Lukas 13:33 - Northern Tepehuan Bible

³³ —Bia aanï ix oijadagi gin imidaga kia tudu dai aiyagi Jerusalenana. Ami Jerusalenana tudu ïr xako gïn koditudai ñiñokituldiadamigadï Diuxi di. Dai kaxkïdï gï agai xi ami aiyagi aanï sai ami gin muatudagi aanï ïpï— itïtïdai.

Tepehuan Northern: Diuusi ñiooquidʌ utuducami oodamicʌdʌ

³³ Tomali ʌmaadutai Diuusi ñiñiooquituldiadamigadʌ maitʌcooditudai sibʌaacoga mosʌca Jerusaleenʌrʌ cascʌdʌ aliʌsi gʌaagai isimia aanʌ Jerusaleenamu.

Lukas 13:33 Iomraidhean Croise

Mataibo 20:18

—Aanï ïr Diuxi otosadï ix makïdï ïmo kïïrhi busai. Dai gï agai sai maatïkagi aapimï sai amïka Jerusalenïrï xako iimi aragai aatïmï ami ïmoko gin tïïgida agai buitapi go tïtïanïdamigadï go dadaxdadami ïmadï go tïtïïgiadami go sïïrhikami. Dai ïgai gatïañi agai gin muaragai— itïtïdai.

Mataibo 21:11

Dai jaa ikaititadai, —Gobai ïr go Suxi. Ïmo ñokituldiadamigadï Diuxi gobai. Nasaretañdïrï oidakami gobai ix makïdï Galilea munisipiïrï bipiïyi— ikaititadai ïgai.

Lukas 9:53

Dïï go óídakami ami Samarhiïrï maiti ipïrhi ix miadïgidagi maatïkatai sai Jerusalenamu iimïdami ïgai.

VUAANA 11:54

Dai kaxkïdï ka mai aimïraiña Suxi xako nïijadagi go judidiu bhaitï gukakamigadï dai bhaiyoma maigobai jii xako Efrainïrï tïgidu oidigi. Ami Efrainïrï miadïrï kaatï ïmo gïï oidigi xako mai tipu óídakami. Dai ami Efrainïrï gïn urhi go Suxi ïmadï mamaatïrdamigadï.

VUAANA 11:9

Dai Suxi aagidi ïmo maaxidaragai aatagi daidi itïtïdai, —Gin aaduñi, odami kïïga biakana kiamoko abhiadïrï asta urunoko ukami ix oijadagi aaduindadï kia tïka dakatai tasai dïï bïïxkïrï gï agai ix kabami gïn aajagi ïgai sai mai aïna tukagi. Tasïrï tudu kïï maaxkana oidigi kaxkïdï kïï bhaiga ïmoko ix mai utubaitai aimïrdagi tasïrï. Dïï gia tukarï utubapïkïi ïmoko tukamukatai oidigi. Dai pomaaxi aanïkïdï ïpï. Daiñi, xibi kia tasïrï dukai ajiopai aatïmï gïn ïmadï dakatai aanï kia. Dïï gokiïrï ayimu tukagi ka imïkai aanï. Kaxkïdï bia aanï ix kabami gin aaga ibuadatai gin aaduindaga. Xibi kia tasïrï dukai oidaga aatïmï gïn ïmadï dakatai aanï dai bia aanï ix kabami gin aagagi dai natoagi gin aaduindaga.

VUAANA 12:35

Dai Suxi itïtïdai, —Gïn aagidamu aanï xorai gin aagai ïïgi aanï. Aanï ïr go kudagi óídakami bïïtarï. Dai xibi mosïkaxi chïki tasai biakamu aapimï go kudagi gïn ïmadï kia ixtukïdï kïïga ajiopada aapimï kïï maaxikatai boi. Gï agai ix otoma bhïiya aapimï boi tudu, tadu gïn ayi tukagi. Kaxkïdï tudu odami ix makïdï tukapi ajiopai mai maatï tomarhi xajako imi agai.

VUAANA 4:34

Dai Suxi itïtïdai, —Kïïga buyiña aanï gubukarhigai ibuadatai aanï ixtumaxi Diuxi ipïrhidi dai buadatai go aaduindagai ix makïdï gin tïjïi ïgai. Mos ïr kuadagai gï dukami gobai gin bïïtarï— itïtïdai.

VUAANA 9:4

—Xibi gï agai ix kabami gin aaga aataduñagi aanï dai ibuadagi go naana maaxi maaxidaragai ix makïdï gin tïjai Diuxi bhaigobai gin otosakai. Kaxkïdï tudu ix dukai daibuskïi tasai dai odami ka mai bhaigakana ix gaatabuadagi ka aïkai tukagi, podukai ïpï ugitimu gïr oidakaraga tami oidigi daama dai aidï ka mai bhaigakamu aatïmï ix ibuadagi ix tumaxi Diuxi ipïrhidi— itïtïdai.

Hechos 10:38

Dai kïïga maatï aapimï ïpï sai Diuxi maa ïïgi Ibhïadï go Suxi ix makïdï ïr Nasaretïrï oidakami sai ïgai biakagi gubukadadï Diuxi Ibhïadï. Aipakoga aimïraiña go Suxi dai Diuxi Ibhïadï gubukadadïkïdï soi ïgai mui odami dai duduadi ïgai mui ix makïdï Diabora soi buididitadai. Diuxi ïmadï dakatadai go Suxi kaxkïdï pomaaxi ibuadana ïgai— itïtïdai Piduru.

Hechos 13:27

Daiñi, go Jerusalenïrï óídakami ïmadï go bhaitï gukakami mai máí go Suxi xi ïr kïïgakïrï bubiadami. Mos ïkarhiïrï kaïkana ïgai ojadï go aagadami Diuxi ñokidï ibhïxtaragai tasïrï bapakïkai ïgai judidiu kiupaigadïrï. Dai tomaxi go ojai ïkiaxdïrï agaitadai go Suxi, go odami tomax dukai mai maatï kaï dai gatïjai muaragai. Dai podukai ka buaboi busai ixdukatai ojixi saidi gï muatuda agaitadai go Suxi.