Lukas 8:21 - Northern Tepehuan Bible

²¹ Daidi Suxi potïtïdai, —Aanï gin dïïdï dai gin susukurhi duu nïidi bïïxkatai ix makïdï ïïgida kaïkagi Diuxi ñokidï— itïtïdai.

Tepehuan Northern: Diuusi ñiooquidʌ utuducami oodamicʌdʌ

²¹ Dʌmos ʌSuusi potʌtʌdai: ―Sioorʌ caʌcagi Diuusi ñiooquidʌ dai ʌʌgiditai caʌcagi ʌgiava ʌgai daidʌ ʌrgiñdaada ducami ʌʌmadu giñsusuuculi ducami ―astʌtʌdai.

Lukas 8:21 Iomraidhean Croise

Mataibo 17:5

Dai kia ñokaitadai go Piduru bai ïmo ikomai iña ami xako daraja ïgai. Kabami kudaka maaxi ami go ikomai ïrana dai Diuxi ño abhai ikomai ïrañdïrï daidi itïi ïgai, —Idi Suxi ïr gin Maara dai kïïgakïrï oigïdai aanï. Kïïga bhai gin ïrhidi nïiditai gobai— itïi. —Gïn tïgito abïr kaï ñokidï ïgai tudu— ikaiti Diuxi go ikomai saagidañdïrï.

Mataibo 25:40

Dai potïdamu aanï ïgai, —Daiñi— tïdamu aanï. —Kïïga soikïiña aapimï jaa buaboitudadami. Soikïiña aapimï asta go buaboitudadami ix makïdï bamioma mai tïanïi tudu. Dai bïïxi aïkatai ixtumaxi ix makïdï idui aapimï soikïitai ïgai, bïïxi gobai aanï podukai nïidi sai aanï in bïïtarï iduitadai aapimï. Gobai kïïga ïr buaboi tudu. Po tïdamu aanï go buaboitudadami Reygadïkatai aanï— itïtïdai Suxi go odami.

Mataibo 25:45

Dai potïdamu aanï, —Idi ñoki ix makïdï gïn aagidamu aanï kïïga ïr buaboi. Daiñi, aidïxi maiti ipïrhi aapimï xi soikïdagi ïmadutai gin aaduñi, dai mai xudu tomaxi go bamioma mai tïanïdamikagi ïgai, ix maiti ipïrhi aapimï xi soikïdagi ïgai aanï podukai nïidi xi maiti ipïrhi aapimï xi gin soikïdagi tudu— tïdamu aanï.

Mataibo 28:10

Dai Suxi potïtïdai, —Maiti abïr duduadikuda aapimï oki. Mïïka abïr aagida gin aaduñi sai iimïna Galileamu. Ami gin tïigimu ïgai— itïtïdai.

Lukas 8:15

Dïï gia ix makïdï kïïgadukami dïbïriïrï surhi ïgai gia ïpïan dukami odami ix makïdï kïïgadu iibhïadï dai kïïga ïïgida kaïkana Diuxi ñokidï. Ïgai abhana gia aatabuayi Diuxi dai ibuayi naana maaxi kïkïïgadukami ïgaikïdï mos apia buaboitudaitai ïgai— itïtïdai Suxi mamaatïrdamigadï.

Lukas 8:20

Dai ïmadutai ix makïdï ami dakatadai potïtïdai go Suxi, —Gï daada ïmadï gï susukurhi kiidïañdïrï guka dai gï nïida ïrhidi— itïtïdai.

VUAANA 13:17

Kïïga maatï aapimï ix ïr buaboi go ñoki ix makïdï gïn aagidi aanï aagaitai sai gï agai ix pipioñi dukai gaatabuadagi aapimï gïn soikïitai aipakoga. Kïïga abïr ïïgiada go ñoki tudu sai kïïga bhai gïn ïrhiditai óídakana aapimï— itïtïdai.

VUAANA 20:17

Daidi go Suxi itïtïdai, —Maiti bhïbhïda gin tukuga, mai kia tïsai aanï mïïka xako daja gïr Oga— itïtïdai. —Bhaiyoma imi dai mïï aagida gin mamaatïrdamiga sai ka imïda iñagai aanï mïïka xako daja Diuxi gin Oga. Aagidañi sai Diuxi gin Oga ïr aapimï gïn Diuxiga dai aapimï gïn Oga ïpï— itïtïdai.

2 Korintios 5:16

Kïïga maatï aatïmï xibi sai Suxi Kristo muu bïïxi óídakami bïïtarï tudu dai kaxkïdï ka ïma dukai nïidi aatïmï óídakami dai mai xu ixdukatai nïidiña aatïmï ïkioma. Ka ïmai tïgibudagaikïdï nïidi aatïmï odami tudu dai mai xu xi go tïgibudadïkïdï ix makïdï go gaa oidigi daama óídakami oidiña. Dai xibi ka ïma dukai nïidi aatïmï Suxi Kristo ïpï. Ïkioma mai kïïgakïrï nïidiña aatïmï ïgai. Ïkioma nïidiña aatïmï ixdukai go ix makïdï mai buaboitudai nïidi tudu. Dïï xibi gia ka buaboitudakai aatïmï ka gïïpi ïma dukai nïidi aatïmï go Suxi.

2 Korintios 6:18

Aidï gia gïn nukadamu aanï gïn Ogakatai aanï Dai aapimï ïr gin maamarakamu aidï, ikaiti Gïr Nukadakami ix makïdï bïïxi adaama gubuka.

Santiago 1:22

Gï agai sai ïïgiada aapimï Diuxi ñokidï tudu dai mai xu mosïkaxi kaïka aapimï. Jaa gia mosïkaxi kaïkana Diuxi ñokidï dai mai kïïga tïgitokana ix kaiti dai mai ïïgidiña. Ïïgi gïn bupuirumadaiña ïgai pobuadatai tudu. Maiti gï agai ix po buadagi aapimï gin aaduñi.

1 Juan 2:29

Kïïga maatï aapimï sai Suxi Kristo kïïga buañixi ibhïadï tudu. Dai kaxkïdï gï maatï ïpï sai bïïxi óídakami ix makïdï kïïga buañixikami óídaga ïgai ïr maamaradï Diuxi ïpï ïpïan maaxkatai ïgai Suxi Kristo.

3 Juan 1:11

Aapi Gaiyo, gï oigïdai aanï dai maiti ipïrhidi aanï xi ïpïan buadagi aapi go Diotrefe. Maiti oijada aapi go soimaaxkami tudu dai bhaiyoma oijada ixtumaxi ïr kïïga. Gï tïgitoñi sai odami ix makïdï kïïga ibuayi kïïga mamaaxidi saidi ïr maamaradï Diuxi kïïga ibuadatai ïgai tudu. Dai go soimaaxi ibuadami gobai gia mamaaxidi sai mai urabaka ïgai Diuxi soimaaxi ibuadatai ïgai.