Markos 12:1 - Northern Tepehuan Bible

¹ Bhodïrï apia aatagai Suxi ïmadï dudunukami daidi potïtïdai, —Xibi an gïn aagidagi ïmo maaxidaragai ñoki— itïtïdai. —Ïmo imidagai ïmo kïïrhi bhai dui ïmo ïxikami uba. Kïïga kuraratu ïgai dai bhodïrï dïgara ïgai ïmo aiti xako soñiba agai uba dai busaida agai baragadï dai bhodïrï idui ïgai ïmo baaki tïkabakami dai abhiadïrï nukadaka agai go ïxikami. Bïïxi nato bhai dui ïgai ïxikami daidi bhodïrï tajukamikïdï maa ïgai jaa odami dai mïkaxi jii xibhïakoga.

Tepehuan Northern: Diuusi ñiooquidʌ utuducami oodamicʌdʌ

¹ Amaasi ʌSuusi gʌaagacai mamaatʌtuldimi cuentocʌdʌ daidʌ itʌtʌdai: ―Ʌmo imidagai oidacatadai ʌmo cʌʌli dai ʌi uuvasi gʌdʌvʌʌragana, dai sicoli curarai. Daidi idui siaaco vusiadagi uuvasi varagadʌ. Daidʌ idui ʌʌpʌ ʌmo vaaqui tʌcavacami dai abiaadʌrʌ nuucadaca agai vʌʌsi gʌʌʌsi. Dai gooquiʌrʌ taajucamicʌdʌ maa gʌʌʌsi aa oodami dai mʌcasi ii.

Markos 12:1 Iomraidhean Croise

Mataibo 13:3

Daidi Suxi maa mui maaxidaragai aatagi. Dukami, potïtïdai ïgai sai, —Ïmo imidagai ïmo kïïrhi busai kiidïañdïrï daidi gaïsi agai.

Mataibo 21:28

—Daiñi, gïn aagidamu aanï ïmo maaxidaragai aatagi dai gin aagidabïrai aapimï dudunukami ix ïrhidi aapimï gokïdï. Ïmo imidagai as oidakatadai ïmo kïïrhi dai mui ïïsï ïgai uba dïïdï. Dai maamarakatadai ïgai goka kïkïïrhi. Dai ïmo imidagai potïtïdai ïgai ïmo maradï, —Mïïka gaataduñi go uba ïxikamiana— itïtïdai.

Mataibo 21:33

Daidi bhodïrï potïtïdai Suxi go dudunukami, —Gïn tïgito abïr kaïka idi maaxidaragai aatagi ix makïdï gïn aagidamu aanï— itïtïdai. —Ïmo imidagai ïmo kïïrhi biakatadai ïmo dïbïrai dai ami ïi ïgai kïïga mui tutukami uba dai kïïga kuraratu ïgai. Dai bhodïrï idui ïgai ïmo gïï dagibuñakarui uba xako busaidagi baragadï. Dai kïi ïgai ïmo baaki kïïga tïkabakami ami ïpï sai abhiadïrï gï nukadana go ïxikami. Dai ka bhai gï dunakai gobai sai tajukamikïdï nukaturhi ïgai jaa odami dai bhodïrï mïkaxi jii.

Mataibo 21:34

Dai ka aïkai yoobaragai sai otoi ïgai chïki pipioñi saidi mïï gataanïna xïïxi ajïakatadai go yoobaradï.

Mataibo 25:14

Dai oi Suxi aatagidï dai potïtïdai ïgai mamaatïrdamigadï, —Gïn aagidamu aanï ix maaxi xïxkadï gatïanïdagi Diuxi— itïtïdai. —Ïpïan dukami gobai xïxkadï ïmo kïïrhi busai agai kiiyañdïrï dai mïkaxi imi agai. Dai mai kia imïkai báí ïgai pipioñigadï sai aatagana ïgai dai nukaturhi ïgai tuminxigadï.

Markos 11:33

Dai bhodïrï potïtïdai ïgai go Suxi, —Bïï mai maatï aatïmï xorai otosadï go Juan— itïtïdai. Dai Suxi potïtïdai aidï go dudunukami, —Aidï gia tomarhi aanï maiti gïn aagidamu xajadïrï bhïiyi aanï gin sïïrhikamiga ïpï ixtukïdï aatabuayi aanï— itïtïdai.

Markos 13:34

—Gïn aagidamu aanï ïmo maaxidaragai ñoki sai maatïkagi aapimï ix dukatai ïpïduñimu xudu ayimu aanï— itïtïdai. —Daiñi, ïmo kïïrhi ix makïdï tïanïi ïmo gïï kii xudu mïkaxi imia agadagi nunukatuldi pipioñi gï kii. Kitaagiña biayi ïgai ïmo nukadakami dai bipidiña ïgai go gaa pipioñi aaduindadï ïïmadutai ïpï— podukai aagai Suxi ïmo aatagi.

Markos 3:23

Daidi go Suxi báí go odami dai aagidi ïmo aatagi maaxidaragai aatagikïdï. Dai potïtïdai ïgai, —¿Bhai ix ixtuidana go Diabora xi ïïgi gï busaidagi odamiañdïrï?— itïtïdai.

Markos 4:2

Taidi Suxi aagidi mui naana maaxi maaxidaragai ñokikïdï dai adukai maatïturhimi ïgai,

Lukas 15:13

Dai chïki tasaikïdï sai go ix makïdï bamioma ïr gïïrhitadai gagara buxtuidadï ix makïdï buitadai ïgai dai no xibhï mïkaxi jii dai amïka naato xia dodai go tuminxi buirudagïrï.

Lukas 19:12

Potïtïdai ïgai, —Daiñi, ïmo imidagai oidakatadai ïmo kïïrhi ix makïdï ïr pipiixaradïkatadai ïmo rey. Dai ïmo imidagai gï dasa agaitadai ïgai rey ïpï ami oidigïrï xako oidakatadai ïgai. Dai biakatadai ïgai xi mïkaxi imiagi dai nïidagi ïmai rey dai ami bhïiyagi go sïïrhikami xi ïr reykagi dai bhodïrï dibiagai dai gatïanïda agai ami xakoga oidakatadai ïgai.

Lukas 22:9

Dai go Piduru ïmadï Juan potïtïdai, —¿Bakopïrï ipïrhidi aapi xi ibuadagi aatïmï?— itïtïdai.

Lukas 8:10

Daidi Suxi potïtïdai, —Gin aaduñi, maaxidaragaikïdï aatagidiña aanï go odami ix makïdï mai buaboitudai sai mai maatï kaïkana gobai gin ñoki. Arhi kapaka iibhïadï kaxkïdï. Ka podukai ojixi ïmo ojiïrï aagaitai ïgai tudu. Ami ikaiti sai, Tomaxi naana maaxi nïijadagi ïgai ixtumaxi ix makïdï ïr buaboi bïïxkïrï mai maatï nïidamu. Dai tomaxi naana maaxi kaïkagi ixtumaxi ïr buaboi ïpï bïïxkïrï mai maatï kaïkamu, ikaiti go ojai. Ka ïïki abhiadïrï mai maatïkana odami ix maaxi tïanïi Diuxi tudu dïï xibi aapimï gin mamaatïrdamiga gia bia oigaragai xi maatïkagi— itïtïdai.

Hechos 7:38

Go Moises tudu ïgai dai oidigana aimïraitadai gïr aaduñi ïmadï. Dai go Moises ïmadï dajatadai go Diuxi tïañikarudï dai kaï ñokidï amïka Sinaí tubidakïrï. Diuxi maa ñoki go Moises ixtukïdï kïïgakïrï oidakagi ïmoko dai Moises gïr biturhi go ñoki gobai.