Lebitiko 1:2 - Northern Tepehuan Bible

² —Aagidañi go Israelitas sai, xudu gin daaxda agadagi ïgai ïmo buxtaki gï agai xi turukagi xiïpï baakaxi, xiïpï kañiru, xiïpï ïmo xibato ix makïdï gin daaxda agadagi ïgai- itïtïdai.

Lebitiko 1:2 Iomraidhean Croise

Genesis 4:3

Ïmo imidagai sai buapi Kain lïïchi yoobadï dai mïida agai Gïr Nukadakami ïmo xadutudaragai dukai.

Genesis 4:5

Dïï mai podukai nïidi ïgai go Kain ïmadï go ix makïdï buatadai ïgai xi gokïdï ka sïïrhikïdï bhamu aidï go Kain dai bhiibhixorai.

Markos 7:11

—Potudu kaiti Diuxi ojadï sïïrhikami— itïtïdai Suxi —Dïï aapimï ïma dukai aagai. Aapimï pokaiti sai xorai mai maaki ïrhiada soiñi bïïtarï dïïdïdï mosïkaxi gï agai xi adukai tïiyagi sai, kaxi ïr korban bïïxi buxtuidadï. Sai ka maa ïgai Diuxi buxtuidadï tudu, ikaitiña aapimï.

Romanos 12:1

Gin aaduñi, sïïrhikïdï kïï tuiga Diuxi gïr bïitarï gïr oigïrhitai. Kaxkïdï xibi kabami gïn tanïi aanï xi ïïgi gïn tïïgidagi aapimï ïmo daxdaragai duakakami dukai Diuxi bïïtarï. Diuxi bïïtarï abïr óídaka tudu kïïga xadutudaitai ïgai gin iibhïdakïdï. Gobai ïr ïmo bhai ïrhiaraga Diuxi bïïtarï. Kïïga maatiga maaxi aidï saidi ïr sïïrhi xi podukai xadutuadagi aapimï Diuxi.

Romanos 12:6

Diuxi gïr oigïdaitai gïr maa bïïxkatai aatïmï gubukarhigai xi buadagi aatïmï ïgai aaduindadï. Gï agai xi aatabuadagi aatïmï go gubukarhigaikïdï ix makïdï ïgai gïr maa. Ïïmadutai gïr maa ïgai gubukarhigai xi aagada aatïmï Diuxi ñokidï. Kaxkïdï ix makïdï aagadagi Diuxi ñokidï gï agai xi Diuxi gubukarhigakïdï agadagi ïgai kïïga buaboidaitai Diuxi.

Efesios 5:2

Kïïga abïr oigïada jaa aidï. Daiñi, Suxi Kristo gïr oigïdai kaxkïdï ïïgi gï dagito ïgai sai gï muatudana ïmo daxdaragai dukai. Podukai bhai dui ïgai gïr bïïtarï soimaaxi idunakai aatïmï. Dai Diuxi kïï bhai ïlda tïï Suxi Kristo daxdaradï. Kïï xigian dukai ubagi ïgai.