Lukas 8:43 - Northern Tepehuan Bible

⁴³ Dai ami go odami saagida imïitadai ïmo oki ix makïdï ka bhaibuxtama dan goka umigi abhiadïrï oiditadai kokodagai ïradïkïdï. Dai ton gaagaitadai ïgai duduadadami mai tïï xorai ixtutiadagi ix duadiagi.

Tepehuan Northern: Diuusi ñiooquidʌ utuducami oodamicʌdʌ

⁴³ Dai ʌgai saagida imʌitadai ʌmo ooqui ismaacʌdʌ cabaivustaama dan gooca uumigi coococatadai gʌʌʌracʌdʌ dai casiaa doodai vʌʌsi istumaasi viaacatadai duduaadigamiʌrʌ vai tomali ʌmaadutai maitistutuiditadai isduaaidagi.

Lukas 8:43 Iomraidhean Croise

Markos 12:44

Go gaa mos bhaibitukami bia tuminxi dai abhiadïrï maa ïgai. Dïï gia go oki soitigami mos arhi goka tuminxi biakatadai ixtukïdï oidakagi dai bïïxi tua ïgai— itïtïdai.

Markos 9:18

Go Diabora tïañikarui tomaxako dïbïrapi daitudaiña gin maara dai totostudai tïñidï dai kïkïrïntudai taatamudï. Mos kabakatudai tukugadï dai xibi ka ugitimi gubukarhigadï— itïtïdai. —Aagidi aanï gï mamaatïrdamiga sai bubaidana go Diabora tïañikarudï dïï ïgai mai ñako— itïtïdai ogadï kokoadï go Suxi.

Lukas 13:11

Dai ami dakatadai ïmo oki ix makïdï bhaibuxtama dan mamaakoba umigi abhiadïrï kokokatadai. Ïmo diabora tïañikarudï dakatadai ïgai ïrana dai tupixtudakatadai. Maiti ixtutuidikïi ïgai xi sïïrhiñdagi tukugadï toma lïïchi.

Lukas 13:16

¿Kaxkïdï mai ix ïr sïïrhi xi soiñagi aanï idi oki ïpï? Daiñi, go diabora ka burakami duu biakatadai idi oki bhaibuxtama dan mamaakoba umigi kokoadïkatai gobai. ¿Mai ix gï agai ix duadiagi gobai tomaxi ibhïxtaragai tasïrïkagi gobai? Ïmo pipiixaradï gobai go Abraamkaru ïpïan dukai aapimï di— itïtïdai.

Lukas 8:27

Dai ami oidakatadai ïmo kïïrhi biakami tïtïañikarudï diabora. Mui umigi mai kiiyïrï oidakatadai ïgai dai mai yukusukana. Nobai yaasakaru koidadï saagida oidakatadai ïgai tudu biakatai diabora tïtïañikarudï.

Lukas 8:42

Karhioga mutadai maradï kaxkïdï. Dai ïmadugatadai maradï go kïïrhi ïmo arhi oki parï bhaibuxtama dan goka umigi biakami. Dai Suxi oi go kïïrhi dai jaa mui odami oi ïpï dai asta gïixakami iimïi ïgai mos ïï muidukatai.

Lukas 8:44

Dai ami gasaagida imïitadai go oki dai gokiamadïrï ayi ïgai go Suxi dai mos taata yukuxidï bai ïradï gï ïïpitu.

VUAANA 9:1

Daidi no aimïraitadai Suxi dai tïï ïmo kïïrhi ix makïdï busaikai abhiadïrï mai nïayitadai.

VUAANA 9:21

Dïï mai maatï aatïmï ix dukatai duayi gobai nïadagadï dai tomarhi xorai duadi— itïtïdai. —Kaxi ïr kïïrhi gobai tudu. Tïkakabïrai aapimï ïgai nïidana sa tïna— itïtïdai dïïdïdï.

Hechos 3:2

Dai bïïx tasai ami dadaïjïiña ïmo kïïrhi ix makïdï arhidukatai abhiadïrï maiti ixtutuidikïiña xi aimïrdagi. Jaa odami ami kiupiïrï buapaiña go kïïrhi dai kuuparana Kïï Tiodikïdï agaikïdï abhai bipiaiña bai tanïna ïgai soiñi odami ix makïdï ami bapakïi.