Lukas 5:20 - Northern Tepehuan Bible

²⁰ Dai nïiditai Suxi xïï kïïga buaboitudai ïgai sai potïtïdai ïgai go kokoadï, —Aapi kïïrhi, ka oigïrhikami bii gï soimaaxkamiga— itïtïdai.

Tepehuan Northern: Diuusi ñiooquidʌ utuducami oodamicʌdʌ

²⁰ Dai aidʌsi tʌʌ ʌSuusi siʌʌsi vaavoitudaitadai ʌgai, potʌtʌdai ʌgai ʌcoocoadʌ: ―Giñaduñi gʌsoimaascamiga caoigʌldi ―astʌtʌdai.

Lukas 5:20 Iomraidhean Croise

Genesis 22:12

—Maiti soi doada go gï ïrhi— itïtïdai go Nukadakami. —Kaxi aant nïidi ix kïï ïïgidi aapi dai kïïgakïrï xadutudai aapi Diuxi— itïtïdai. —Ka bhai aa aapi bïïxi xi gin urhiñagi gï maara tomaxi mos arhi ïmaduga ïgai— itïtïdai.

Mataibo 9:2

Dai go óídakami ïmo baakoxiana buapi ïmo kïïrhi ix makïdï mai oiñïitadai tukugadï. Daidi gï tïgito nïidi Suxi xïï kïïga buaboitudai ïgai ami buapakai ïgai go kokoadï daidi potïtïdai ïgai go kokoadï, —Maiti soi gïlda aapi kïïrhi— itïtïdai. —Kaxi gï oigïrhi aanï bïïxi go soimaaxkami ix makïdï ibuadana aapi— itïtïdai.

Mataibo 9:5

¿Mai ix pokaitiña aapimï sai xorai biakagi gubukarhigai ix duadiagi ïmo kokoadï ix makïdï mai oiñïdagi tukugadï sai ïgai bia gubukarhigai ïpï ix oigïldagi soimaaxkamigadï?

Markos 2:5

Dai aidïxi Suxi tïï xïï kïïga buaboitudai ïgai, potïtïdai ïgai go kokoadï, —Sogigi aapi— itïtïdai, —Ka bïï buañixikami bii gï ibhïdaga ix makïdï soimaaxi ibuadana aapi— itïtïdai.

Lukas 7:48

Dai bhodïrï potïtïdai Suxi go oki, —Diuxi kaxi gï oigïrhi gï soimaaxkamiga— itïtïdai.

VUAANA 2:25

Suxi kïïga maatï bïïxi aïkatai kaxkïdï tudu mai agai ïgai xorai aagidagi tïgibudadï odami.

VUAANA 5:14

Dïï gia gokiïrï Suxi tïï go kïïrhi nobai go gïï kiupiana Jerusalenïrï kïakïdï daidi itïtïdai tïïgakai, —Aapi kïïrhi, ka duayi aapi. Ka maiti soimaaxi ibuada tudu xibi bhaitiakoga, tadu gï ayi ïmo gïdukamioma soimaaxi— itïtïdai.

Hechos 11:23

Ayi go Bernabe Antiokiïrï dai kïï bhai gï ïldatu nïiditai xi Diuxi kïïgakïrï nïiditadai go buaboitudadami ami. Dai abïnaki ïgai go buaboitudadami xi ïgai gupurtudana gïn iibhïdaga sai apia oijadana ïgai Gïr Nukadakami.

Hechos 14:9

Dai ïgai dakatai kaïkatadai aatagidï Pabora. Daidi go Pabora gï tïgito tïï ix buaboitu ïgai ix Diuxi ixtutuidikïi xi duadiagi.

2 Korintios 2:10

Dai kaxkïdï kïïga buaboitudai aanï saidi gin ïïgiada agai aapimï xibi ïpï daidi oigïlda agai aapimï go soimaaxi ibuadami. Aanï ka oigïrhi ïpï maatïkatai sai aapimï oigïldamu. Aanï bia ïmo sïïrhikami Suxi Kristo amadïrï dai ka oigïrhi aanï go soimaaxi ibuadami tudu. Kaxkïdï gï agai ix oigïrhiada aapimï ïpï. Aanï ka oigïrhi buamï in ïrhiditai aapimï gïn bïïtarï tudu.

Kolosenses 3:13

Dai kïïga abïr gïn kabakada xïïxkadï soi gïn buidadagi ïgai daidi abïr oigïldada. Gï agai xi oigïldagi aapimï ix makïdï soi gïn buidadagi ïpïan dukai ix dui Suxi Kristo aidïxi gïn oigïrhi gïn soimaaxkamiga tudu.

Santiago 2:18

Daiñi, kïï bhaiga ïïmo odami ix pokaitadagi sai, kïïgakïrï bubuaki agaiña ibuadatai naana maaxi kïkïïgadukami aaduindagai. Dai jaa ikaitiña sai kïïgakïrï bubuaki agaiña mos kïïga buaboitudaitai. ¿Dai dukatai gï maatïkana ix bhai buaboikïdï buaboitudai ïgai ix maiti ibuadagi ïgai ixtumaxi kïkïïgadukami? Dïï gia aanï ikaiti sai aanï gia ibuayi ixtumaxi ïr kïïga dai podukai maaxitudai aanï jaa buidïrï sai kïïga buaboitudai aanï. Pobuayi aanï tudu.