Lukas 16:25 - Northern Tepehuan Bible

²⁵ Dïï gia go Abraamkaru potïtïdai, —Aapi kïïrhi, gï tïgitoñi xïï xioma oidakatadai aapi oidigi daama. Aidï naana maaxi kïkïïgadukami biakatadai aapi dai go Lasaro naana dukai soimaaxi taatamaiña aidï. Dai xibi ka ayi go Lasaro ix bhai ïrhiadagi dai aapi gï ajïga xi soimaaxi taatagi.

Tepehuan Northern: Diuusi ñiooquidʌ utuducami oodamicʌdʌ

²⁵ Dʌmos ʌAvraañi potʌtʌdai: “Giñmara, gʌtʌgitoñi pʌsiaapi cʌʌgacʌrʌ oidacatadai maiquiaa muucucai, dai goLázaru aliʌ soimaa taata. Dai sivi goovai baigʌʌlidi tami pai aapi soimaa taataca.

Lukas 16:25 Iomraidhean Croise

Mataibo 27:63

Daidi potïtïdai ïgai, —Go Suxi sïïrhikïdï yaatabogatadai— itïtïdai. —Kïïga gïr tïgito aatïmï ix ikaitiña ïgai mai kia mukukai. Aidï pokaitiña ïgai saidi xïïxkadï mukiagi sai abhiadïrï baika tasaikïdï duaka agai ïpamu.

Markos 9:45

—Dai xi gï ïkasokïdï gïpiïrï gïxia agadagi aapi soimaaxi ibuadatai paida guikuta gobai ïpï. Xioma ïr kïïga xi mos arhi ïmo ïkaso aapi dïï gia Diuxi ïmadï oidakagi dai mai xu ix bïï goka biakagi aapi gï ïïkaso dai Diuxi taiyïrï gï daitudagi. Ami mai ugiatïi batopadagai dai tomax tuigako mïïkana tai—.

Lukas 16:20

Dai gïï kuraragatadai bakidï xikorhi dai kuuparadïana go kurarai kaatïkatadai ïmo kokoadï soitigami Lasaro tïgidukami. Iipoidagakatadai ïgai bïï sudakami tukugadï.

Lukas 16:23

dai ibhïadï jii xako gïn maamaixatudai koidadï, xako hades tïgidu ïmo ïmapïkïrï tudu. Dai kabami soi taatamaiña ïgai ami dai táí nïnïaba dai tïï ïgai go Abraamkaru xi maigobai mïkaxi daka. Dai tïï ïgai go Lasaro ïpï xi sonoana daka go Abraamkaru—.

Lukas 16:26

Dai tomax dukai mai bhaiga go Lasaro ix gamo imiagi taagiña kaatïkatai ïmo gïï koborhiki. Mai bhaiga daibuñagi tomarhi tabhaidïrï gamoko tomarhi mïkadïrï bhaigobai ïpï— itïtïdai.

Lukas 6:24

—Dïï gia sogigi aapimï ix makïdï gïn bipidakami duu. Kïï bia aapimï gïn bhai ïrhiaraga xibi dïï gokiïrï mai tipukamu bamioma bhai ïrhiaraga gïn bïïtarï— itïtïdai.

VUAANA 16:33

—Gïn aagidi aanï idi aatagi sai kïïga bhai gïn ïrhidiña aapimï gin bïïna darakatai aapimï. Daiñi, tami idi oidigi daama taatamu aapimï naana maaxi soi ïrhiaragai soi gïn buididitai jaa. Dïï maiti abïr gïn dagitoka ix gïn maitagi go soi ïrhiaragai. Kaxkïdï tudu kaxi gamaitï aanï buidïrï bïïxi ix tumaxi oidaga tami oidigi daama— itïtïdai.

Hechos 14:22

Dai dïgabunukai ïgai bïïxi go kiikiïrï ïgai gamaakaiña gubukadagai abhana go buaboitudadami daidi gaabïnakidiña xi kïïgakïrï buaboidaiña ïgai. Dai aagidimi ïgai sai gï agaitadai kia xi odami naana maaxi soi ïrhiaragai taatagi xi gokiïrï ayimu ixtuigako gatïanïda agai Diuxi.

Romanos 8:7

Daiñi, Diuxi buidïrï bïïtï odami ix makïdï gïn tïgito ajiopai gïn ïkidadï tïgibudagai. Gïr ïkidadï tïgibudagai tomarhi ïmo imidagai mai ïïgidi Diuxi sïïrhikamigadï tudu. Maiti ixtutuidikïi gobai xi ïïgiadagi tudu.

Filipenses 3:19

Ïgai taata agai gïgïbidaragai bïïxkïrï bïïtarï tudu. Ïïgidiña ïgai mosïkaxi ixtumaxi tanïdagi tukugadï dai podukai ïïgi tukugadï ïmo diuxi dukai nïidiña. Ojoidi ïgai xi aagadagi go soimaaxkami ix makïdï ibuayi ïgai dai gï agaitadai bhaiyoma xi xia ïïradagi ïgai gokïdï. Dai buamï gïn ïrhidi ïgai mosïkaxi ixtumaxi tami oidigi daama oidaga.

1Tesalonicenses 3:3

Kïï maatï aatïmï sai soi gïn buididiña jaa tudu. Dai maiti ipïrhidi aatïmï ix gokïdï ipïrhiadagi tomarhi ïmadutai aapimï ix dagitoagi gïn buaboidaraga. Kaxkïdï gïn otoxi aatïmï go Timoteo. Kïï maatï aapimï tudu sai podukai dáí Diuxi sai soimaaxi taatagi aatïmï soi gïr buididitai jaa.

Hebreos 11:25

Kïïga bhaigakatadai xi urabagi go Ejiptuïrï óídakami soimaaxkamigadïrï ix makïdï ibuadana ïgai dai podukai bhai ïrhiditai oidakagi lachi tudu. Dïï mos ïgai bhaiyoma ipïrhi sai maatïkana go óídakami sai ïgai ïr Israelita ix makïdï ïr aaduñdï Diuxi. Podukai ipïrhi ïgai tomaxi maatïkatadai ïgai sai go Ejiptuïrï óídakami soi dukai tïïgia agaitadai Israelitakatai ïgai. Dai maatïkatadai ïpï sai go Ejiptuïrï óídakami soimaaxi taatatulda agai ix dukai ibuadana ïgai bïïxi go Israelitas.

1 Juan 2:15

Gin aaduñi, maiti abïr ïpïan tïtïïgitoda go gaa oidigi daama óídakami ix makïdï mai buaboitudai. Maiti abïr po gïn ïrhiada sai tïïgimu aapimï gïn bhai ïrhiaragai oiditai tïgibudadï ïgai tudu dai maiti abïr adaimuda ixtumaxi oidaga tami idi oidigi daama tudu. Daiñi, odami ix makïdï pobuadagi mai oigïdai Diuxi.

Apokalipsis 7:14

Dai potïtïdai aanï, —Aapi bhaitï kïakami, aapi maatï xorai ïgai. Aanï gia xadïrï maatïkana— antïtïdai aanï. Daidi pobai in tïtïdai go bhaitï kïakami, —Gobai ïr go odami ix makïdï kabami soimaaxi taatamaiña buaboidaitai gobai go Arhi Kañiru tïgidukïdï. Kïïga bapakoi gobai yukuxidï dai totoatu ïradïkïdï go Arhi Kañiru ix makïdï itïiya ïrhidi sai kïïga buañidi bïïxi soimaaxi iibhïadïañdïrï— ikaiti.