Lukas 12:17 - Northern Tepehuan Bible

¹⁷ Daidi ïmo imidagai ka mai tïtïgaitadai ïgai xako bhai tuagi yoobadï mos ïï gïïpikatai gobai. Daidi as ïrhidi ïgai, —Dukatai iduna aanï xibi— gï ïrhidi ïgai. —Go trojos xako bhai tuajaiña aanï gin yooba ka mai ajïga— gï ïrhidi.

Tepehuan Northern: Diuusi ñiooquidʌ utuducami oodamicʌdʌ

¹⁷ Vaidʌ ʌriicu gʌtʌtʌgitoi dai povʌʌlidi: “Istumaa duuñimu aanʌ maiviaa aanʌ siaaco baituagi giñyoova”.

Lukas 12:17 Iomraidhean Croise

Mataibo 16:7

Daidi go mamaatïrdamigadï ïïgi aipako gïn aagiditadai aidï daidi ikaititadai, —Suxi maatï sai mai bua aatïmï pan kaxkïdï gïr aagidi go ñoki aagaitai go kopodatudakarui— ikaititadai ïgai.

Mataibo 5:42

—Dai óídadabïrai xorai gïn tañiagi ixtumaxi. Dai tañubidabïrai xorai gïn tañiagi ïpï— itïtïdai Suxi.

Lukas 10:25

Daidi bhodïrï ami kïkiba ïmo kïïrhi ix makïdï ïr tïtïgiadami go Moises ojadï dai ñokidi ïgai go Suxi. Mos maatïka ïrhiditadai ix bhai kïïga aa noraidana Suxi daidi potïtïdai, —Aapi gïr mamaatïtuldiadamiga, ¿Tumaxi gï agai aanï xi ibuadagi dai kïïgakïrï oidakagi bïïxkïrï bïïtarï?— itïtïdai.

Lukas 11:41

Buanabïrai gïn iibhïdaga tudu óíditai soiñi soi titiigami. Aidï gia kïïga buañixikamu aapimï asta gïn ïrabiadïrï bïïxi— itïtïdai.

Lukas 12:16

—Xibi gïn aagidamu aanï ïmo maaxidaragai aatagi sai maatïkana aapimï ix dukatai maaxi gobai— itïtïdai Suxi. —Ïmo imidagai sai oidakatadai ïmo kïïrhi kïïga gï bidakami dai dïdïbïradï kïïga bhai buadana ïxikami. Kïï gïïpi yoobaiña ïgai ïxikami tudu.

Lukas 12:18

—Aa ka máí aanï ixdukatai iduñagi. Surhigimu aanï go arhi trojos dai gïgïrdukamioma iduñimu— gï ïrhidi.

Lukas 12:22

Daidi bhodïrï Suxi potïtïdai mamaatïrdamigadï, —Gin aaduñi— itïtïdai. —Maiti gï agai xi ïpïan tutiakagi aapimï ïgai ix makïdï ïïgi gï buirutu mukiñdadï tuigakatai. Kaxkïdï gïn aagidi aanï mïsai mai buamï gïn ïrhiadagi ix biakagi ixtukïdï oidakagi. Maiti abïr buamï gïn ïrhiada ixtumaxi ugiagi ïmadï gïn yukuxikïdï ixtumaxi gïn aadagi tudu— itïtïdai.

Lukas 12:29

—Maiti abïr buamï gïn ïrhiada ixtuma ugiagi dai ixtuma iiyagi tudu.

Lukas 12:33

Dai Suxi potïtïdai ïpï, —Daiñi gin aaduñi, xako bhai darasada aapimï ixtumaxi aapimï namïakami ïrhidi, ami gïn tïtïitodamu aapimï. Kaxkïdï abïr gagara mïx tuma biakagi bhaiyoma dai oida go tuminxi go soititigami. Aidï gia biakamu aapimï ïmo tuminxi bhai tuakaru dukai tïbagiana ix makïdï tomarhi ïmo imidagai mai ugiti agai. Dai Diuxi ami darasamu naana maaxi ixtumaxi namïakami gïn bïïtarï ix makïdï tomarhi ïmo imidagai mai ugitimu ïpï. Ami gia mai xia gï buayi ixtumaxi namïakami. Mai bapakïi ïïxibogami ami tudu dai mai tipu batopadagai ixtuma xia duadiagi ix makïdï biakagi aapimï ami— itïtïdai.

Lukas 16:3

Daidi go pioñi pobïrhi aidï, —¿Xibi gia dukatai iduñimu aanï?— as ïrhidi. —¿Dukatai oidakamu aanï gin aadaikai gin amu idi aaduindagaiñdïrï? Gï agai xi gaagagi aanï ixdukatai ibuadagi sai kïïgakïrï gin nïijadagi go óídakami. Podukai gia kïïga gin miadïgida antaada ïgai kiikidïrï dai biakamu aanï xakoga gin urhiñagi gin aadaikai gin amu— gï ïrhidi. —Mai bia aanï gubukarhigai xi gaatabuadagi bïïtïkamiïrï di. Dai xaïrai aanï xi tanïdagi soiñi oidakami— gï ïrhidi ïgai. Daidi bhodïrï sai pobïrhi ïgai, —Aa ka máí aanï ixdukatai iduñagi—.

Lukas 16:9

Dai aanï aagai sai aapimï gï agai xi gïn tïgito nïijadagi ixdukatai ibuadagi ïpï. Gï agai tudu xi soikïdagi aapimï jaa gïn buxtuidagakïdï sai gïn oigïda ïrhidiña ïgai. Podukai gokiïrï xïïxkadï ka maiti ibuadagi soiñi gïn buxtuidaga ka iimïkai aapimï tami idi oidigi daamaiñdïrï aidï gia ix makïdï soi aapimï gïn miadïgidamu bhai ïrhiarakïdï gïn kiiyïrï tïbagiana. Ami gïn kii mai ugiti agai tomarhi ïmo imidagai tudu— itïtïdai Suxi mamaatïrdamigadï aagaitai ïmo maaxidaragai ñoki.

Lukas 18:22

Daidi kaïkai go Suxi ix kaiti go kïïrhi saidi potïtïdai, —Kia biïga ïpï ïmo ixtumaxi xi iduña aapi— itïtïdai. —Kia gï biïga xi gaagaragi aapi gï buxtuidaga dai oidagi go tuminxi go soititigami— itïtïdai. —Aidï gia biakamu aapi naana maaxi ixtumaxi namïakami tïbagiana. Poduñi tudu dai gokiïrï gin uraba dai gin oijada— itïtïdai.

Lukas 19:17

—Dai go rey potïtïdai, —Kïï tuiga aapi in pioñi, kïï dui aapi. Lïïchi gï maa aanï dai sïïrhi aatadui aapi gokïdï xi kaxkïdï xibi gï maakimu aanï sïïrhikami sai tïanïda aapi bhaibuxtama gïgïr kiiki— itïtïdai.

Lukas 3:11

Dai Juan potïtïdai, —Xorai biakagi goka bapasaragai gï agai xi óídagi ïmoko ïmai ix makïdï mai bia. Dai xorai kïïga biakagi ixtuma ugiagi gï agai xi óídagi xorai mai bia ïpï— itïtïdai.

Hechos 16:30

Dai bhodïrï bubaitu ïgai go Pabora ïmadï Silas abhiadïrï dai gatïkakai daidi itïtïdai, —Gin aagidabïrai aapimï, ¿ix dukatai duna aanï dai kïïgakïrï busaiña?— itïtïdai.

Hechos 2:37

Dai kabami soi gïn ïjïrhidi odami maatïkatai sai buaboi aagai go Piduru. Daidi go odami ïïgi gïn tïkakaitadai aipakoga daidi ikaitimi, —Gïr aaduñi, ¿Dukatai duna aatïmï xibi?— ikaitimi.

Romanos 12:13

Kïïga abïr oida soiñi gïn aaduñi Diuxiamadïrï ix makïdï tïgitokagi daidi abïr kïïga miadïgida gïn kiikiïrï dadidakami ix makïdï ïr buaboitudadami xibhïadïrï óídakami.

1 Tomoteo 6:17

Aapi Timoteo, aagidañi go buaboitudadami ix makïdï gïn bipidaka sai mai gïgïrdukïdï gïn ïrhiada naana maaxi biakatai tami idi oidigi daama. Maiti gï agai xi buaboitudada ïgai buxtuidadï tudu po ïrhiditai xi gobai ïr soiñigadïka agai. Bïïxi gobai ugitimu tudu. Kaxkïdï gï agai bhaiyoma xi buaboitudada ïgai Diuxi. Ïgai ïr soiñigadï di. Ïgai gia mai ugiti agai dai ipïrhidi xi bhai gïr ïrhiada aatïmï. Kaxkïdï gïr maa ïgai mosïï ïï naana maaxi ixtumaxi bia aatïmï.

1 Juan 3:16

Daiñi, Suxi Kristo ïïgi gï tïïgi saidi gï muatudana gïr bïïtarï dai pobuadatai gïr tïtïïgidi ïgai ixdukatai kïïgakïrï oigïada aatïmï jaa. Dai gokïdï gï maatï sai gï agai aatïmï xi gamaakadagi tomax tumaxi dai asta ïïgi gïr ibhïdaga soiña rïrhiditai gïr aaduñi.