Lukas 7:19 - Northern Tepehuan Bible

¹⁹ Dai kaïkai go Juan ixtumaxi ibuadana go Suxi sai báí ïgai goka mamaatïrdamigadï dai aagidi sai mïï tïkakana go Suxi sa bhai ïgai ïr otosadï Diuxi ix makïdï nïnïrakana ïgai xiïpï xi gï agaitadai xi nïnïrakagi sai dibiana ïmai kia.

Tepehuan Northern: Diuusi ñiooquidʌ utuducami oodamicʌdʌ

¹⁹ Dai ootoi siaaco daacatadai ʌSuusi sai tʌcacana sabai ʌgai sʌʌlicʌdʌ ʌrʌCristo ismaacʌdʌ viaacatadai isdiviagi sabai gʌaagai isnʌnʌracagi ʌmai.

Lukas 7:19 Iomraidhean Croise

Genesis 22:18

—Kaxi ïïgidi gin kaï aapi xi Kaxkïdï gï piipixarakïdï maakimu aanï ïmo bhai ïrhiaragai abhana bïïxi oidigi dama oidakami— itïtïdai Gïr Nukadakami.

Genesis 3:15

—Dai gïn bupuidïrï gïn surhitudamu aanï aapi kooyi ïmadï go oki dai modukai gïn maamara xi gïn kïïdada agai aapimï aipakoga. Ïmoko go oki maamaradï kïixora agai gï moo pai aapi kïimu tïkabodï— itïtïdai Diuxi go kooyi.

Isa 11:1

Ïmo uxi guikutikami daitudikami ipoñi ka agai ïpamu sonodïañdïrï. Go Isaí uxi sonodï gï dukamikana ïki abhiadïrï mukiadïkatai ïgai. Dai piipixaradïañdïrï oidaka agai ïpï ïmo ipuadï dukai ix makïdï ïr utudukami Rey ka agai.

Isa 7:14

Po tïtïdai ïgai sai, —Gïr Nukadakami gïn maaki agai aidï ïmo maaxidaragai ixtukïdï maatïkagi aapimï xi ïgai iduñi agai ix dukatai gïn aagidi ïgai ïïki. Gïn aagidamu aanï ix tumaxi ïgai daidi ïr maaxidaragai ka agai. Ïmo tïji ix makïdï mai kia abhana boo kïïrhi tïïgi agai ïmo arhi gïrhi abhana. Gobai ïgai dai maaxidaragai ka agai. Dai ka dibiakai ïgai Emanuel tïïtï agai— itïtïdai Isaias go Israelitas.

Miq 5:2

Diuxi ikaiti, —Chïkioma go Belen Efrataïrï óídakami xi bhai jaa kiikiïrï óídakami Judeïrï. Dïï tomax chïkidu ïgai bïïxkïrï abhaxdïrï kïkiba agai ïmo bhaitï kïakami ix makïdï tïanïda agai go Israelitas gin bïïtarï. Go ix makïdï kïkiba agai ïr pipiixaradï ka agai go ix makïdï ka bïïxkïrï abhiadïrï, toma xïï ïki gï tïgitokagi ïmoko, kia ïkioma abhiadïrï kaxi ïr oidakamikana ïgai— ikaiti Diuxi.

Markos 6:7

Bhodïrï báí ïgai go bhaibuxtama dan goka mamaatïrdamigadï, dai aipako otoi gogokatai. Dai maa gubukadagai xi bubaidana Diabora tïtïañikarudï odamiañdïrï.

Lukas 10:1

Daidi gokiïrï ïko bubaitu Suxi ïpï baikobhai dan bhaibuxtama mamaatïrdamigadï dai bhaitïki otoi bïïxi go gïgïr kiikiamu dai bïïxi go ïïmapïkïrï xakoga imi agai ïgai gokiïrï. Gogokatai otoi ïgai.

Lukas 11:1

Ïmo imidagai sai no xibhïkai dakatadai Suxi dai gaatagataidai Diuxi ïmadï. Daidi naato aatagakai ïgai bai ïmadutai go mamaatïrdamigadï potïtïdai, —Aapi gïr mamaatïtuldiadamiga, go Juan maatïturhi mamaatïrdamigadï ix dukatai daanïdagi ïgai Diuxi dai aatïmï maatia rïrhidi ïpï. Gïr maatïtuldañi tudu ix dukatai daanïdagi aatïmï— itïtïdai.

Lukas 11:39

Daidi go Suxi aagidi ïmo ñoki aagaitai iibhïadï go fariseos dai potïtïdai, —Aapimï fariseos kïïga ïïgiada ïrhidi gïn bituldaraga dai kïïga bakuanai asta gïn ajasokorhi daamanagadï ïïgiditai gobai. Dïï gia ïpïamaaxi aapimï ïmo asokorhi xiïpï ïmo tasa ix makïdï kïïga buañixika maaxi daamanagadï dïï gia tukuraga ïrabiadïrï. Kïïga buanai aapimï gïn tukuga tudu ïïgiditai gïn bituldaraga dïï gia tukuraga gïn ibhïdaga kia mukimudadï tutiakatai aapimï dai biakatai aapimï naana maaxi soimaaxi tïgibudagai gïn ibhïdagïrï.

Lukas 12:42

Dai Suxi potïtïdai, —Go ñoki gobai ïr toma xorai bïïtarï ix makïdï ïr pipioñikagi duu kïïga ïïgidarakan tuigakami dai biakami kïïga tïgibudagai. Daiñi, ïmo ga amu ix makïdï muidukagi pipioñigadï xïxkadï xibhï imi agadagi gaagaiña ïmo pioñigadï ix makïdï kïïga ïïgidarakagi dai ix makïdï kïïgadu tïgibudadï. Dai tïïgakai ïgai ïmoko pomaaxkami nukaturhiña ïgai go gaa pipioñi sai nukadakana ïgai dai sai bhibhidiña xïïxkadï gï agadagi— itïtïdai.

Lukas 13:15

Dai Suxi potïtïdai, —Agia pupuiruga aapimï. Pokaiti aapimï sai maiti gï aagai xi soiñagi ibhïxtaragai tasïrï— itïtïdai. —Kïïga ibuadami gïn dadasai ïïgi aapimï dai maiti ïr buaboi. Pokaiti aapimï sai maiti gï agai xi duadiagi ïmo kokoadï ibhïxtaragai tasïrï. Dïï gia, ¿Aapimï ix bhai xi mai upasaiña ïmo gïn soiga bopoixi xiïpï gïn soiga axñitu ix makïdï no xibhï bupurakagi sai yïïdana sudagi? ¿Bhai ix mai pobuadana aapimï tomaxi ïr ibhïxtaragai tasïrïkagi? Xadïrï mai upasaiña aapimï di.

Lukas 17:5

Dai go ojotosadï Suxi potïtïdai, —Gïr soiñañi sai bamioma kïïga buaboitudana aatïmï— itïtïdai.

Lukas 17:6

Daidi Suxi potïtïdai, —Daiñi— astïdai. —Tomaxi mosïkaxi ïpïan ïxi buaboitudagi aapimï ix xïiduru ïmo korabi kaidï. Tomaxi pokaxi buaboitu aapimï bhaigakamu aapimï xi potïdagi ïmo gïï uxi sai ïïgi gï takopigana dai go gïï sudagiïrï gïsïna bai go uxi gïn ïïgidamu— itïtïdai.

Lukas 18:6

Gïn tïgitobïrai ix tuma dui go dunukami tudu. Daiñi, tomaxi mai xadutudai ïgai Diuxi bïïxkïrï soi ïgai go oki dai idui ixtumaxi ïr sïïrhi ïgai bïïtarï dudatai taanïkai ïgai.

Lukas 19:8

Dïï gia go Zakeo kïkiba ami bïïxkatai buitapi daidi potïtïdai ïgai go Suxi, —Daiñi aapi gin Tïanïdamiga, maaki iñagai tajukami gin buxtuidaga go soititigami. Dai bïïxi go tuminxi ix makïdï gaïïxidiña aanï buirmadatai aanï odami, gobai aa noraidamu aanï ïpamu. Xibi aanï aagai sai maakobako bamioma aa noraidamu aanï ix makïdï gaïïxidi aanï— itïtïdai.

Lukas 22:61

Daidi go Suxi bui nïnïaba go Piduru aidï. Daidi go Piduru gï tïgito ix tïtïdaitadai Gïr Nukadakami ïgai, sai ïkioñdïrï aagiditadai sai mai kia kujukai takuku sai baikako mai maaxi aaga agai ix maatï.

Lukas 24:34

Dai ami ïmpaiñdaragïrï ikaititadai go ojotosadï Suxi, —Kïïga ïr buaboi sai duaka Gïr Nukadakami. Gï maaxitu ïgai go Ximuñi buitapi tudu— ikaititadai.

Lukas 7:13

Dai soi gïlda tïï Suxi go oki aidï daidi potïtïdai, —Aapi oki, maiti suakada— itïtïdai.

Lukas 7:20

Taidi iji ï goka mamaatïrdamigadï Juan dai mïï ayi xako dakatadai Suxi daidi potïtïdai, —Go Juan ix makïdï bapakonai odami gïr otoi tïsai gï tïkakana sa bhai aapi ïr go gïï bhaitï kïakami ix makïdï ïki abhiadïrï nïnïraka aatïmï. Sa bhai aapi ïr go otosadï Diuxi tudu. Xiïpï xi gï agai xi nïnïrakagi aatïmï ix dibiagi kia— itïtïdai.

VUAANA 11:2

Idi ïr go baaxi Maria ix makïdï gokiïrioma toi asaiti xigian ubadami ïïkasodï Suxi dai ïïgi gï kuupakïdï gakigi oigïdaitai.

VUAANA 4:1

Daidi aidïpïrï mui odami urabaimitadai go Suxi dai Suxi mamaatïrdamigadï gabapakonaiña ix makïdï urabaiña. Dïï Suxi mai bapakonaitadai tomarhi ïmadutai. Daidi go fariseos ix makïdï bia ïkobai gïn buaboidaraga ïgakoi daidi ikaiti, —Daiñi xïï mui odami urabaimi go Suxi. Tomarhi go Juan mai po kaxi bapakonai odami ix xïïxi gabapakonai go Suxi— ikaitiña ïgakoitai. Dïï maiti ïr buaboi sai go Suxi gabapakonaitadai odami. Bhaiyoma mosïkaxi mamaatïrdamigadï ïgai dai gabapakonaiña.

VUAANA 4:25

Daidi go oki itïtïdai, —Aanï kïï maatï sai dibiagai ïmo Otosadï Diuxi ix makïdï ïr go Ga Tïanïdami ka agai. Dai ïgai gïr maatïtulda agai bïïxi aïkatai dibiakai— itïtïdai.

VUAANA 6:23

Daidi sai gokiïrï ayi jaa barko xibhïadïrï iimïdami xako Tiberias tïgidu ïmo kiiki. Ayi go barko ami xako darakatadai go odami kia, xako takabioma Suxi aagiditadai Diuxi xïï bhai gï ïrhidi go panakïdï tudu dai xako bhibhi ïgai go odami.

Apokalipsis 11:3

Go Jerusalen ïgai daidi ïr gin tuixiki dukai tudu dai dagitomu aanï xi ïmo mirhi dan goka ciento dan baikobhai tasai gatïanïdagi go mai judidiu ami. Dïï gia otosamu aanï goka kïkïïrhi dai maakimu aanï gubukarhigai sai aagana gin ñoki ami. Dai ix xïïki tasai gatïanïdagi go gaa odami ix makïdï maiti ïr judidiu ami Jerusalenïrï po kaaki tasai maakimu ñoki gin ojotosa. Dai gin ojotosa soi gïn ïrhiadamu nïiditai ixtuma buayi go mai judidiu ami dai gïn aadatikamu ïgai soimaaxi yukuxi kostarhi duñixikami soigamukatai— in tïtïdai Diuxi.