Lebitiko 1:3 - Northern Tepehuan Bible

³ —Dai xi taiyïrï bïï naato gin mïidatulda agadagi ïgai ïmo soigadï buxtaki gï agai xi turukagi ix makïdï toma lïïchi maiti ïr kokoadï ka ïgai. Dai gï agai xi bïïxi bhai ïrhiarakïdï gin buapidagi ïgai go ikuxi baakiïrï kuuparagïrï xako didibai aanï dai ami gin buidïrï gatïïgiadagi. Ïma dukai mai ojoida tïïgimu aanï daxdaradï— itïtïdai.

Lebitiko 1:3 Iomraidhean Croise

Genesis 22:13

Dai Abraam aipako nïnïaba dai tïï ïmo kañiru kïrhiadï ix makïdï ami uxipïrhiana saï aagadï. Dai mïï bhïiyi ïgai dai daxdakarui dama tïï ïgai dai bhodïrï gïbiji dai mïji maradï bïïtarï.

Genesis 22:2

—Imiñi mïï Morayamu ïmadï gï maara ïmadugakïdï ix makïdï bia aapi ïmadï Sara. Go ix makïdï kïï oigïdai aapi. Dai ami Morayana gï tïïgidamu aanï ïmo tubidaki xi ami tubidaki dama gïbiña aapi go gï ïrhi dai bhodïrï gin mïitulda ïmo kañiru dukai— itïtïdai Diuxi.

Genesis 22:8

—Gin maara. Diuxi ïgai dai ïïgi daasamu kañiru ixtuma mïitulda aatïmï— itïtïdai Abraam. Dai bhodïrï apia imïi ïgai ïmo boiyamu.

Genesis 8:20

Bhodïrï Noé kïi ïmo daxdakarui xadutudaragai bïïtarï Gïr Nukadakami. Dai bïïxi go ix makïdï gï kuayi buxtaki ïmadï ujurugi bui ïgai ïïmoko dai mua dai daxdakarui dama tua dai mïïji. Bïï sudakami tukugadï mïïji ïgai dai podukai xadutudai Gïr Nukadakami.

Exodo 12:5

Gobai ix makïdï gï ugiatuda agai gï agai xi ïr kañirukagi xiïpï xibatokagi. Gï agai xi ïr kïrhiadïkagi ïgai dai ïmo umigi biakami dai mai biakami soimaaxi toma lachi abhana.

Exodo 32:6

Dai xadiko ïki bapañi go odami dai koi buxtaki dadaxda bïïtarï go baka maara. Ïïmoko mïikami darai ïgai daidi jaa darai ïgai ïmo urabaragai dukai ïmadï go baka maara. Bhodïrï daraibakai gïn aagakai gauu dai gaii go odami dai xigarhi bujimi. Ka mos aipako gïn abhana bopoyimi ïgai.

Lukas 1:35

Dai go tïañikarudï Diuxi potïtïdai aidï, —Gï dibidamu Diuxi Ibhïadï dai ïgaikïdï gï ayimu Diuxi gubukarhigadï gï abhana. Podukai nonoakami bimu aapi. Dai kaxkïdï kïïga buañixikamu gï maara ix makïdï buapamu aapi dai odami Diuxi Maradï aagadamu—.

VUAANA 1:36

dai tïï ïgai go Suxi ix no imïitadai daidi itïtïdai ïgai go gaa, —Daiñi bhodïrï imïi Diuxi Otosadï Kañiru— itïtïdai.

VUAANA 10:7

Kaxkïdï ïpïpï aagidi ïgai sai maatï kaïkana ix tïiya ïrhidi go aatagi daidi potïtïdai, —Kïïga abïr gïn tïgito kaïka idi ñoki. Daiñi, gïn aagida in ïrhidi sai aanï ïr go kuuparagai gï dukami xako kurarïrï bapakïi kañiñiru. Kaxkïdï tudu aanïkïdï bapakïi odami xako daja Diuxi.

2 Korintios 8:12

Diuxi kïï bhai ïlda nïidi ïmo odami xïïxkadï bhai ïrhiarakïdï gamaakadagi xïïxi ixtutiadagi tudu tomaxi mai xi gïïpi ixtutiadagi ix gamaakadagi ïgai.

2 Korintios 9:7

Maiti gï agai aapimï xi po gïn ïrhiada sai gubuakïdï bia xi gamaakadagi soiñi ïpï. Gïn tïgitobïrai ïïgi aapimï xïïxi gï agai sai gamaakadagi aapimï dai pokaxi abïr gamaakada. Dai maiti gï agai sai soi gïn ïrhiadagi aapimï gamaakaitai oidaragai ïpï. Daiñi, Diuxi kïïga bhai ïlda nïidi odami ix makïdï bhai ïrhiarakïdï gamamaakadagi oidaragai.

Efesios 2:18

Tomax dukai, xi ïr judiukagi aatïmï xi maiti ïr judiukagi ïpï, tomax dukai Suxi Kristo gïr maa baakigai xi urabana aatïmï gïr Oga. Xibi Diuxi Ibhïadïkïdï bhaiga aatïmï xi aatagiadagi ïgai tudu.

Efesios 5:27

Suxi Kristo buanai go buaboitudadami xi podukai kïïga xigiamaaxkagi aatïmï xïxkadï buitapi gïr baan tutusagi ïgai. Bai kïïga xigiamaaxkagi aatïmï aidï mai biakatai toma lachi tukuragai xi podukai mai biakagi aatïmï toma lachi soimaaxi gïr abhana.

Hebreos 7:26

Suxi Kristo tudu ïr go adaama kïïgadukïdï dadaxdadami ix makïdï bamioma kïï bhaiga ix gïr soikïdagi. Kïïga ïko daja ïgai go soimaaxkamiañdïrï tudu mai biakatai ixtukïdï gïpiïrï kaatïkagi. Kïï buañixi ïgai dai ka ïkobai daja ïgai soimaaxi ibuadamiañdïrï amïï tïbagiana dakatai ïgai. Dai bïïxi adaama bia ïgai xadutudaragai amïka tïbagiana dakatai ïpï.

Hebreos 9:14

Dïï gia xibi Diuxi Ibhïadï ix makïdï bïïxkïrï bïïtarï oidaga, maa gubukarhigai go Suxi Kristo sai ïïgi gï dasana ïgai ïmo daxdaragai dukai. Dai Suxi gia mai bia toma lïïchi soimaaxkami abhana dai muu ïgai ïmo daxdaragai dukai gïr bïïtarï sai podukai kïïga buanaiña ïgai gïr soimaaxkamiga. Ïgai gia mai xu xi mosïkaxi buanai gïr tutukuga ix dukai ibuadana go ïïkidadï dadaxdadami. Suxi Kristo gia asta gïr ibhïdaga bïïxi buañixikami biayi. Kïïga buanai ïgai bïïxi go naana maaxi ixtumaxi ix makïdï ibuadana aatïmï ix makïdï maiti ïr soiñikana. Buañixikami gïr biayi ïgai sai bhaigakana aatïmï xi ibuadagi xadutudaragai Diuxi bïïtarï tudu. Gïïpi bamioma kïïgadukami idui Suxi Kristo daaxdaragai xi bhai go ïïkidadï dadaxdadami. Suxi daxdaradï gia mai biïga toma lïïchi ixtukïdï kïïgakïrï gïr buanadagi tudu.