Lukas 23:6 - Northern Tepehuan Bible

⁶ Dai kaïkai go Pilato ix tïtïdai go kïkïïrhi daidi gatïkakai, —¿Galileañdïrï ix oidakami go Suxi?— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁶ Dai aidʌsi caʌ ʌPilaato imaasi gatʌcacai sabaigʌ ʌrGalileeʌrʌ oidacami ʌcʌʌli.

Lukas 23:6 Iomraidhean Croise

Mataibo 26:69

Daidi Piduru maigo tuixikiana dajatadai dai ami dibia ïmo kuxnirugadï go tïanïdamigadï go dadaxdadami. Dai tïï ïgai go Piduru daidi potïtïdai, —Aapi ïpï ïmadï aimïraiña ïrhi aanï go Suxi ix makïdï ïr Galileañdïrï oidakami— itïtïdai.

Lukas 13:1

Dai amaxi ami dada chïki kïkïïrhi dai aagidi go Suxi sai go dunukami Pilato tïgidukïdï koi chïki kïkïïrhi go gïï kiupiïrï Jerusalenana. Galilea munisipiañdïrï óídakami ïgai ix makïdï gïn koditu. Gadadaxditadai ïgai buxtaki Diuxi xi amaxi koi go Pilato dai ïradï gï bïïnagi go buxtaki ïradï ix makïdï gadadaxditadai ïgai.

Lukas 23:5

Dïï go odami bamioma gïgïr aagidi daidi potïtïdai, —Ga mamaakai gobai aatagi bïïxi aipakoga tami Judeïrï dai abïnakidi óídakami sai bui surhigïna go gïï dunukami. Galileïrï gï aaga gamamaakaiña gobai ñoki dai xibi ka ayi gobai asta tami Jerusalenana ukami— itïtïdai.

Lukas 23:7

Dai go gaa potïtïdai sai ïjï, sai Galileañdïrï oidakami ïgai xako gatïanïi go dunukami Herodes Antipas tïgidukïdï. Xi kaxkïdï go Pilato potïtïdai go odami sai baidakana go Suxi amïka xako daja go Herodes. Aagidi sai Herodes ïmadï bhai buadana ïgai bhaiyoma. Ami Jerusalenïrï dakatadai go Herodes aidï.

Hechos 5:37

Dai gokiïrï oidakatadai ïmai kïïrhi pomaaxkami ïpï. Ïgai oidakatadai aidïxi dudunukami ïkalditadai óídakami. Dai ïgai Udaxi tïgidukana. Galileana oidakamikatadai ïgai. Dai abïnaki ïgai mui odami sai bui surhigïna go gobierno. Daidi ïgai gï muatu ïpï bai bïïxkatai ix makïdï oidatukïitadai bïïxi aipakoga iji ïpï.