Lukas 22:38 - Northern Tepehuan Bible

³⁸ Dai mamaatïrdamigadï potïtïdai, —Gïr Nukadakami, tami daraka goka mamaaxtai— itïtïdai. Dai Suxi potïtïdai, —Gokïdï ka kïïgadu— itïtïdai.

Tepehuan Northern: Diuusi ñiooquidʌ utuducami oodamicʌdʌ

³⁸ Tai ʌgai potʌtʌdai: ―Mamaatʌtuldiadami, tami vʌʌtʌ gooca mamaastai ―astʌtʌdai. Tai ʌgai aa noragi dai potʌtʌdai: ―Cascʌdʌ ―astʌtʌdai.

Lukas 22:38 Iomraidhean Croise

Mataibo 26:51

Dai ïmadutai ix makïdï ami kïakatadai go Suxi ïmadï busaitu maxtaigadï dai guikuta naakadï ïmoko go ix makïdï bhïitadai go Suxi. Ix makïdï gabhïiyi ïr pioñigadï go bïïxi adaama gatïanïdami dadaxdadami.

Lukas 22:36

Dai Suxi potïtïdai, —Daiñi, xibi gia soi dukai gïn nïijadamu óídakami dai kaxkïdï xibi abhiadïrï bhaitiakoga ka ïma dukai gï agadamu xi ajiopadagi aapimï. Xibi ix biakagi aapimï tuminxi gï agai ix bhïkia aapimï ïmadï gïn morarhiga. Dai xorai mai biakagi ïmo maxtai sai gagarana ïmo baasaradï dai sabïdana ïmoko.

Lukas 22:49

Daidi go mamaatïrdamigadï go Suxi potïtïdai aidï, —¿Gïr Nukadakami, agai pïxi xi bui surhigia aatïmï ïgai gïr mamaaxtaigakïdï?— itïtïdai.

VUAANA 18:36

Dai Suxi itïtïdai, —Aanï gin gubukadaga mai ïpïamaaxi go gaa Reyes ix makïdï oidaga tami oidigi daama. Ix pomaaxi gatïanïdamudai aanï ix maaxi gatïanïi ïgai aidï gia gin mamaatïrdamiga maiti dagitomudai ix gin bhïiyagi go sandadaru dai bhaiyoma bui surhigimudai. Dïï gia aanï gin gubukadaga ïma maaxi. Mai ïpïamaaxi gatïanïi aanï go gaa Reyes ix makïdï oidaga tami idi oidigi daama— itïtïdai.

1Tesalonicenses 5:8

Dïï mai podukai óídaga aatïmï. Tasïrï dukai óídaga aatïmï bhaiyoma. Kaxkïdï gï agai xi kïï sïïrhi gïr tïgitokagi aatïmï biakatai gïr buidïrï kaatïkami ix makïdï ïr go diabora. Gï agai ix apia buaboitudada aatïmï Suxi Kristo dai ix oigïdada ïgai ïmadï jaa ïpï. Gobai gïr soiñamu go diabora bui ïpïan dukai xi ïmo baiñomi nagiakarui soikïi ïmo sandaru kokodiïrï. Dai gï agai ïpï xi kïïga buaboidaitai nïnïrakagi aatïmï maatïkatai sai Suxi Kristo kïïgakïrï gïr bubiadamu. Kaxkïdï tudu gïr nïnïraragai ix makïdï bia aatïmï maatïkatai sai kïïgakïrï bubuakimu aatïmï gïr soiñamu sai mai soi gïr buidadagi go diabora. Gïr soiñamu gobai ïpïandukai xi ïmo kasko soikïi ïmo sandaru kokodiïrï.

1 Pedro 5:9

Kïïga kabakami abïr gukada tudu kïïga buaboitudaitai dai podukai abïr buidïrï gukada go diabora. Dai gïn tïgitobïrai ïpï sai jaa buaboitudadami aipakoga oidigi daama óídakami gïn ïpïandukai soimaaxi taatamai ïpï dai mai xu mosïkaxi aapimï.