Lukas 2:37 - Northern Tepehuan Bible

³⁷ Podukai ïïgi bii ïgai dai ka maita gaïmadï bii ïpamu. Xibi ka biakatadai ïgai maakokobhai dan maakoba umigi dai ami go gïï kiupiïrï dakana ïgai bïïx tasai modukai tasïrï dai tukarï. Dai dudatai mai dïdïïkaiña ïgai kuadagai xadutudaitai Diuxi dai daanïitai.

Tepehuan Northern: Diuusi ñiooquidʌ utuducami oodamicʌdʌ

³⁷ Dai aidʌ camaaco coobai dan maacova uumigi viaacatadai. Dai vʌʌs tasai maitacuaadatai aimʌraiña ʌgai ʌgʌʌ quiuupaigadʌamu ʌjudidíu dai daanʌiña Diuusi sai soicʌiña dai siaa duutudaiña Diuusi.

Lukas 2:37 Iomraidhean Croise

Lukas 5:33

Dai ïmo imidagai go odami gatïkakai go Suxi dai potïtïdai, —Aapi Suxi, go mamaatïrdamigadï Juan arhiïxi mai kuadatai daanïiña Diuxi dai go mamaatïrdamigadï go fariseos pobuayi ïpï. Dai aapi gï mamaatïrdamiga kïïga kuayi gadaanïitai. ¿Ix tuixi mai ïpïan buayi ïgai go gaa?— itïtïdai.

Hechos 13:3

Daidi go buaboitudadami gadaañigi Diuxi mai dïïkakai kuadagai dai bhodïrï darai ïgai noonobidï daama go Bernabe ïmadï Saulo daidi ka otoi sai iimïna dai gaatabuada.

Hechos 14:23

Dai bïïxi aipakoga xako gïn ïmpaidiña buaboitudadami go Pabora ïmadï Bernabe darai bhaitï gukakami bai ïgai nukadakana go buaboitudadami. Dai kaxi po duñakai ïgai sai bhodïrï gadáí ïgai Diuxi go buaboitudadami bïïtarï mai dïïkai kuadagai. Daidi itïtïdai ïgai Diuxi, —Aapi Diuxi ïr nukadakami ka agai idi buaboitudadami— itïtïdai ïgai daanïitai.

Hechos 26:7

Daiñi aapi Rey, aatïmï judidiu ïr piipixaradï go bhaibuxtama dan goka maamaradï Israelkaru. Dai bïïxkatai aatïmï kïïga xadutudai Diuxi tasïrï dai tukarï ïpï. Mos nïnïraka aatïmï xi ïgai gïr duakatuldagi ïpamu xïxkadï koiyagi aatïmï. Aanï tudu nïnïraka podukai ïpï xi gin duakaldagi Diuxi mukukai aanï dai gokïdï gïpiïrï gin bupai go judidiu— itïtïdai.

1 Tomoteo 5:5

Daiñi, bipiudu ix makïdï mai bia xorai soikïdagi dai ix makïdï daanïi Diuxi bïïx tasai nïnïrakatai sai Diuxi soiñana ïgai gia kïïgakïrï ïr bipiudu. Ïgai gï agai xi soikïdagi aapimï.

Apokalipsis 3:12

Daiñi, xorai maitiagi go soimaaxi bui bïïxkïrï bïïtarï óídaka agai kiidïrï gin Diuxiga. Ka mai maigobai iimimu ïgai abhiadïrï. Ix xïïxi kabakami guka sasarakami kiidïrï Diuxi pokaxi kabakami gukakamu ami odami ix makïdï maitiagi soimaaxi bui ïpï. Ami Diuxi kiidïrï tutusamu aanï odami ix makïdï maitiagi soimaaxkami bui tudu sai ka mai tipukana ixdukatai bubaidagi abhiadïrï. Dai kokobadïrï ojamu aanï tïtiaradï gin Diuxiga dai tïtiaradï go gïï kiiki xako oidakami Diuxi ïpï. Gobai ïr go utudui Jerusalen ix makïdï tïbañimu tïbagiañdïrï. Dai ojamu aanï go utudui tïtiaragai ix makïdï biakamu aanï aidï ïpï.

Apokalipsis 7:15

—Kaxkïdï xibi Diuxi daikarudï buidïrï daraka gobai kïïga buaboidaitai. Dai ami Diuxi kiidïrï mai dagitokai xadutudai ïgai Diuxi modukai tasïrï dai tukarï. Dai Diuxi kïïga nukadakamu ïgai.