Lukas 11:39 - Northern Tepehuan Bible

³⁹ Daidi go Suxi aagidi ïmo ñoki aagaitai iibhïadï go fariseos dai potïtïdai, —Aapimï fariseos kïïga ïïgiada ïrhidi gïn bituldaraga dai kïïga bakuanai asta gïn ajasokorhi daamanagadï ïïgiditai gobai. Dïï gia ïpïamaaxi aapimï ïmo asokorhi xiïpï ïmo tasa ix makïdï kïïga buañixika maaxi daamanagadï dïï gia tukuraga ïrabiadïrï. Kïïga buanai aapimï gïn tukuga tudu ïïgiditai gïn bituldaraga dïï gia tukuraga gïn ibhïdaga kia mukimudadï tutiakatai aapimï dai biakatai aapimï naana maaxi soimaaxi tïgibudagai gïn ibhïdagïrï.

Tepehuan Northern: Diuusi ñiooquidʌ utuducami oodamicʌdʌ

³⁹ Tai amaasi ʌSuusi potʌtʌdai: ―Aapimʌ fariseo vuaanai gʌnajaasocoli ʌʌbʌadʌrʌ dʌmos aapimʌ tuculimadai gʌnʌranaga muuquimudagaicʌdʌ dai soimaascamicʌdʌ.

Lukas 11:39 Iomraidhean Croise

Genesis 6:5

Dai Gïr Nukadakami tïgito nïidi bïïxi go óídakami oidigi dama ix arhiï mai kïkïïgadu iibhïadï dai go ïï soimaaxi tïgibudagai adaimïi.

Mataibo 15:19

—Abhiadïrï busakïi naana maaxkami soimaaxi tudu. Dukami, abhiadïrï busakïi soimaaxi tïgibudagai dai gakodaragai dai ïmadï bodagi oki ix makïdï maiti ïr oñigadïkagi ïmoko dai gaïxidagi, dai ïmadï bodagi oñigadï ïmai, yaatagidagai, dai naana kai nïidaragai.

Mataibo 7:15

—Gïn nukadabïrai sai maiti gïn bupuirumadagi jaa ix makïdï tïtïïgiadami gïn aagai Diuxi ñokidï dai maiti ïr buaboi. Ïgai kïï tutiakami maaxi dïï gïn nukadabïrai. Ipïrhidi ïgai sai óídakami kañiñiru tutiakami ïrhiadagi dïï ïgai sïsïïyi gïn dukami bhaiyoma galtutiakatai. Soi buadana ïgai óídakami tudu— itïtïdai.

Lukas 16:15

Daidi Suxi potïtïdai, —Aapimï fariseos naana maaxi aaduindagai ibuadana ix makïdï buañixikami maaxi odami buitapi ipïrhiditai sai odami buañixikami ïrhiadagi gïn iibhïdaga gïn nïiditai. Dïï gia Diuxi kïïga nïidi ix maaxi gïn iibhïdaga dai mai xu xi mosïkaxi nïidi ïgai ixtuma buadagi aapimï. Kïïga gï maatï tudu sai Diuxi tukuragai dukai nïidi naana maaxi ixtumaxi ix makïdï odami buañixikami dai namïakami aagai— itïtïdai.

Lukas 7:13

Dai soi gïlda tïï Suxi go oki aidï daidi potïtïdai, —Aapi oki, maiti suakada— itïtïdai.

Lukas 7:19

Dai kaïkai go Juan ixtumaxi ibuadana go Suxi sai báí ïgai goka mamaatïrdamigadï dai aagidi sai mïï tïkakana go Suxi sa bhai ïgai ïr otosadï Diuxi ix makïdï nïnïrakana ïgai xiïpï xi gï agaitadai xi nïnïrakagi sai dibiana ïmai kia.

VUAANA 12:6

Dïï mos go Udaxi mai sïïrhi ñokaitadai. Ïgai bïï mai buamï ïrhidi go soititigami bïïtarï. Mos ïr ïxibugami ïgai bhaiyoma. Ïgai nukadakana tuminxigadï go mamaatïrdamigadï Suxi dai dudatai gaïïxidiña.

VUAANA 13:2

Dai aidï urunoko gakuadatadai ïgai go Daibuñigïrï kuadagadï. Dai ami dajatadai go Udaxi Iskariote ix makïdï ïr maradïkatadai ïmo kïïrhi Ximuñi tïgidukami. Dai aidïxi ami dibia ïgai go diabora ka abïnakiditadai sai gatïïgidana ïgai go Suxi.

Hechos 5:3

Daidi go Piduru itïtïdai aidï, —¿Aapi Ananias tuipïxi bhïiyi Diabora tïgibudadï? Kaxi yaatagidi aapi Diuxi Ibhïadï dai ïïgi gï bïïtarï bhïiyi aapi chïki go tuminxi go dïbïrai namïgadï.

Galatas 1:14

Aidïpïrï kabami oiditadai aanï go buaboidaragai ix makïdï gïr biturhi gïr ïïki aaduñi judidiu. Kïïgioma ïr judiukatadai aanï xi bhai tomax makïdï gin aaduñi kïïga ïïgiditai aanï gïr buaboidaraga tudu.

2 Timoteo 3:5

Ïgai po ïrhiada maaxkamu ix xadutudai Diuxi dïï maiti ïr buaboikamu. Bhaiyoma mai dagitomu ïgai xi aatabuadagi Diuxi gubukarhigadï abhana mai kïïgakïrï buaboidaitai ïgai. Maiti urapïkïda aapi ix makïdï po maaxi tutiakagi tudu.

Tito 1:15

Daiñi, bïïxi buaboitudadami ibhïgadï ka kïï buañixi dai tomarhi ïmo ixtumaxi mai bhaiga xi tukurhimagi ïpamu. Dïï gia odami ix makïdï kia tukuraga ibhïgadï mai buaboidaitai Suxi Kristo ïgai gia bïïxi aïkatai ixtumaxi ibuadagi bamioma tukurhidi iibhïadï. Kaxkïdï tudu bïïxi tïgibudadï tukuraga asta xako ka mai maatï taata ïgai ixtumaxi ïr soimaaxkami.

Santiago 4:8

Kïïga abïr uraba Diuxi tudu dai kïïga ïïmada baidi ïgai aadïrï gïn ïïmadamu ïpï ïmo gïn aadunumï dukai. Aapimï ix makïdï soimaaxi ibuayi, dagitobïrai gïn soimaaxkamiga tudu. Mai kïï maatï aapimï ix bhai kïïgakïrï oijadagi Diuxi tïgibudadï xiïpï xi oijadagi go tami oidigi daama óídakami tïgibudadï. Gobai maiti ïr tïgibudadï Diuxi tudu. Mosïkaxi Diuxi tïgibudadï abïr oijada bhaiyoma.