Lebitiko 16:2 - Northern Tepehuan Bible

² Dai bhodïrï Gïr Nukadakami aataga ïmadï Moises daidi itïtïdai, —Aagidañi gï xïgi Aaron sai maiti agai xi mos ipïldakai baakiagi ïgai go gïï nagiïkïdï ikuxi ïbhïgidiïrï dai buidïrï go kajoñi iñaparadï xako gï boixidai ïrai bai ïgaikïdï oigïlda nïidagi aanï odami soi maaxkamigadï. Ami bïïxi adama ïr xadutudikamiïrï tudu. Xi mos ïgikïdï baakiagi ïgai mukian taada ïgai gin maaxitukai aanï kubhuxi saagida bhobai kajoñi iñaparadï dama.

Lebitiko 16:2 Iomraidhean Croise

Lebitiko 16:34

—Mos umigiïrï gï agadamu xi podukai buadagi bai buañixikami biyagi soimaaxkamigadï ix makïdï ibuadagi go Israelitas. Go Israelitas gï agadamu xi apia xadutuadagi idi sïïrhikami bïïxkïrï bïïtarï— itïtïdai Diuxi.

Mataibo 27:51

Baidi amaxi tïkabidïrï abhiadïrï asta mïï taana ukami sarai go gïï ikuxi ix makïdï go gïï kiupaigadïrï judidiu sagiïkatadai. Dai gigiburhi oidigi ïpï dai mui ojodai taatapai ïrana.

Hebreos 6:19

Podukai bia aatïmï ïmo kïïgadukami nïnïraragai dai gobai kïïga gïr soikïi gïr ibhïdagïrï sai bamioma kïïga gubuakana gïr buaboidaraga. Gïr bapaidadan buayi gobai sai bapakia aatïmï go adaama xadutudikïdï tukabiïrï. Sai bapakia aatïmï baasadïrï go gïï ikuxi nagiïkïdï tudu xako daja Diuxi.

Hebreos 9:25

Dai maiti gï agai xi muiyoko gï daxdadagi Suxi Kristo ix dukatai ibuadana go dadaxdadami go buxtaki. Umiïrï bapakïiña go bhaitï kïakamigadï go dadaxdadami go tukabiïrï xako bïïxi adaama xadutudikami tukabi tïgidu tudu dai ami dadaxdaiña ïgai ïradï buxtaki.

Hebreos 9:3

Ïmo padïrï go tukabi nagiïjïtadai ïmo gïï ikuxi kobokami dai ibhïadïrï go ikuxi oidakatadai ïmai tukabi tukabioma kïakïdï. Ami go bïïxi adaama xadutudikïdï tukabi tïgidu.

Hebreos 9:5

Dai ami go kajoñi daama gukatadai goka uubixi ix makïdï ïpïamaaxi tïtïañikarudï Diuxi. Ïmo maaxidaragai dukai bïïtarï ïgai xako daja Diuxi. Dai ajana ïgai. Dai ami go kajoñi iñaparadï daama tarañdi ïgai ajaanadï. Ami go kajoñi iñaparadï daama tudu ïr xako bhai gï buadana soimaaxkamigadï óídakami Diuxi ïmadï. Ami ukami gïn aagidamu aanï xibi bïïtarï ix maaxkatadai gobai.

Apokalipsis 15:8

Dai aidïxi bui go Diuxi tïtïañikarudï go ajasokorhi bai kabami kubhuxitu ami kiupiïrï. Dai gobai gï maaxidi xi Diuxi ïr gubuakami. Dai ka maiti ixtui tomarhi ïmadutai ix bakiagi ami asta xïïxkadï ka bïïxi naato surhi go Diuxi tïtïañikaru go kubarakami gïgïbidaragai ix makïdï ami ajasokorhiïrï imïi.