Lukas 12:9 - Northern Tepehuan Bible

⁹ Dïï gia xorai pokaitadagi jaa buitapi ix maiti gin buaboitudai aanï ïpï pokaitadamu sai ïr buaboi ix maiti gin buaboitudai. Pokaitadamu aanï Diuxi tïtïañikarudï buitapi tudu— astïdai.

Tepehuan Northern: Diuusi ñiooquidʌ utuducami oodamicʌdʌ

⁹ Dai ismaacʌdʌ giñʌstocadagi oodami vuitapi aanʌ ʌʌpʌ ʌstocadamu ʌgai Diuusi tʌtʌaañicarudʌ vuitapi.

Lukas 12:9 Iomraidhean Croise

Mataibo 10:33

Dïï gia aagidamu aanï sai maiti ïr gin aaduñi ïgai ix makïdï maiti ipïrhi xi maaxiko aagadagi saidi gin buaboitudai— itïtïdai.

Mataibo 25:12

Dai go ix makïdï ka onta agai tukabiadïrï potïtïdai, —Maiti an gïn maatï dai maiti gïn maakimu aanï oigaragai xi gïr urabagi aapimï— itïtïdai.

Mataibo 25:31

Dai oi Suxi aatagidï daidi ikaiti, —Kïïga ïr buaboi sai imimu aanï tami oidigi daamaiñdïrï, aanï ix makïdï ïr go otosadï Diuxi ix makïdï ïmo kïïrhi busai. Dïï gia gokiïrï ïpamu dibiamu aanï bïïxi gin tïtïañikaruga ïmadï gatïanïda iñagaitai ïmo gïï Rey dukai tami oidigi daama.

Mataibo 25:41

Dai bhodïrï ñokidamu aanï ïgai ix makïdï gin ogixapadïrï gukaka agai, ix makïdï mai buaboitudai tudu. Dai potïdamu aanï, —Iimibïrai aapimï tabhiadïrï. Diuxi mai kïïgakïrï gïn nïidi tudu. Iimibïrai xako bïïxkïrï bïïtarï mïïkana táí, xako bhai dui Diuxi gïgïbidaragai bïïtarï go diabora ïmadï tïtïañikarudï. Gamo abïr iimi tudu.

Mataibo 7:23

Dïï gia potïdamu aanï aidï sai, Maiti ïr gin aaduñi aapimï. Tomarhi ïmo imidagai maiti ïr gin aaduñikatadai aapimï tudu. Ka maiti gïn nïijada in ïrhidi soimaaxi ibuadamikatai aapimï. Potïdamu aanï tomaxi dudatai Tïanïdami gin aagaiña ïgai— itïtïdai Suxi go odami.

Markos 8:38

Xibi óídakami arhiïxi ïr soimaaxi buadami dai adaimïi ïgai jaa ix makïdï didiuxi aagai ïgai. Daiñi, aanï ïr Diuxi otosadï ix makïdï aagai Diuxi ïïki dai ayimu ixtuigako dibiamu aanï tïbagiañdïrï ïmadï Diuxi tïtïañikarudï dai Diuxi gubukadagakïdï. Aanï aagai sai tomax tuma oidakami xibi ix makïdï xaïradagi aanïkïdï dai gin ñokikïdï aanï ïpï xaïrogidamu ïgaikïdï dibiakai aanï— itïtïdai Suxi.

Lukas 15:10

—Daiñi— itïtïdai. —Aanï aagai sai pomaaxi xako daraka Diuxi tïtïañikarudï ïpï. Gïïpi oidaga bhai ïrhiaragai amïka xïxkadï ïma dukai gï tïgitoagi ïmo soimaaxi ibuadami— itïtïdai.

Lukas 22:57

Dïï go Piduru potïtïdai, —Aapi oki, maita an maatï aanï ïgai— itïtïdai.

Lukas 9:26

Daiñi, aanï ïgai ix makïdï ïr Diuxi otosadï dai kïïrhi busai dai ayimu ixtugako imimu aanï tami oidigi daamaiñdïrï. Dïï gia gokiïrï dibiamu aanï ïpamu gin tïtïañikaruga ïmadï dai maaxitudamu xïïxi ïr gïdukami aanï dai xïïxi ïr gïdukami gin Oga ïpï. Gïn aagidamu aanï ix dukatai iduñimu aanï dibiakai. Amaxi aagadamu aanï sai maiti ïr gin aaduñi xorai mai buaboituda ïrhiada gin ñoki ïmadï xorai gin xaïradagi.

2 Timoteo 2:12

Xibi gïr kabakadai aatïmï dai maiti gïr daadagitoi ix gïr maitiagi go soi ïrhiaragai xïïxkadï soimaaxi taatamadagi aatïmï. Dai kaxkïdï gï maatï sai gokiïrï gatïanïdamu aatïmï Suxi Kristo ïmadï ïpï dibiakai ïgai. Dïï gia ix potïiyagi ïmoko xibi sai mai maatï Suxi Kristo aidï gia dibiakai Suxi Kristo ïgai po tïimu ïpï sai maiti ïr aaduñdï ix makïdï potïi sai mai maatï Suxi Kristo.

1 Juan 2:23

Bïïxi odami ix makïdï pokaitadagi sai Suxi Kristo maiti ïr Maradï Diuxi ïgai mai urabaka Diuxi. Dïï gia xorai maaxiko aagagi sai buaboitudai ix Suxi Kristo ïr Maradï Diuxi, ïgai gia urabaka Diuxi.

1 Juan 2:28

Kïïga gïn oigïdai aanï aapimï gin aaduñi, maamaradïkatai aapimï Diuxi. Apia abïr kïïga urabakatai óídaka Suxi Kristo ïmadï tudu sai podukai xïïxkadï dibiagi ïgai ka kïïga ïïmadagi aapimï dai mai xaïradagi aapimï.

Apokalipsis 3:8

Kïï maatï aanï bïïxi ixtumaxi ibuayi aapimï. Daiñi, tomaxi mai xii gupuka aapimï bïïxkïrï kïïga ïïgidi aapimï gin ñoki dai mai ïxto xi gin buaboitudai. Kaxkïdï gïn maa aanï oigaragai sai aagada aapimï gin ñoki dai mai tipu xorai gïn sobhidagi.