai ʌSuusi.

Markos 12:37 Iomraidhean Croise

Mataibo 1:23

Gïr Nukadakami potïtïdaitadai ïgai aidï saidi, Nonoakami bii agai ïmo arhi oki ix makïdï mai kia ïmadï bii tomarhi ïmo kïïrhi dai marata agai ïmo arhi xïïñi dai Emanuel tïïtïmu ïgai. Gobai ïr go ñoki ix makïdï aiturhi go ñokituldiadamigadï Diuxi go óídakami ïïki tudu. Dai go tïtiaradï go Emanuel itïiya ïrhidi sai Diuxi gïr ïmadï daja.

Mataibo 11:25

Dai bhodïrï Suxi aagidi ïmo ñoki Diuxi dai potïtïdai, —Aapi gin Oga, aapi bïïxi ïr Tïanïdami tïbagiana dai tami oidigi daama ïpï. Aa gia bhai gin ïrhidi aanï aapikïdï— itïtïdai. —Bhai gin ïrhidi maatïkatai sai tïtïgidi aapi gï tïgibudaga odami ix makïdï ïr aarhi dukai dai mai xii naana maaxi maatï. Ïxto aapi gï tïgibudaga sai mai maatïkana go odami ix makïdï gia poïrhidi ix ka kïïga maatï ixtumaxi tudu.

Mataibo 11:5

—Aagidabïrai tudu sai aanï ka duduadi odami ix makïdï mai nïayitadai dai xibi ka kïïga nïayi. Dai ix makïdï gogobikïitadai ka kïïga aimïrai. Dai ix makïdï biakatadai lepra ka kïïga duayi ïpï. Dai ix makïdï mai bhaigakana ix kaïkagi ka kïïga kaï ïpï. Dai aagidabïrai ïpï sai ka duduakaturhi aanï koidadï. Dai sai aanï aiturhiña go bhai ïrhiaragai aatagi go soititigami. Podukai maatïkamu go Juan xorai aanï— itïtïdai.

Mataibo 21:45

Daidi bhakoi go tïtïanïdamigadï go dadaxdadami dai go fariseos kaïkatai aatagidï Suxi. Kïïga máí ïgai sai galtutiakami aagai Suxi ïgai aagaitai go ix makïdï tajukamikïdï nukadatadai ïxikami. Mai bhai ïrhi ïgai kaïkatai go aatagi tudu.

Mataibo 21:46

Dai bhïiya ïrhiditadai ïgai go Suxi aidï dïï duadikoi ïgai ix iduñagi go odami. Go ix makïdï gabhïiya ïrhiditadai kïïga maatïkatadai sai go odami buaboitudaiña sai Suxi ïr ïmo ñokituldiadamigadï Diuxi tudu. Dai poïrhidi ïgai sai go odami bhakoika antaada ix soi buidadagi ïgai go Suxi. Kaxkïdï mai bhïiyi ïgai.

Lukas 19:48

dïï mai tïtïgaitadai ïgai ixdukatai. Go odami sïïrhikïdï ojoiditadai ix kaïkagi ñokidï go Suxi kaxkïdï.

Lukas 21:38

Dai ïïki kiamoko daibuiña mui odami go gïï kiupiamu kaïka ïrhiditai ixtumaxi aagaiña go Suxi.

VUAANA 12:9

Dai bhodïrï muidutai go odami máí ix ami Betaniïrï dakatadai go Suxi dai mïïka nïida agaitadai. Dai nïida agaitadai ïpï ix makïdï duakaturhitadai Suxi, go Lasaro.

Romanos 9:5

Go gin aaduñi judidiu ïr piipixaradï go Abraamkaru dai Isaakaru dai Israelkaru. Dai Suxi Kristo Diuxi Otosadï ïr judiukatadai ïpï. Suxi Kristo ïr Diuxi dai bïïxi adaama ïr Tïanïdami ïgai. Kaxkïdï gï agai xi gï xadutuadagi ïgai bïïxkïrï bïïtarï.

1 Tomoteo 3:16

Kïïga maatï aatïmï sai namïga gïr buaboidaraga buaboidaitai aatïmï Suxi Kristo. Daiñi, ïkioma óídakami mai maatïkana ixtumaxi ïr buaboi dïï gia Diuxi gïr tïïgi ixtumaxi ïr buaboi dibiakai Suxi Kristo. Dai xibi naana maaxikïdï maatï aatïmï saidi ïr buaboi ixtumaxi aagai aatïmï aagaitai Suxi Kristo dai sai namïga gïr buaboidaraga. Daiñi, Suxi Kristo gïr aagidi dai gïr maaxiturhi xorai ïgai dibiakai tami oidigi daama. Dai Diuxi Ibhïadï ïpï kïïga aagaiña saidi ïr buaboi xorai gï aagaiña Suxi Kristo. Dai go Diuxi tïtïañikarudï bïïxi nïidiña go Suxi ïpï dai aipakoga óídakami ayi aatagi xorai ïgai. Dai gokiïrioma mui oidigi daama óídakami bhai aa saidi ïr buaboi ïpï dai buaboitu. Bhodïrï gï baidakatu go Suxi tïbagiamu xako oidakamu gïïpi xadutudaragai ïgai bïïtarï. Xadïrï po gï duñimudai bïïxi gobai ix maiti ïr buaboikamudai gïr buaboidaraga di.

Santiago 2:5

Gin aaduñi, kïïga gïn oigïdai aanï. Kïïga abïr gïn tïgito kaïka ixtumaxi gïn aagidamu aanï. Gïn maakimu aanï ñoki tudu. Daiñi, Diuxi ka podukai dáí sai mui soititigami ïr buaboitudadamika agai dai podukai gïn bipidakami dukai bii agai iibhïadïrï buaboitudaitai ïgai tomaxi tami oidigi daama bhaitoma mai bia ïgai ixtumaxi. Biakamu ïgai oigaragai xi Diuxi tïanïdagi tudu. Gobai tudu ïr go bhai ïrhiaragai ix makïdï maaki agai Diuxi go odami ix makïdï oigïdai Diuxi. Ka podukai aagai ïgai tudu.

Apokalipsis 22:16

Daidi Suxi Kristo in tïtïdai, —Aanï Suxi Kristo ïgai dai otoi ïmo tïañikarudï Diuxi sai aituldana idi ñoki bïïxi buaboitudadami aipakoga gïn ïmpaidadami. Aanï ïr pipiixaradï go rey Dabidkaru dai aanï bhïiyi sïïrhikamigadï. Aanï ïr ïpïandukami go gïï xabugai ix makïdï tïbïpioma kudakana kiamoko. Gïdioma aanï xi toma xorai tudu— in tïtïdai Suxi.