Lukas 8:1 - Northern Tepehuan Bible

¹ Dai bhodïrï aipakoga aimïraitadai Suxi dai aïjïiña xako kaburhi gukakana bhaabhaki dai gatïtïïgidiña ñoki. Aagaiña ïgai ix dukatai gatïanïi Diuxi. Dai go bhaibuxtama dan goka mamaatïrdamigadï oidiña aipakoga ïpï

Tepehuan Northern: Diuusi ñiooquidʌ utuducami oodamicʌdʌ

¹ Dai cadaivunucai imaasi ii ʌSuusi mui ʌʌmapʌcʌrʌ ami dʌvʌʌriʌrʌ dai gamamaatʌtuldimi Diuusi ñiooquidʌ dai isDiuusi soicʌi oodami sai cʌʌgacʌrʌ oidacana. Dai vʌʌ baivustaama dan gooca mamaatʌrdamigadʌ oidatucuitadai ʌSuusi.

Lukas 8:1 Iomraidhean Croise

Mataibo 11:1

Ga mamaakaitadai Suxi aatagi go bhaibuxtama dan goka mamaatïrdamigadï aidï. Dai kugaitu ïgai go aatagi dai jii abhiadïrï dai maigobai aipakoga gatïtïïgiditadai ïgai aatagi xako kaburhi guka kiiki ami Galilea munisipiïrï.

Mataibo 13:19

—Go ïxtokai ïr ïmo maaxidaragai dukai go bhai ïrhiaragai aatagi bïïtarï ix makïdï gïr maatïturhi ix maaxi aatabuayi Diuxi gatïanïitai ïgai. Dai go ïxtokai ix makïdï boi ugidïrï surhi ïr ïpïan dukami odami ix makïdï kïïga kaïkana go ñoki dïï go diabora maigobai dadasaiña go ñoki ibhïgadïañdïrï sai maiti ibuadana soiñi—.

Mataibo 4:23

Dai bhodïrï aipakoga jii Suxi ami Galileana. Bapakïiña ïgai kikiupaigadïrï go Judidiu dai ami gatïtïïgidi ïgai ñoki. Aagidiña ïgai odami go bhai ïrhiaragai ñoki aagiditai sai ka bhai otoma gatïanïda agai Diuxi. Podukai gamamaakaiña ïgai aatagi. Dai duduadaiña ïgai bïïxi go naana maaxi kokokoñiadï ïpï.

Mataibo 9:35

Aidïpïrï go Suxi aipakoga aimïraitadai daidi didibiditadai ïgai mui go gïgïr kiiki ïmadï aarhi kiiki ïpï ami Galilea munisipioana. Ami kiikiïrï aïjïiña ïgai kikiupaigadïrï go judidiu dai ami mamaakaiña ïgai aatagi aagaitai go bhai ïrhiaragai ix makïdï ikaiti sai toma gatïanïda agai Diuxi. Dai aipakoga duduadaiña ïgai bïïxi go naana maaxi kokokoñiadï ïpï.

Markos 1:39

Dai dïgabusai ïgai bïïxi xako ukami ajïi Galilea dai ami dibiji ïgai go judidiu kikiupaigadïrï. Ami gamaamakaimi ïgai ñoki dai bubaidimi Diabora tïtïañikarudï odamiañdïrï ïpï.

Lukas 1:80

Dai bhodïrï kïïdukai gïï go arhi Juan dai kïïga bhïiyi gubukarhigai ibhïgadïana. Dai gokiïrï ka gïrakai ïgai sai oidigana oidatu xako ïgiga oidigi. Ami oidatu ïgai asta xïïxkadï gï aaga tïtïgidi ïgai ñoki go Israelitas.

Lukas 20:1

Dai ïmo imidagai sai go Suxi gatïtïïgiditadai ñoki odami ami go gïï kiupiana. Ga aiturhitadai ïgai go bhai ïrhiaragai aatagi tudu. Bai go tïtïanïdamigadï go dadaxdadami ïmadï go tïtïgiadami sïïrhikami ïmadï bhaitï gukakamigadï go judidiu ami ayi buidïrï go Suxi

Lukas 4:18

Diuxi Ibhïadï gin ïmadï daja. Ïgai tudu gin maa sïïrhikami ansai aituldana go bhai ïrhiaragai aatagi go odami ix makïdï bamioma ïr soititigami. Gin otoi ïgai tudu ansai aagidana aanï ix makïdï maamaixapikan duu sai oidaga kïïgakïrï bubaidaragai ïgai bïïtarï. Dai gin otoi ïpï ansai nïadatudana odami ix makïdï mai nïadagan duu. Dai sai kïïgakïrï bubaidana aanï ix makïdï soi dukai óídaga soi buididitai jaa.

Lukas 9:6

Dai bhodïrï aipakoga iji ïgai dai bïïxi kiikiïrï gamaakaiña ñoki aagaitai go bhai ïrhiaragai aatagi dai duduadiña go kokokoñiadï. Aipakoga ajiopatadai go mamaatïrdamigadï Suxi aidï dai ibuadana aaduindadï ix dukatai gatïjaitadai go Suxi.

Hechos 10:38

Dai kïïga maatï aapimï ïpï sai Diuxi maa ïïgi Ibhïadï go Suxi ix makïdï ïr Nasaretïrï oidakami sai ïgai biakagi gubukadadï Diuxi Ibhïadï. Aipakoga aimïraiña go Suxi dai Diuxi Ibhïadï gubukadadïkïdï soi ïgai mui odami dai duduadi ïgai mui ix makïdï Diabora soi buididitadai. Diuxi ïmadï dakatadai go Suxi kaxkïdï pomaaxi ibuadana ïgai— itïtïdai Piduru.

Hechos 13:32

Dai aatïmï gïn aagidimi ïmo bhai ïrhiaragai aatagi aapimï judidiu gïn bïïtarï dai ix makïdï maiti ïr judidiu bïïtarï ïpï. Daiñi, Diuxi aagidi ïmo ñoki gïr aaduñi ïïki,

Romanos 10:15

¿Dai dukatai imïna ïmadutai dai mïï aagidagi ix mai tipukagi xorai gaotosdagi? Kaxkïdï tudu Diuxi ñokidï pokaiti aidï, Gia xigiamaaxi odami ix makïdï buapai go bhai ïrhiaraga aatagi, ikaiti Diuxi ñokidï.