Markos 1:21 - Northern Tepehuan Bible

²¹ Bhodïrï Suxi oi imidagai ïmadï go kïkïïrhi ix makïdï báítadai ïgai dai ayi Kapernaumïrï ukami. Ibhïxtaragai tasïrï ayi ïgai amïka dai baa go Suxi kiupaigadïrï judidiu. Abhai kiupiïrï gï aaga gamamaatïturhimi ïgai Diuxi ñokidï.

Tepehuan Northern: Diuusi ñiooquidʌ utuducami oodamicʌdʌ

²¹ Amaasi aayi ʌgai Capernauumʌrʌ; dai mosaayi ibʌstaragai tasʌrʌ tai vaa ʌSuusi ʌjudidíu quiuupaigadʌrʌ dai gʌaagacai gamamaatʌtuldimi Diuusi ñiooquidʌ.

Markos 1:21 Iomraidhean Croise

Mataibo 4:13

Ami Galileana ayi ïgai go arhi kiiki Nasaretïrï. Dai gokiïrï busai ïgai Nasaretañdïrï dai jii ïgai xako Kapernaum tïgidu ïmo kiiki dai ami oidatu. Go Kapernaum ïr ïmo arhi kiiki ix makïdï ïmo gïï sudagi ugidana bipiïyi. Galilea tïgidu go gïï sudagi ïgai. Ami ïr xako óídaga piipixaradï go Sebulonkaru dai go Naftalikaru.

Mataibo 4:23

Dai bhodïrï aipakoga jii Suxi ami Galileana. Bapakïiña ïgai kikiupaigadïrï go Judidiu dai ami gatïtïïgidi ïgai ñoki. Aagidiña ïgai odami go bhai ïrhiaragai ñoki aagiditai sai ka bhai otoma gatïanïda agai Diuxi. Podukai gamamaakaiña ïgai aatagi. Dai duduadaiña ïgai bïïxi go naana maaxi kokokoñiadï ïpï.

Markos 1:20

Daidi go Suxi báí sai oidanaïgai dai anaaxi barko ïrana bia ïgai ogadï ïmadï pipioñigadï dai oi ïgai go Suxi.

Markos 1:29

Bhodïrï mos busai Suxi Judidiu kiupaigadïañdïrï tai oi ïgai go Jakobo ïmadï Juan dai ayi kiidïrï Ximuñi ïmadï Andïrïxi.

Markos 1:33

Mos kaburhi guka kitaagiañdïrï muidutai ami kiikiïrï óídakami.

Markos 1:39

Dai dïgabusai ïgai bïïxi xako ukami ajïi Galilea dai ami dibiji ïgai go judidiu kikiupaigadïrï. Ami gamaamakaimi ïgai ñoki dai bubaidimi Diabora tïtïañikarudï odamiañdïrï ïpï.

Markos 10:1

Bhodïrï Suxi jii abhiadïrï Kapernaumañdïrï dai ayi basadïrï go gïï aki Jordan tïgidukïdï xako Judea tïgidu oidigi. Dai ami ïpï gïn ïmpagi mui odami xako dajatadai Suxi bai ïgai maa aatagi. Podukai ibuadana ïgai bïï aipakoga.

Markos 2:1

Dai bhodïrï chïki tasaikïdï ïpamu nora Suxi gamo Kapernaumamu dai otoma máí odami xi kiiyïrï daja ïgai.

Markos 3:1

Taidi kia ïr ibhïxtaragai tasïrï tai ïpamu baa go Suxi ïmo kiupaigadïrï judidiu bai ami dakatadai ïmo kïïrhi ix makïdï gakixapi ïmo nobidï. Dai jaa ix makïdï mai oigïdai go Suxi nïida agai sa bhai duadana ïgai go kïïrhi ibhïxtaragai tasïrï bai podukai biaka ïgai ixtukïdï gïpiïrï buajagi.

Markos 6:2

Dai aïkai ibhïxtaragai tasai tai baa Suxi kiupaigadïrï judidiu dai ami gamaakai ñoki go odami. Dai mui odami ix makïdï kaï aatagidï ka mai tïï ixdukatai gïn tïtïgitoagi dai naana kaitimi. —¿Baajadïrï máí Suxi pomaaxi aatagi? dai ¿Baajadïrï bhïiyi mos ïï kïïgadukami tïgibudagai? dai ¿Dukatai ibuayi gobai mos ïï gïïgïrdukami aaduindagai ix makïdï odami mai nïidi tomarhi ïmo imidagai?— ikaitimi.

Lukas 10:15

—Dai bia aanï ïmo ñoki aapimï gin bïïtarï ïpï Kapernaumïrï óídakami. Aapimï pobïnïrhidi sai tïtïidi agai tïbagiamu dïï aanï agai sai bhaiyoma surhigimu aapimï go gïï tukabakami dïgakïrï xako maamaixapi koidadï— itïtïdai Suxi.

Lukas 13:10

Dai ïmo imidagai Suxi gatïtïïgiditadai ñoki ibhïxtaragai tasïrï.

Lukas 4:16

Aipakoga aimïraitadai ïgai tudu Galileana dai ayi go arhi kii Nasaret tïgidukami xako ïr gïrakami ïgai. Daidi saapatoko baa ïgai kiupiana ami ix dukai ibuadana ïgai bïïxi saapatoko. Dai ami kiupiïrï kïkiba ïgai dai aagai ïmo ñoki ix makïdï ojixi Diuxi ñokidïrï sai kaïkana ix makïdï ami daraka.

Lukas 4:23

Dai Suxi potïtïdai, —Kïï maatï aanï sai mai kïïgakïrï gin buaboitudai aapimï gin ñoki. Daiñi, oidaga ïmo ñoki ix makïdï odami aagaiña xïïxkadï mai buaboitudagi ïgai ïmai. Potïtïdaiña ïgai sai, —Xi duduadadamikagi aapi gï duadañi ïïgi aapi tuduidï. Aidï gia gï buaboituda antaada aatïmï— ikaitiña odami xïxkadï mai buaboitudagi ïgai ïmai. Dai kïï maatï aanï sai bhaitoma podukai gin aagidamu aapimï. Kajioma aapimï tudu sai naana maaxi idui aanï maaxidaragai amïka Kapernaumana. Dai gin tañimu aapimï saidi ibuada aanï maaxidaragai podukai tami gïn saagida ïpï. Tami xakoga gïrakami aanï tudu. Ïma dukai maiti gin buaboituda antaada aapimï. Ka pomaaxi di.

Hechos 17:2

Podukai ibuadana ïgai bïïxi go gïïgïr kiikiïrï xako ajïiña ïgai. Baika ibhïxtaragai tasïrï baa ïgai ami kiupiïrï dai aataga ïmadï odami. Pabora mos gamaakaiña aatagi Diuxi ñokidïañdïrï buaboitulda ïrhiditai go odami.

Hechos 18:4

Dai Pabora mos ïkarhiïrï aimïraiña judidiu kiupaigadïamu ibhïxtaragai tasïrï. Ami gaatagidiña ïgai go judidiu dai go ix makïdï maiti ïr judidiu ïpï dai aagidiña ïgai Diuxi ñokidï. Kïï sïïrhi aagidiña ïgai sa bhai buaboitudana.