Lukas 11:43 - Northern Tepehuan Bible

⁴³ —Daiñi aapimï fariseos, sïïrhikïdï ojoidi xi go kïïgadukïdioma daikaruana daraibagi xïxkadï kiupiana bapakïdagi aapimï. Dai ojoidi aapimï ïpï xi kïïga gïn xadutudaitai gïn biatuldagi odami xïïxkadï gïn tïïgiagi kaiyana— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁴³ Siʌ soimaa taatamu aapimʌ fariseo. Oojoidi aapimʌ iscʌcʌʌgaducʌdioma daraicariʌrʌ dadaarʌdagi judidíu quiquiuupaigadʌrʌ dai oojoidi aapimʌ isvʌʌsi oodami siaa gʌnduutuadagi.

Lukas 11:43 Iomraidhean Croise

Mataibo 11:16

Dai bhodïrï oi Suxi aatagidï daidi potïtïdai ïgai go odami, —Aapimï ix makïdï óídaga xibi nïidiña ixtumaxi ibuadana aanï dai Juan dai soi dukai gïr nïidi aapimï. Gïn aagidamu aanï ix maaxi ibuayi aapimï tudu. Daiñi, ïpïan buayi aapimï aarhi ix makïdï no xibhïkai plasana darakana tudu. Dai jaa aarhi gatïtïbïiña ami dai gïn bapaidiña saidi gatïtïbïiña aapimï ïmadï dai aapimï maiti ipïrhi.

Lukas 20:46

Suxi potïtïdai, —Gïn nukadabïrai go tïtïgiadami sïïrhikami. Mai kïï tutuiga ïgai di. Daiñi, ïgai kïïga ojoidi xi kïkïïgadukami yukuxi gïn aadatikagi sai odami po gïn ïrhiadagi sai ïgai ïr gïgïrdukïdï. Ojoidi ïgai xi kaiyana ajiopadagi saidi odami kïïga xadutudaitai biaturhiadana. Dai ojoidi ïgai xi kïkïïgadukamioma daraikaruana dadarïdagi kiupiana xiïpï bagimiana.

Romanos 12:10

Aapimï ix makïdï buaboitudai Suxi Kristo gï agai xi gïn oigïdadagi ïmo gïn xïgïmï dukai. Kïïga abïr xadutuada tudu gïn xixïgi Diuxiïrï gaagaitai ïpïgioma ix makïdï ïr kïïga ïgai bïïtarï dai mai xu ïpïgioma ix makïdï ïr kïïga ïïgi aapimï gïn bïïtarï.

Filipenses 2:3

Maiti abïr ibuada tomarhi ïmo ixtumaxi ïïgi gïn bïïtarï mosïkaxi ïïgi gïn bïïtarï buamï gïn ïrhiditai aapimï. Dai maiti abïr ibuada tomarhi ïmo ixtumaxi ipïrhiditai ix namïakami bubuakiagi aapimï jaa bïïtarï. Abïr bhaiyoma mai namïakami dukai gïn nïijada ïïgi aapimï. Dai bamioma namïakami dukai abïr nïijada aapimï jaa.

3 Juan 1:9

Kaxi ojidi aanï go buaboitudadami ami xako oidaga aapi dai aagidi aanï sai soikïiña ïgai go ix makïdï Diuxi bïïtarï aatabuayi. Dïï gia go kïïrhi Diotrefe tïgidukami maiti ipïrhidi xi gïr ïïgiadagi. Arhiïxi ojidi ix gatïanïdagi ïgai go gaa buaboitudadami kaxkïdï.