Markos 1:25 - Northern Tepehuan Bible

²⁵ Taidi go Suxi bhagaimi go Diabora tïañikarudï daidi potïtïdai, —Maiti ñokada. Mos sai busai go kïïrhiañdïrï dai dagito— itïtïdai Suxi.

Tepehuan Northern: Diuusi ñiooquidʌ utuducami oodamicʌdʌ

²⁵ Taidʌ ʌSuusi bagaimi ʌDiaavora tʌaañicarudʌ daidʌ itʌtʌdai: ―Maitiñioocada mosaivuusai dai dagito gocʌʌli ―astʌtʌdai ʌSuusi.

Markos 1:25 Iomraidhean Croise

Mataibo 9:30

Daidi otoma duayi bupuidï go kïkïïrhi dai ka nïnïaba bii ïgai. Daidi Suxi potïtïdai, —Maiti abïr maigobai aagiada saidi aanï duduadi— itïtïdai.

Markos 1:24

baidi potïtïdai ïgai Suxi, —Tui pïxi gïr saagida bapakïi aapi Suxi, Nasaretañdïrï oidakami. Gïr koda pïx agai dai dibia— itïtïdai. —Aanï an gia kïïga gï maatï dai maatï aanï pïxi ïr Diuxi maradï ix makïdï tomarhi ïmo imidagai mai soimaaxi ibuayi— itïtïdai go kïïrhi ix makïdï biakatadai ïmo Diabora tïañikarudï ïrana.

Markos 1:26

Tai amaxi go Diabora tïañikarudï suikiturhi go kïïrhi dai gïgïrï iñakimi dai busai kïïrhiañdïrï.

Markos 1:34

Dai Suxi duduadi mui naana maaxi kokodagai bipiakami dai bubaitu odamiañdïrï mui Diabora tïtïañikarudï. Go Diabora tïtïañikarudï kïï maatï go Suxi dïï ïgai mai daadagitoiña ix ñokada ïgai xi mai maaxiko buajana odami buitapi xorai ïgai.

Markos 9:25

Mui odami gïn ïmpagi ami nïida ïrhiditai ix tuma ïpïbuimi. Dai Suxi mos tïïgakai xïï mui odami gïn ïmpaidimi otoma bhagaimi go Diabora tïañikarudï ix makïdï arhi gïrhi ïrana daja daidi potïtïdai, —Aapi Diabora tïañikarudï mai ñokadami dai mai tïkaidakami aanï gï tïanïi pïsai busaiña. Dagitoñi idi arhi gïrhi dai ka mai bapakïda ïpamu idiïrï— itïtïdai Suxi.

Lukas 4:35

Daidi Suxi bhagakarai go diabora tïañikarudï daidi potïtïdai, —Maiti ñokada aapi dai busai go kïïrhiañdïrï— itïtïdai. Dai go diabora tïañikarudï dïbïrapi daitu go kïïrhi ami go odami buitapi dai dagito ka mai soimaaxi buididi bamioma.

Lukas 4:41

Dai mui bubaitu ïgai diabora tïtïañikarudï odamiañdïrï ïpï. Dai go diabora tïtïañikaru gïgïrï ñokaiña aidï daidi ikaitiña, —Aapi Suxi ïr Diuxi Maradï— ikaitiña. Dïï gia Suxi bhagaidiña ïgai dai aagidiña sai mai aagaiña xorai ïgai. Kïïga maatïkatadai go diabora tïtïañikarudï saidi ïr Diuxi Otosadï go Suxi tudu.

Hechos 16:17

Idi arhi oki aipako gïr oidatukïiña, aatïmï ïmadï Pabora tudu, dai iñakidana daidi ikaitidana, —Idi kïkïïrhi ïr pipioñigadï Diuxi go bïïxi adama bhaitï kïakïdï. Gobai gïn aagidimi ixdukatai kïïgakïrï bubuakiagi aapimï— ikaitidana go arhi oki.