Lukas 3:1 - Northern Tepehuan Bible

¹ Xibi ojamu aanï ix dukatai gï aaga aatadui go Juan. Aidïxi pogïdui ixtumaxi gï aagidamu aanï aidï go kïïrhi César Tiberias kaxi ïr dunukamikatadai bhaibuxtama dan taama umigi amïka Romïrï. Dai aidï go Poncio Pilato ïr kaigikatadai Judeïrï dai go Herodes kaigitadai Galileïrï. Aidï go Herodes sukurhidï Felipe tïgidukïdï ïr kaigikatadai xako Itureïrï dai Trakoniteïrï tïgidu oidigi. Aidï ïpï go Lisinias kaigikatadai Abiliniana

Tepehuan Northern: Diuusi ñiooquidʌ utuducami oodamicʌdʌ

¹ Aidʌsi ʌTiverio Sesara ʌrʌgʌʌ baitʌcʌaacamicatadai Roomʌrʌ. Cabaivustaama dan taama uumigi daacatadai ʌgai, vaidʌ Ponsio Pilaato ʌrcaigicatadai Judeeʌrʌ, vaidʌ Eroodʌsi ʌrcaigicatadai Galileeʌrʌ, vaidʌ ʌPiili Eroodʌsi suculidʌ ʌrcaigicatadai Itureeʌrʌ ʌʌmadu Traconiitʌrʌ, vaidʌ Lisaaniasi ʌrcaigicatadai Aviliiñiʌrʌ,

Lukas 3:1 Iomraidhean Croise

Mataibo 14:1

Aidïpïrï go Herodes ïr reykatadai Galilea munisipioana. Dai kajioma ïgai saidi Suxi ibuadana naana maaxi maaxidaragai.

Mataibo 14:3

Go Herodes ka ïïkioñdïrï aidïxi kia oidakatadai go Juan gatïjaitadai mïsai bhïna ïgai dai sai burana kadenakïdï dai sai maixana. Ïmo oki Erodiaxi tïgidukami ïr duñidï gobai. Go oki ïgai ïr oñigadïkatadai Pirhi ix makïdï ïr sukurhidï go rey Herodes. Dai go rey gaïïxiditadai dai ïmadï bitadai go oñigadï go sukurhidï. Ïmadï bitadai ïgai go Erodiaxi tudu.

Mataibo 14:6

Dïï gia gokiïrï ayi tasagadï go rey Herodes dai idui ïgai ïmo bagimi. Dai ïmo arhi oki gatudai ami bagimiana. Maradï ïgai go oki Erodiaxi ix makïdï ïmadï dakatadai go rey. Daidi go rey ïmadï go gaa ix makïdï ami bagimiana darakatadai ojoida tïï go arhi oki.

Mataibo 22:17

—Kaxkïdï gï tïkaka rïrhidi ïmo ixtumaxi— itïtïdai. —¿Bhai ix ïr sïïrhi xi tïïgidagi aatïmï go kuota ix makïdï gïr tanïi go gïï dunukami César tïgidukïdï?— itïtïdai. —¿Gï agai xi ix tïïgidagi aatïmï go kuota, cho xia?— itïtïdai ïgai go Suxi.

Mataibo 27:2

Dai bhodïrï burhikami bhïkai ïgai go Suxi dai mïï tïïgi ïgai Pilato. Go Pilato ïr kaigikatadai aidï ami Judea munisipiïrï.

Markos 6:17

Go Rey ïïkioma gatïjaitadai mïsai bhïna go Juan dai sai maixakarui ïrana burana kadenakïdï. Ïmo oki Erodiaxi tïgidukami ïr duñidï gobai. Go oki ïgai ïr oñigadïkatadai go Pirhi ix makïdï ïr sukurhidï go Rey Erodïxi. Dai go Rey ïxi ïïgi sukurhi oñigadï dai ïma bii.

Markos 6:21

Dïï tomax dukai go oki Erodiaxi ïmo imidagai gia tïï ixdukatai muagi go Juan. Ïmo imidagai tasagadïkatadai go Rey tai idui ïgai ïmo bagimi daidi gatïjai duñaragai kïïgadukami kuadagai dai baapa sonoïrï gukakamigadï dai bhaitï gukakami sandarugadï ïmadï jaa gïn bipidakami Galileïrï óídakami.

Lukas 13:31

Dai aidï tasïrï ami ayi chïki fariseo ami xako dakatadai Suxi daidi potïtïdai, —Imimudai aapi tabhiadïrï— itïtïdai. —Gï mua ïrhidi go dunukami Herodes— itïtïdai.

Lukas 2:1

Dai aidïpïrï go Augusto ïr go gïï dunukamikatadai Romïrï. Dai ïgai tïjai go sonoïrï gukakamigadï sai ïkaldana bïïxi go óídakami xako ukami gatïanïitadai ïgai oidigi dai sai ojana tïtiaradï bïïxkatai ïgai.

Lukas 23:24

Poduu bhai aa ïgai sai maaki agai gïgïbidaragai go Suxi ix dukatai táí go óídakami.

Lukas 3:19

Dai go Juan maa ñoki go dunukami Herodes tïgidukami ïpï dai bhagaidi ïmadï dakatai ïgai ïïgi noxidï. Go Herodes ïmadï dakatadai Herodiaxi tudu ix makïdï ïr oñigadïkatadai sukurhidï. Dai ïpï jaa naana maaxi soimaaxkami ibuadana go Herodes ïpï xi kaxkïdï bhagakarai go Juan.

Lukas 9:7

Dai aidï ïmo kïïrhi Herodes Antipas tïgidukami dunukamikatadai Galileana. Dai kajioma ïgai ix tumaxi buadana Suxi ïmadï mamaatïrdamigadï dïï mai ïxitudai go Herodes xorai go Suxi. Jaa pokaitiña saidi ïgai ïr go Juan dai sai gï duakatu ïgai ïpamu. Kaxkïdï mai tïtïgaitadai go Herodes ixtumaxi gï tïtïgitoagi kaïkatai aatagi Suxikïdï. Naana dukai aagaiña odami aagaitai Suxi tudu.

Hechos 23:26

—Aanï ïr Klaudio Lisias dai gï otoxdi idi ojai. Kïïga gï xadutudaitai gï biaturhi aanï aapi gïï dunukami.

Hechos 24:27

Podukai aitu Pabora goka umigi maixakaruïrï. Daidi bhodïrï go Felix gatïïgi gï sïïrhikamiga mïtai dáí ïmai ix makïdï Porcio Festo tïgidu. Dïï mos mai kia gatïïgidakai go Felix ipïrhiditadai ix go judidiu kïïgakïrï gï nïijadagi xi kaxkïdï anaaxi maixakaruana biatadai ïgai go Pabora.

Hechos 26:30

Daidi bhodïrï kïkiba go Rey ïmadï Festo dai go oki Berenice ïmadï bïïxkatai ix makïdï ami darakatadai.

Hechos 4:27

Dai go buaboitudadami apia daanïi Diuxi daidi ikaiti, —Xibi ka buaboi busai ñokidï go Dabidkaru. Xibi tanai Jerusalenïrï gïn ïmpagi Erodïxi ïmadï Poncio Pilato ïmadï judidiu dai jaa ix makïdï maiti ïr judidiu ïpï. Ïgai buidïrï surhi gï maara Suxi tomaxi ïgai mos ïr ïïgidadami aapi Diuxi dai aapi dáí go Suxi saidi ïr Gïr Bhaitï Kïakamigakana.