Markos 10:47 - Northern Tepehuan Bible

⁴⁷ Mos máí ïgai xi ami daibuskimi go Suxi Nasaretañdïrï oidakami tai gïïgïrï iñokidimi daidi ikaiti, —Aapi Suxi ix makïdï ïr pipiixaradï go Dabidkaru. Soi gï ïlda aanïkïdï— ikaitimi.

Tepehuan Northern: Diuusi ñiooquidʌ utuducami oodamicʌdʌ

⁴⁷ Dai aidʌsi caʌ ʌcʌʌli ismiaadimi ami ʌSuusi otoma iiñoquidimi daidʌ itʌtʌdai: ―Suusi Davi cajiudadʌ soigigʌʌlda aanʌcʌdʌ ―astʌtʌdai.

Markos 10:47 Iomraidhean Croise

Isa 11:1

Ïmo uxi guikutikami daitudikami ipoñi ka agai ïpamu sonodïañdïrï. Go Isaí uxi sonodï gï dukamikana ïki abhiadïrï mukiadïkatai ïgai. Dai piipixaradïañdïrï oidaka agai ïpï ïmo ipuadï dukai ix makïdï ïr utudukami Rey ka agai.

Mataibo 1:1

Tami ojixi ix tïtïgidu ïïkidadï aaduñdï Suxi Kristo. Sai Suxi Kristo ïr pipiixaradï go Rey Dabidkaru tudu. Dai go Dabidkaru ïr pipiixaradïkatadai go Abraamkaru. Tami bhaitïki aagai ix dukatai pogïdui gobai.

Mataibo 12:23

Dai bïïxi go odami ami mai tïtïgaitadai ixtumaxi gïn tïtïgitoagi nïiditai. Daidi ikaitiña, —¿Bhai ix go Suxi ïr go pipiixaradï go Rey Dabidkaru? ¿Ïgai ix ïr go otosadï Diuxi dai ix makïdï nïnïraka aatïmï ïïki abhiadïrï?— ikaitiña go odami.

Mataibo 15:22

Dai ami dakatadai ïmo oki ix makïdï ïr pipiixaradïkatadai go Kananeos agaikïdï. Maiti ïr judiukatadai ïgai tudu. Dai mïï ayi ïgai xako dakatadai go Suxi daidi gïgïr ño daidi ikaiti, —Aapi gin Tïanïdamiga, aapi ix makïdï ïr pipiixaradï go Rey Dabidkaru tudu— itïtïdai. —Soi gïlda gin nïida dai gin soiña. Ka arhiï soi taatamai ïmo gin maara oki biakatai ïmo tïañikarudï go diabora ïrana— itïtïdai. Dai muiyoko potïtïdai ïgai go Suxi gïgïr ñokaitai.

Mataibo 2:23

Ami ayi ïgai dai ïmo kiikiïrï óídatu xako Nasaret tïgidu. Podukai daibusai ix makïdï aagaiña go ñiñokituldiadamigadï Diuxi ïïki abhiadïrï. Ikaitiña ïgai sai, —Dibiamu go Otosadï Diuxi bai Nasaretañdïrï oidakami gï aagadamu ïgai— po tudu ikaiti ñiñokituldiadamigadï Diuxi aagaitai go Suxi.

Mataibo 20:30

Dai ami boi ugidana darakatadai goka kïkïïrhi mai nïadami. Dai aidïxi kaï ïgai sai no boiyana daibuskimi Suxi sai gïïgïrï iñakidi. Daidi potïtïdai ïgai, —Aapi Tïanïdami, aapi ix makïdï ïr Pipiixaradï go Dabidkaru, soi gïlda aatïmïkïdï daidi gïr soiña— itïtïdai.

Mataibo 21:11

Dai jaa ikaititadai, —Gobai ïr go Suxi. Ïmo ñokituldiadamigadï Diuxi gobai. Nasaretañdïrï oidakami gobai ix makïdï Galilea munisipiïrï bipiïyi— ikaititadai ïgai.

Mataibo 21:9

Mui óídakami bhaitï iimïitadai dai jaa mui oiditadai dai Suxi ïran ïxi imïitadai. Dai gïgïr iñakimi go óídakami bhai gïn ïrhiarakïdï daidi ikaitimi ïgai, Sïïrhikïdï gï agai sai oigïda ñokada óídakami gobai bïïtarï. Gobai ïr go Pipiixaradï go Dabidkaru ix makïdï nïnïrakatadai aatïmï ïïki abhiadïrï tudu. Ipïrhidi aatïmï sai Diuxi maakana bhai ïrhiaragai go otosadï ix makïdï bia ïmo sïïrhikami Diuxiamadïrï. Agia gï agai sai kïïga oigïda ñokada óídakami gobai bïïtarï, ikaitimi go odami.

Mataibo 26:71

Dai maigobioma kidigamadïrï kïkiba ïgai kuuparagai abhana. Daidi ïmai kuxñirui tïï go Piduru daidi potïtïdai ïgai go ix makïdï ami gukatadai, —Gobai ïmadï aimïraiña ïrhi aanï go Nasaretañdïrï oidakami. Ïmadï aimïraiña gobai go Suxi tudu— itïtïdai.

Mataibo 9:27

Dai bhodïrï jii Suxi abhiadïrï dai no boiyamu iimïi ïgai daidi goka kïkïïrhi mai nïadami oiditadai. Daidi gïgïr iñakimi go kïkïïrhi daidi ikaitimi, —Aapi Suxi, aapi ïr pipiixaradï go rey Dabidkaru. Soi gïlda aatïmïkïdï dai gïr soiña— ikaitimi.

Markos 1:24

baidi potïtïdai ïgai Suxi, —Tui pïxi gïr saagida bapakïi aapi Suxi, Nasaretañdïrï oidakami. Gïr koda pïx agai dai dibia— itïtïdai. —Aanï an gia kïïga gï maatï dai maatï aanï pïxi ïr Diuxi maradï ix makïdï tomarhi ïmo imidagai mai soimaaxi ibuayi— itïtïdai go kïïrhi ix makïdï biakatadai ïmo Diabora tïañikarudï ïrana.

Lukas 4:16

Aipakoga aimïraitadai ïgai tudu Galileana dai ayi go arhi kii Nasaret tïgidukami xako ïr gïrakami ïgai. Daidi saapatoko baa ïgai kiupiana ami ix dukai ibuadana ïgai bïïxi saapatoko. Dai ami kiupiïrï kïkiba ïgai dai aagai ïmo ñoki ix makïdï ojixi Diuxi ñokidïrï sai kaïkana ix makïdï ami daraka.

VUAANA 1:46

Daidi Natanael itïtïdai, —Xadïrï ïr soiñikana ïmo Nasaretïrï oidakami— itïtïdai. Daidi Pirhi itïtïdai, —Tinda tudu pai ïïgi nïida aapi daidi maatïkagi— itïtïdai.

VUAANA 19:19

Dai go Pilato gatïjai ïmo ojixikami saidi ami kuruxiana dasana ix makïdï ikaititadai, IDI ÏR SUXI GO NASARETÏRÏ OIDAKAMI DAI REYGADÏ GO JUDIDIU, ikaititadai go ojixikami.

VUAANA 7:41

Dai jaa ikaitiña, —¡Idi gia ïr go Ga Tïanïdami ïrhi aanï!— Dai jaa ikaitiña, —Cho ïrhi aanï. Xadïrï Galileïrï oidakamikana go Ga Tïanïdami— ikaitiña.

VUAANA 7:52

Daidi go gaa fariseos itïtïdai aidï, —¿Aapi pïx tudu ïr Galileïrï oidakami ïpï ïpïan dukai go Suxi? Daiñi, gï aagai ix kïïga gï tïgito nïñiada aapi Diuxi ñokidï, ami ojixi sai tomarhi ïmadutai go aagadami Diuxi ñokidï ïr Galileïrï oidakami kaxkïdï go Suxi dukatai ïr aagadamikana Diuxi ñokidï. Ïgai ïr Galileïrï oidakami di— itïtïdai go gaa fariseos.

Hechos 6:14

Kaï aatïmï ix kaititadai Tibañi sai Suxi go Nasaretañdïrï oidakami daituda agaitadai go gïï kiupai. Dai sai maigobai daituda agaitadai gïr bituldaraga ix makïdï gïr biturhi Moiseskaru— ikaiti yaatabogami.

Apokalipsis 22:16

Daidi Suxi Kristo in tïtïdai, —Aanï Suxi Kristo ïgai dai otoi ïmo tïañikarudï Diuxi sai aituldana idi ñoki bïïxi buaboitudadami aipakoga gïn ïmpaidadami. Aanï ïr pipiixaradï go rey Dabidkaru dai aanï bhïiyi sïïrhikamigadï. Aanï ïr ïpïandukami go gïï xabugai ix makïdï tïbïpioma kudakana kiamoko. Gïdioma aanï xi toma xorai tudu— in tïtïdai Suxi.